တမန်တော်ဝတ္ထု 1:4-8

ထို့နောက် အတူတကွ​စုရုံး​နေ​ကြ​စဉ် ကိုယ်တော်​က သူ​တို့​အား“ဂျေရုဆလင်​မြို့​မှ ထွက်ခွာ​မ​သွား​ဘဲ ငါ့​ထံမှ သင်​တို့​ကြား​ရ​သော ခမည်းတော်​၏​ကတိ​တော်​ကို စောင့်​နေ​ကြ​လော့။ အကြောင်းမှာ ယောဟန်​သည် ရေ​၌​ဗတ္တိဇံ​ပေး​၏။ သင်​တို့​မူကား မကြာမီ​အတွင်း သန့်ရှင်း​သော​ဝိညာဉ်​တော်​၌ ဗတ္တိဇံ​ခံရ​ကြ​လိမ့်မည်”​ဟု မိန့်မှာ​တော်မူ​၏။ တစ်ဖန် သူ​တို့​စုဝေး​လာ​ကြ​သောအခါ သူ​တို့​က ကိုယ်တော်​အား “သခင်​ဘုရား၊ ကိုယ်တော်​သည် ယခု​အချိန်​တွင် အစ္စရေး​လူမျိုး​အတွက် နိုင်ငံ​ကို ပြန်လည်​ထူထောင်​ပေး​တော်မူ​မည်​လော”​ဟု မေးလျှောက်​ကြ​၏။ ကိုယ်တော်​က​လည်း“ခမည်းတော်​သည် မိမိ​အခွင့်​အာဏာ​ဖြင့် စီရင်​ထား​တော်မူ​သော​ကာလ​များ​၊ သို့မဟုတ် အချိန်အခါ​များ​ကို သင်​တို့​သိ​ရန်​မ​လိုအပ်​ပေ။ သို့သော် သင်​တို့​အပေါ်သို့ သန့်ရှင်း​သော​ဝိညာဉ်​တော်​သက်ရောက်​လာ​သောအခါ သင်​တို့​သည် တန်ခိုး​ကို​ရရှိ​လျက် ဂျေရုဆလင်​မြို့၊ ယုဒ​နယ်​နှင့်​ရှမာရိ​နယ်​တစ်ခုလုံး​သာမက မြေကြီး​စွန်း​တိုင်အောင် ငါ​၏​သက်သေ​များ​ဖြစ်​ကြ​လိမ့်မည်”​ဟု မိန့်​တော်မူ​၏။