ရှင်ယောဟန်ဩဝါဒစာတတိယစောင် 1:1-4

သက်ကြီးဝါကြီး​ဖြစ်​သော​ငါ​သည် သမ္မာတရား​၌ ငါ​ချစ်​သည့် ချစ်​ရ​သော​ဂါယု​ထံသို့ စာ​ရေး​လိုက်​ပါ​၏။ ချစ်​ရ​သော​သူ၊ သင်​၏​စိတ်​ဝိညာဉ်​ကြီးပွား​သကဲ့သို့ သင်​သည် အရာရာ​၌​ကြီးပွား​၍ ကျန်းမာ​ပါစေ​ဟု ငါ​ဆုတောင်း​၏။ သင်​သည် သမ္မာတရား​၌ အသက်ရှင်​လျှောက်လှမ်း​နေ​သည့်​အလျောက် ညီအစ်ကို​အချို့​တို့​သည်​လာ​၍ သင်​၌​ရှိ​သော​သမ္မာတရား​အကြောင်း​ကို သက်သေခံ​ကြ​သောအခါ ငါ​သည် အလွန်​ဝမ်းမြောက်​၏။ ငါ့​သားသမီး​တို့​သည် သမ္မာတရား​၌​အသက်ရှင်​လျှောက်လှမ်း​နေ​ကြောင်း​ကို ကြား​ရ​သည်​ထက် ဝမ်းမြောက်​စရာ​ကောင်း​သော​အရာ​သည် ငါ​၌​မ​ရှိ။