Genesis 6
6
JALUNGKARR WARRIN
Genesis 6.1—9.17
Bamangka buyun-damankuda.
6.1-7
1-3Bama wubulmarin. Jana ngami-ngamiman, yiringkurrku dungan. Godungku yalaman, “Ngayu wawu kari bama nyajinka wuljaljiku bubungu bundanka, jana buyunmanya. Nyikumun jana jarra buban juranku bunday, 120 yearsmunku.”
5-7Juma Godungku nyajin bamangka jirray bajaku buyun-damanya. Bama buyun bajaku. Jana buyun-daman baja, buyun-daman baja, milkanga buyunjiku bundandan. Nyulu milka-bujarman nyulu jananin bama balkanya, bubungu yijarrinya. Nyulu nyuluku yalaman, “Ngayu bama, minya, dikal kari balkanyaku. Ngayu jananin wubulku yarkin-bal. Ngayu wanyurrinku balkan?”
Noah.
6.8—7.9
8-21Yamba nyubun bama, nyulu kari buyunman. Yinyaynka God nyungunku wawurr-wawurrmanijin. Nyulu bama burri Noah. Nyulu Godunji balkawanya, nyungun wukurrinya, buyay-maninya. Yinyaynka Godungku Noahnda yalaman, “Yundu boat yalbay balka yulalmun. Balka kalbaliku, 133 metres, 22 metres dindarra, 13 metres jarra-jarra yala juku kalbali. Floor kulur balka, yala bayan kulur, nyubun bada bajaku, yindu dindarra, nyubun jarra-jarra baja. Karrngka window nyubun balka dindarranga bayanba. Nyubun door yalarrku balka boatmunbu.” Godungku yalaman baja Noahnda, “Ngayu jalungkarr yungal bubungu, bubu yiringkurrku nandaji. Bama-bama, minya-minya, dikal-dikal wubulku bujil-janjilkuda. Wubulku wulaykuda, yamba ngayu yunu promise dajil. Kaba kadanjiku, yunu manyarr, yunu kangkal-kangkal kuluruku, jananga manyarr-karra boatmunbu-bunga. Yundu yalarrku dingkar nyubun and jalbu nyubun minya walu-yindu walu-yindu boatmunbu walay-mana. Yundu minya marajiku, bijijiku, jinajiku mana, boatmunbu walay-mana. Kanbal minya ngulkurr, ngaykundu dajinka. Jananin 7-bala walay-mana, yalarrku dikal walu-yindu walu-yindu 7-bala. Yala yundu mayi jirrayku walay-mana yurranka, and jananka wubulinkaku.”
6(6.22-7.9) Yinyamun Noahngka Godumu kuku wukurrin, yala Godungkuku balkan. Nyulu 600 years oldman, nyulu boat kunbay-manin. Yinyamun nyulu and nyungu jawun-karra boatmunbu walan. Minyangka yindu-yinduynju Noah jambul-jambulku wukurrin boatmunbu. Wawu walanyamun Godungku door nandankuda boatmunbu.
လက်ရှိရွေးချယ်ထားမှု
Genesis 6: gvnNTOTPO
အရောင်မှတ်ချက်
မျှဝေရန်
ကူးယူ
မိမိစက်ကိရိယာအားလုံးတွင် မိမိအရောင်ချယ်သောအရာများကို သိမ်းဆည်းထားလိုပါသလား။ စာရင်းသွင်းပါ (သို့) အကောင့်ဝင်လိုက်ပါ
© 1985, Wycliffe Bible Translators, Inc. All rights reserved.