မာကု 12မှ လူကြိုက်နှစ်သက်သော ကျမ်းပိုဒ်များ။

မျှဝေရန်

ယေရှု​က “ ‘အစ္စရေးလူမျိုးတို့… နားထောင်ကြလော့။ ငါတို့​၏ ဘုရားသခင် ထာဝရဘုရား​သည် တစ်ဆူတည်းသော​ထာဝရဘုရား ဖြစ်၏။ သင်​၏​ဘုရားသခင် ထာဝရဘုရား​ကို စိတ်နှလုံး​အကြွင်းမဲ့၊ စိတ်ဝိညာဉ်​တစ်ခုလုံး၊ ဉာဏ်​ရှိသမျှ၊ အစွမ်း​သတ္တိ​ရှိသမျှ​နှင့် ချစ်လော့’ ဟူသော ပညတ်တော်​သည် အရေးကြီးဆုံး​ဖြစ်၏။ ဒုတိယ​ပညတ်တော်​သည်လည်း ထို​နည်းတူ​ဖြစ်​၍ ‘ကိုယ်​နှင့်​သက်ဆိုင်သော​သူ​ကို ကိုယ်​နှင့်​အမျှ ချစ်လော့’ ဟူ၍ ဖြစ်၏။ ဤ​ပညတ်တော်​နှစ်ပါး​ထက် ကြီးမြတ်သော​ပညတ်​မရှိ” ဟု မိန့်တော်မူ၏။

ကိုယ်တော်​သည် တပည့်တော်တို့​ကို ခေါ်​၍ “သင်တို့​အား ငါ​အမှန်​ဆို၏။ ဤ​ဆင်းရဲသော​မုဆိုးမ​သည် အခြား​လှူဒါန်းကြသော​လူများ​ထက် ပို၍ လှူဒါန်းလေပြီ။ အခြားသော​သူတို့​သည် မိမိတို့​ပိုလျှံသည့်​ငွေကြေး​ထဲက လှူဒါန်းကြ၏။ သို့သော် ဤ​အမျိုးသမီး​မှာ ဆင်းရဲ​လျက်​နှင့်ပင် အသက်မွေးစရာ ရှိသမျှ​ငွေ​ကို လှူလေပြီ” ဟု မိန့်တော်မူ၏။

ထို့နောက် ယေရှု​သည် ဗိမာန်တော် အလှူခွက်​၏ မနီးမဝေး​တွင် ထိုင်​လျက် လူတို့​သည် အလှူငွေများ​ကို အလှူခွက်​ထဲသို့ ထည့်ကြသည်​ကို ကြည့်ရှုတော်မူ၏။ ချမ်းသာသော​သူများ​က ငွေ​အမြောက်အမြား ထည့်ကြ၏။ ထိုစဉ် ဆင်းရဲသော​မုဆိုးမ​တစ်ဦး​သည် လာ​၍ ကြေးဒင်္ဂါးလေး​နှစ်ပြား​ကို ထည့်လေ၏။

ဘုရားသခင်​ကို စိတ်နှလုံး​အကြွင်းမဲ့၊ ဉာဏ်စွမ်း​ရှိသမျှ၊ အစွမ်း​သတ္တိ​ရှိသမျှ​နှင့် ချစ်လော့၊ ကိုယ်​နှင့်​သက်ဆိုင်သော​သူ​ကို ကိုယ်​နှင့်​အမျှ ချစ်လော့​ဟူသော ပညတ်တော်တို့​ကို လိုက်နာခြင်း​သည် မီးရှို့ရာ​ယဇ်​နှင့် အခြား​ယဇ်တို့​ကို ပူဇော်ခြင်း​ထက် သာ​၍ ကြီးမြတ်ပါသည်” ဟု ပြန်​၍ လျှောက်လေ၏။

ထိုအခါ ယေရှု​က “သို့ဖြစ်လျှင် ဆီဇာဘုရင်​နှင့်​ဆိုင်သော​အရာများ​ကို ဆီဇာဘုရင်​အား ပေးဆောင်ကြလော့။ ဘုရားသခင်​နှင့်​ဆိုင်သော​အရာများ​ကို ဘုရားသခင်​အား ပေးဆောင်ကြလော့” ဟု ထို​သူတို့​ကို မိန့်တော်မူ​လျှင် သူတို့​သည် အံဩကြ၏။