မာကု 11မှ လူကြိုက်နှစ်သက်သော ကျမ်းပိုဒ်များ။

မျှဝေရန်

ထို့ကြောင့် သင်တို့​ကို ငါ​ဆိုသည်​မှာ သင်တို့​သည် မိမိတို့​တောင်းလျှောက်​သမျှ​ကို ရရှိပြီ​ဟု ယုံကြည်သော​စိတ်​ဖြင့် ဆုတောင်း​လျှင် တောင်း​သမျှ​ကို ရကြ​လိမ့်မည်။

သင်တို့​အား ငါ​အမှန်​ဆို၏။ တစ်စုံတစ်ဦး​သည် သံသယစိတ်​မထားဘဲ မိမိ​ပြောသည့်​အတိုင်း​ဖြစ်မည်​ဟု ယုံကြည်​လျက် ဤ​တောင်​ကို ‘ဤ​နေရာ​မှ ရွေ့​ကာ ပင်လယ်​သို့ ကျလော့’ ဟု ပြော​လျှင် ပြောသည့်​အတိုင်း ဖြစ်​လိမ့်မည်။

သို့သော် သင်တို့​သည် ဆုတောင်း​သောအခါ တစ်ပါးသူတို့​အပေါ်​၌ အပြစ်တင်စရာ​ရှိလျှင် ထို​သူတို့​၏​အပြစ်​ကို ဦးစွာ​ခွင့်လွှတ်ကြလော့။ သို့မှသာ ကောင်းကင်ဘုံ​၌​ရှိတော်မူသော ခမည်းတော်​သည် သင်တို့​၏ အပြစ်များ​ကို ခွင့်လွှတ်တော်မူ​လိမ့်မည်။

ယေရှု​က “ဘုရားသခင်​ကို ယုံကြည်သော​စိတ် ရှိကြလော့။

ကိုယ်တော်​က “ကျမ်းစာ​တွင် ‘ငါ​၏ အိမ်တော်​သည် လူမျိုး​အပေါင်းတို့​၏ ဆုတောင်းရာ​အိမ်တော်​ဟု ခေါ်ဆို​ရမည်’ ဟူ၍ ရေးသားထား​သော်လည်း သင်တို့​သည် အိမ်တော်​ကို ဓားပြစခန်း​ဖြစ်စေကြပြီ” ဟု သူတို့​အား သွန်သင်​လျက် မိန့်တော်မူ၏။

ကိုယ်တော်​၏​ရှေ့တော်​နှင့် နောက်တော်​တွင် လိုက်ပါသော​လူတို့​က “ထာဝရဘုရား​၏ ဂုဏ်တော်​ကို ချီးမွမ်းကြ​ပါစေသော။ ဘုရားသခင်​၏ အမည်​နာမ​နှင့် ကြွလာသော​အရှင်​သည် မင်္ဂလာ​ရှိပါစေသော။

မကြာမီ ပေါ်ထွန်းတော့မည့် ငါတို့​အဖ ဒါဝိဒ်​၏ နိုင်ငံတော်​သည် မင်္ဂလာ​ရှိပါစေသော။ အမြင့်ဆုံးသော ကောင်းကင်ဘုံ​၌ ဘုရားသခင်​၏ ဂုဏ်တော်​ကို ချီးမွမ်းကြ​ပါစေသော” ဟု ကြွေးကြော်ကြ၏။