ယေဇကျေလ 4မှ လူကြိုက်နှစ်သက်သော ကျမ်းပိုဒ်များ။

မျှဝေရန်

ထို​မှ​တစ်​ပါး၊ သင်​သည် လက်​ဝဲ​နံ​စောင်း​ဖြင့် အိပ်၍၊ ဣ​သ​ရေ​လ​အ​မျိုး၏​အ​ပြစ်​ကို ထို​နံ​စောင်း၌ တင်​ထား​လော့။ ထို​သို့​အိပ်​ရ​သော နေ့​ရက်​အ​ရေ​အ​တွက်​အ​တိုင်း သူ​တို့​အ​ပြစ်​ကို​ခံ​ရ​မည်။ အ​ကြောင်း​မူ​ကား၊ အ​ရက်​သုံး​ရာ​ကိုး​ဆယ် အ​ရေ​အ​တွက်​အ​တိုင်း၊ သူ​တို့​အ​ပြစ်​နှင့်​ယှဉ်​သော နှစ်​ပေါင်း​ကို သင်၏​အ​ပေါ်၌ ငါ​တင်​ထား​ပြီ။ ထို​သို့ ဣ​သ​ရေ​လ​အ​မျိုး၏​အ​ပြစ်​ကို သင်​သည်​ခံ​ရ​မည်။

ထို​နေ့​ရက်​စေ့​ပြီး​မှ၊ တစ်​ဖန် လက်​ယာ​နံ​စောင်း​ဖြင့် အိပ်၍၊ အ​ရက်​လေး​ဆယ်​ပတ်​လုံး ယု​ဒ​အ​မျိုး၏​အ​ပြစ်​ကို ခံ​ဦး​လော့။ နှစ်​အ​စား၌ ရက်​ကို​ငါ​ထား​ပြီ။

ထို​မှ​တစ်​ပါး၊ ဂျုံ​ဆန်၊ မု​ယော​ဆန်၊ ပဲ​ဆန်​နှစ်​မျိုး​နှင့် ပြောင်း​ဆန်၊ ကောက်​ဆန်​တို့​ကို ယူ၍ အိုး​တစ်​လုံး၌ ရော​နှော​လျက်​ထား​ရ​မည်။ နံ​စောင်း​တစ်​ဖက်​ဖြင့် အိပ်​ရ​သော​နေ့​ရက် သုံး​ရာ​ကိုး​ဆယ်​ပတ်​လုံး၊ ထို​ရော​နှော​သော ဆန်​ကို မုန့်​လုပ်၍ စား​ရ​မည်။