JUAN 3မှ လူကြိုက်နှစ်သက်သော ကျမ်းပိုဒ်များ။

မျှဝေရန်

Taita Diosca cai pachapi causajcunata ninanda juyashpami, Paipaj shujlla Churita caramurca. Pipash Paita crishpaca, na chingaita chingagringachu, ashtahuangarin causaitami causagringa.

Taita Diosca, cai pachapi causajcunata ninan llaquiman cachangapaca na Paipaj Churitaca cachamurcachu. Ashtahuangarin, cai pachapi causajcunata quishpichingapami cachamurca.

Shina nijpimi Jesusca, cashna nirca: “Napacha llullashpami, candaca cashna nini: Pipash mushujta na huacharishpaca, Taita Dios mandajuj llactataca napacha ricui ushangachu” nircami.

Maijambash Paita crishpaca, na llaquichi tucungachu. Ashtahuangarin, maijambash na crishpaca, llaquichi tucungapachami. Taita Diospaj Shujlla Churipaj shutita na crishcamandami, chashna llaquichi tucunga.

Michami, cai pachaman shamurca. Gentecunaca, paicunapaj ruraicuna na ali cajpimi, michata juyangapa randica, yana yana tutapishna causanatara ashtahuan juyarca. Chashna cashcamandami llaquichi tucunata charin.

Paica, ashtahuan ashtahuan jatunyachi tucunatami charin. Ashtahuangarin ñucami, yangalla tucushpa catina cani.

Na alita rurashpa causajcunami, michata na ricunayachishpa, chai michataca na chasquishpa causanajun. Paicuna na alita ruranajujpi ama jarcashpa rimachunmi chashna causanajun.

Diospaj Churita maijambash crishpaca causaita causanatami charin. Diospaj Churita na crishpaca, napacha causaita causangachu. Ashtahuangarin, Taita Dios ninanda fiñarishpa, llaquiman cachanatallami shuyajunga” nijurcami.

Jichushca pambapi, culebrata rurashpa Moisés huarcurcashnami, Runa Aichayuj tucushca Ñucapash, caspipi huarcui tucunapacha cani.

Taita Diosca, Paipaj Churita ninanda juyashpami, tucui imatapash mandajuchun, Paipaj maquipi churarca.