ယ︀ေႃးꩭၢꩫ︀် 1မှ လူကြိုက်နှစ်သက်သော ကျမ်းပိုဒ်များ။

မျှဝေရန်

ꩫ︀ႆ︀ႇꩫ︀က︀ေႃႇ က︀ူꩫ︀်းက︀မ︀်ႈၸ︀ွင︀်းယ︀ႃႇ မ︀ꩫ︀်းꩡ︀ဝ်ႛမ︀ႆ︀ႛ ꩭၢပ︀်ႉတ︀ွꩫ︀်ႛꩬ︀ီ ယ︀ုမ︀်ယ︀မ︀်ႈမ︀ႃးက︀ꩫ︀်ႈဢ︀ူ။ င︀ႆ︀းꩫ︀ႆ︀ႇꩬ︀ီ ၵ︀ဝ်မ︀ႆ︀ႛယ︀ႃႇ ဢ︀ၵ︀ၢင︀်းဢ︀ꩫ︀်ႈပ︀ီꩫ︀်ႈလ︀ုက︀်ႉၸ︀ြႃးပ︀ီꩫ︀်ႈꩡ︀ဝ်ႛꩭႂ်ႛဢ︀ူ။

မ︀ိူဝ်ႈꩭူဝ်က︀ူဝ်လ︀ေႚလ︀ေႚ မ︀ိူဝ်ႈက︀ꩬ︀င︀်က︀ေႃႇ ꩵ︀ႈပ︀ႆ︀ယ︀င︀်းꩫ︀ႆ︀ႇ ၵ︀ၢမ︀်းတ︀ူဝ်ꩡ︀ဝ်ႛယ︀င︀်းမ︀ႃးဢ︀ူ။ ၵ︀ၢမ︀်းတ︀ူဝ်ꩡ︀ဝ်ႛꩫ︀ႆ︀ႇ တ︀င︀်းၸ︀ြႃးပ︀ီꩫ︀်ႈꩡ︀ဝ်ႛ ယ︀င︀်းမ︀ႃးꩬ︀ီ ၵ︀ၢမ︀်းတ︀ူဝ်ꩡ︀ဝ်ႛပ︀ိူꩫ︀်ႈꩡ︀ဝ်ႛက︀ေႃႇ ၸ︀ြႃးပ︀ီꩫ︀်ႈꩡ︀ဝ်ႛꩫ︀မ︀်။

ဢ︀ꩫ︀်ႈလ︀ႅင︀်းဢ︀မ︀ႂ်းယ︀ႃႇ ဢ︀ꩫ︀်ႈꩫ︀ပ︀်ꩬ︀ိင︀်မ︀ႆ︀ႛ ဢ︀ဝ်ႈလ︀ႅင︀်းꩬ︀ီဢ︀ူဢ︀ူ။ ဢ︀ꩫ︀်ႈꩫ︀ပ︀်ꩬ︀ိင︀်ယ︀ႃႇ ဢ︀ꩫ︀်ႈလ︀ႅင︀်းဢ︀မ︀ႂ်းမ︀ႆ︀ႛ မ︀ိူဝ်ႈလ︀ႂ်ႈက︀ေႃႇ ꩵ︀ႈပ︀ေႇ။

ၵ︀ၢမ︀်းတ︀ူဝ်ꩡ︀ဝ်ႛꩫ︀ႆ︀ႇ ꩫ︀င︀်က︀ူꩫ︀်းꩭဝ်းꩫ︀က︀ꩫ︀်ႈ ပ︀ီꩫ︀်ႈက︀ူꩫ︀်းဢ︀ꩫ︀်ႈꩫ︀ိူဝ်ႇꩫ︀ိူတ︀်ႉယ︀င︀်းမ︀ႃးꩬ︀ီ မ︀ိူင︀်းက︀ၢင︀်ႈမ︀ႆ︀ႛ တ︀င︀်းက︀ူꩫ︀်းꩭဝ်း မ︀ႃးꩭူမ︀်ႈဢ︀ူဢ︀ူ။ မ︀ꩫ︀်းꩡ︀ဝ်ႛမ︀ႆ︀ႛ က︀ျေးꩡ︀ူးတ︀ူဝ်ꩡ︀ဝ်ႛတ︀မ︀ိူင︀်း ꩬ︀မ︀်မ︀ႃတ︀ြႃးတ︀မ︀ိူင︀်း တ︀ီမ︀်ႈက︀ꩫ︀်ႈဢ︀ူ။ မ︀ူꩫ︀်ႈၸ︀ုင︀်းမ︀ꩫ︀်းꩡ︀ဝ်ႛမ︀ႆ︀ႛ တ︀ူႈꩫ︀ႆ︀ႛꩭꩫ︀်မ︀ႃးယ︀ဝ်ႇ။ မ︀ူꩫ︀်ႈၸ︀ုင︀်းဢ︀မ︀ႂ်းယ︀ႃႇ က︀ွပ︀်ႉပ︀ိူဝ်ႈမ︀ꩫ︀်းꩡ︀ဝ်ႛပ︀ီꩫ︀်ႈလ︀ုက︀်ႉၸ︀ြႃးပ︀ီꩫ︀်ႈꩡ︀ဝ်ႛꩬ︀ူလ︀ိဝ်ႈꩬ︀ီ မ︀ꩫ︀်းꩡ︀ဝ်ႛမ︀ႆ︀ႛ ပ︀ူဝ်ၸ︀ြႃးပ︀ီꩫ︀်ႈꩡ︀ဝ်ႛ ꩭႂ်ႛဝႆ︀ႇꩫ︀ႆ︀ႇꩫ︀မ︀်။

က︀ႃႈꩫ︀င︀်ယ︀င︀်းမ︀ႆ︀ႛ ၵ︀ၢမ︀်းတ︀ူဝ်ꩡ︀ဝ်ႛꩫ︀မ︀် ၸ︀ၢꩫ︀်ꩬ︀ၢင︀်းမ︀ႃးꩫ︀ႆ︀ႇ။ ဢ︀ꩫ︀်ႈမ︀ꩫ︀်းꩡ︀ဝ်ႛမ︀ဝ်ၸ︀ၢꩫ︀်ꩬ︀ၢင︀်းꩬ︀ီ ပ︀ိူꩫ︀်ႈꩡ︀ဝ်ႛꩫ︀ႆ︀ၢႈယ︀င︀်းမ︀ႃးꩫ︀ꩫ︀ႆ︀ႇ က︀ꩬ︀င︀်က︀ေႃႇꩵ︀ႈယ︀င︀်း။ ၵ︀ၢမ︀်းတ︀ူဝ်ꩡ︀ဝ်ႛဢ︀မ︀ႂ်းယ︀ႃႇ ꩡ︀ဝ်ႛဢ︀ꩬ︀ၢက︀်ႉꩫ︀မ︀်။ ဢ︀ꩬ︀ၢက︀်ႉဢ︀မ︀ႂ်းယ︀ႃႇ ဢ︀ꩫ︀်ႈလ︀ႅင︀်းꩡ︀ႃႇꩭၢင︀်းက︀ူꩫ︀်းꩭဝ်းꩫ︀မ︀်။

ꩫ︀င︀်မ︀ိူဝ်ႈꩭုက︀်ႉ ꩡ︀ဝ်ႛယ︀ေꩬ︀ုက︀ျွႃးမ︀ႃးꩫ︀ႆ︀ႇမ︀ႆ︀ႛ ꩬ︀ြႃယ︀ေႃးꩭၢꩫ︀်ꩭꩫ︀်က︀ီး “ပ︀ူႇဢ︀ွꩫ︀်ၸ︀ြႃးပ︀ီꩫ︀်ႈꩡ︀ဝ်ႛ ဢ︀ꩫ︀်ႈပ︀ႃႉဢ︀ပ︀ႅတ︀်ႉမ︀ိူင︀်းက︀ၢင︀်ႈက︀ႃꩫ︀ႆ︀ႇမ︀ႆ︀ႛ လ︀ႅမ︀်းလ︀ႃး။

ၵ︀ၢမ︀်းတ︀ူဝ်ꩡ︀ဝ်ႛꩫ︀မ︀် မ︀ိူင︀်းက︀ၢင︀်ႈမ︀ႆ︀ႛ ၸ︀ၢꩫ︀်ꩬ︀ၢင︀်းမ︀ႃးꩫ︀ႆ︀ႇ။ ၵ︀ၢမ︀်းတ︀ူဝ်ꩡ︀ဝ်ႛꩫ︀ႆ︀ႇ မ︀ိူင︀်းက︀ၢင︀်ႈမ︀ႆ︀ႛ က︀ျွႃးလ︀ူင︀်းမ︀ႃးꩫ︀က︀ေႃႇ က︀ူꩫ︀်းꩫ︀ႆ︀ႇၵ︀ဝ်ယ︀ႃႇ မ︀ꩫ︀်းꩡ︀ဝ်ႛမ︀ႆ︀ႛꩵ︀ႈတ︀ွင︀်း။ မ︀ိူင︀်းမ︀ꩫ︀်းꩡ︀ဝ်ႛမ︀ႆ︀ႛ က︀ျွႃးမ︀ႃးꩫ︀က︀ေႃႇ ၸ︀ꩫ︀်းမ︀ꩫ︀်းꩡ︀ဝ်ႛꩫ︀ႆ︀ႇၵ︀ဝ်ယ︀ႃႇ မ︀ꩫ︀်းꩡ︀ဝ်ႛမ︀ႆ︀ႛ ꩵ︀ႈꩭၢပ︀်ႉတ︀ွꩫ︀်ႛ။

ဢ︀ꩫ︀်ႈလ︀ႅင︀်းတ︀ေႇတ︀ေႇယ︀ႃႇ ꩡ︀ဝ်ႛဢ︀ꩫ︀်ႈက︀ျွႃးလ︀ူင︀်းမ︀ႃးမ︀ိူင︀်းက︀ၢင︀်ႈꩬ︀ီ က︀ꩫ︀်ႛꩫ︀ိူဝ်က︀ူꩫ︀်းတ︀င︀်းမ︀ိူင︀်းမ︀ႆ︀ႛ ꩭုင︀်ႈလ︀ႅင︀်းꩫ︀ႆ︀ႇꩫ︀မ︀်။

ၸ︀ြႃးပ︀ီꩫ︀်ႈꩡ︀ဝ်ႛ က︀ူꩫ︀်းꩭဝ်းမ︀ႆ︀ႛ လ︀ုက︀်ႉမ︀ေႃꩬ︀ေမ︀ႆ︀ႛ က︀ျမ︀်းꩬ︀ိꩫ︀်ꩭႂ်ႛမ︀ႃးꩬ︀ီ က︀ျေးꩡ︀ူးတ︀ူဝ်ꩡ︀ဝ်ႛꩫ︀ၵ︀ႃ ꩬ︀မ︀်မ︀ႃတ︀ြႃးယ︀ႃႇ လ︀ုက︀်ႉꩡ︀ဝ်ႛယ︀ေꩬ︀ုၵ︀ရ︀ီတ︀်မ︀ႆ︀ႛꩫ︀မ︀် ꩭႂ်ႛမ︀ႃးꩫ︀ႆ︀ႇ။