ယူဝ်းႁၢၼ်ႇ 13မှ လူကြိုက်နှစ်သက်သော ကျမ်းပိုဒ်များ။

မျှဝေရန်

ၵဝ်​ပၼ်​ပိင်း​ၺၢပ်ႈ​ဢၼ်​မႂ်ႇ​ဝႆႉ​တီႈ​သူ​လႄႈ​ဝႃႈ၊ သူ​ၵေႃႉ​ၼိုင်ႈ​လႄႈ​ၵေႃႉ​ၼိုင်ႈ​ႁၵ်ႉ​ၵၼ်​တႃႉ၊ ၸိူဝ်ႉ​ၼင်ႇ​ဢၼ်​ၵဝ်​ႁၵ်ႉ​သူ​ၼၼ်ႉ၊ ၵေႃႉ​ၼိုင်ႈ​လႄႈ​ၵေႃႉ​ၼိုင်ႈ​ႁၵ်ႉ​ၵၼ်​တႃႉ၊ ဝႃႈ​ၼင်ႇ​ၼႆ​ဢေႃႈ။- ပေႃး​သူ​ၵေႃႉ​ၼိုင်ႈ​လႄႈ​ၵေႃႉ​ၼိုင်ႈ​ႁၵ်ႉ​ၵၼ်​ၸိုင် ၵူၼ်း​တင်း​သဵင်ႈ​တင်း​လူင်​တၵ်း​ထွၵ်ႈ​လူၺ်ႈ တၢင်း​ႁၵ်ႉ​ၼၼ်ႉ​သေ​လႄႈ ႁူႉ​လွင်ႈ​ဢၼ် သူ​ပဵၼ်​တပႄး​ၵဝ်​ဢေႃႈ၊ ဝႃႈ​ၼင်ႇ​ၼႆ​ဢေႃႈ။

ပေႃး​ၵဝ်​ဢၼ်​ပဵၼ်​ၸဝ်ႈ​ၽြႃး​သူ ပဵၼ်​သြႃႇ​သူ​ၼႆႉ​သုၵ်ႈ​တိၼ်​သူ​ၸိုင် သူ​ၵေႃႉ​ၼိုင်ႈ​လႄႈ​ၵေႃႉ​ၼိုင်ႈ​တၵ်း​လႆႈ​သုၵ်ႈ​တိၼ်​ၵၼ်​ဢေႃႈ။- ၼင်ႇ​ႁိုဝ်​သူ​တၵ်း​ႁဵတ်း​ၸွမ်း​ၵႃႈ​ၼင်ႇ​ဢၼ် ၵဝ်​ႁဵတ်း​ၼႂ်း​သူ​ၼႆႉ​ၼၼ်ႉ​ၸိုင်၊ ၵဝ်​ၼႄ​ပျႃး​ပုင်ႇ​သၢၵ်ႈ​သေႇ​ဝႆႉ​ယဝ်ႉ။

ယေႇသူႉ ​ၵေႃႈ​ၶိုၼ်း​လၢတ်ႈ​လႄႈ​ဝႃႈ၊ လွင်ႈ​ဢၼ်​ၵဝ်​ႁဵတ်း​ၼႆ​ၸိုင် တေႃႈ​လဵဝ်​ၼႆႉ​မႂ်း​ဢမ်ႇ​ပႆႇ​ႁူႉ။ ၵမ်း​လိုၼ်း​မႂ်း​တၵ်း​ႁူႉ​ဢေႃႈ၊ ဝႃႈ​ၼင်ႇ​ၼႆ​ဢေႃႈ။

ၵဝ်​ဝႃႈ​တီႈ​ၸိုဝ်ႈ​တီႈ​ၸႂ်ႈ​တီႈ​သူ​ၸမ်ႉ၊ ၶႃႈ​ယဵင်ႈ​ၶႅၼ်း​ယႂ်ႇ​မျၢတ်ႈ​ၼႃႇ​သေ​ၸဝ်ႈ​မၼ်း​ဢမ်ႇ​ၸႂ်ႈ။ ၵေႃႉ​ဢၼ်​ၶၢမ်ႇ​တၢင်း​ဢၼ်​ပွႆႇ​ၸႂ်ႉ ၼၼ်ႉ​ၵေႃႈ​ယဵင်ႈ​ၶႅၼ်း​ယႂ်ႇ​မျၢတ်ႈ​ၼႃႇ​သေ ၵေႃႉ​ဢၼ်​ပွႆႇ​ၸႂ်ႉ​မၼ်း​ၼၼ်ႉ​ဢမ်ႇ​ၸႂ်ႈ။

ပေႃး​သူ​ႁူႉ​လွင်ႈ​တၢင်း​ၸိူဝ်း​ၼႆႉ​လႄႈ ၵမ်​ၵျၢင်ႉ​ၸွမ်း​ၸိုင် သူ​မီး​မင်ႇၵလႃႇ​ဢေႃႈ။

လုၵ်ႉ​သေ​ၵႃႈ​တီႈ​ၶူင်ႇ​တီႈ​ၵိၼ်​ၼၼ်ႉ​လႄႈ ထွတ်ႇ​ဢဝ်​ၶူဝ်း​မၼ်း​ၸဝ်ႈ​သေ​ယဝ်ႉ၊ ဢဝ်​ၽႃႈ​ၸဵတ်ႉ​လႄႈ ႁတ်ႉ​ဢႅဝ်​မၼ်း​ၸဝ်ႈ​ဢေႃႈ။- လိုၼ်း​ၼၼ်ႉ မၼ်း​ၸဝ်ႈ​ဢဝ်​ၼမ်ႉ​ထွၵ်ႇ​သႂ်ႇ​ၵႃႈ​ၼႂ်း​ဢႅင်ႇ​သေ​လႄႈ သုၵ်ႈ​တိၼ်​တပႄး​ၸဝ်ႈ​တင်း​လၢႆ​ယဝ်ႉ​ၸင်ႇ ဢဝ်​တင်း​ၽႃႈ​ၸဵတ်ႉ​ဢၼ်​ႁတ်ႉ​ဢႅဝ်​မၼ်း​ၸဝ်ႈ​ၼၼ်ႉ​ၸဵတ်ႉ​ဢေႃႈ။