ယူဝ်းႁၢၼ်ႇ 12မှ လူကြိုက်နှစ်သက်သော ကျမ်းပိုဒ်များ။

မျှဝေရန်

ၽူႈ​လႂ်​သေ​ဢမ်ႇ​ဝႃႈ၊ ပေႃး​ပဵၼ်​ၵေႃႉ​ဢၼ်​ႁဵတ်း​ၵူၼ်း​ၸႂ်ႉ​ၵူၼ်း​သွႆ​ၵဝ်​ၸိုင် တၵ်း​လႆႈ​ၸွမ်း​ပႃႈ​လင်​ၵဝ်​ဢေႃႈ။ ၵေႃႉ​ဢၼ်​ႁဵတ်း​ၵူၼ်း​ၸႂ်ႉ​ၵူၼ်း​သွႆ​ၵဝ်​ၼၼ်ႉ​ၵေႃႈ တၵ်း​မီး​ၵႃႈ​တီႈ​ဢၼ်​ၵဝ်​မီး​ၼၼ်ႉ​ဢေႃႈ။ ၽူႈ​လႂ်​သေ​ဢမ်ႇ​ဝႃႈ၊ ပေႃး​ပဵၼ်​ၵေႃႉ​ဢၼ်​ႁဵတ်း​ၵူၼ်း​ၸႂ်ႉ​ၵူၼ်း​သွႆ​ၵဝ်​ၸိုင်၊ ပေႃႈ​ၸဝ်ႈ​တၵ်း​ယုၵ်ႉ​ယွင်ႈ​ၵေႃႉ​ၼၼ်ႉ​ဢေႃႈ။

ၵေႃႉ​ဢၼ်​ႁၵ်ႉ​ဢသၢၵ်ႈ​တူဝ်​ၸဝ်ႈ​ၵဝ်ႇ​ၼၼ်ႉ ဢသၢၵ်ႈ​တၵ်း​သုမ်း​ဢေႃႈ။ ၵေႃႉ​ဢၼ်​ၸင်း​ဢသၢၵ်ႈ​တူဝ်​ၸဝ်ႈ​ၵဝ်ႇ​ၼႂ်း​လေႃးၵႃႉ​ၼႆႉ​ၼၼ်ႉ​ၸမ်ႉ၊ ပႂ်ႉ​ပုၼ်ႈ​ထႃႇဝရႃႉ​ဢသၢၵ်ႈ​ယူႇ​ဢေႃႈ။

ၵဝ်​ဝႃႈ​တီႈ​ၸိုဝ်ႈ​တီႈ​ၸႂ်ႈ​တီႈ​သူ​ၸမ်ႉ၊ ပေႃး​မဵတ်ႉ​ၶဝ်ႈ​ပိူၵ်ႇ​ဢၼ်​တူၵ်း​ၵႃႈ​တီႈ​လိၼ်​ၼၼ်ႉ ဢမ်ႇ​လူႉ​ၸိုင်၊ တၵ်း​လႆႈ​ယူႇ​ဢၼ်​လဵဝ်​ၵူၺ်း​မၼ်း​ဢေႃႈ။ ပေႃး​လူႉ​ၸမ်ႉ၊ ၸၢင်ႈ​မၢၵ်ႇ​မၢၵ်ႇ​မၼ်း​ၼမ်​ၼႃႇ​ဢေႃႈ။

ၼင်ႇ​ႁိုဝ်​ၶဝ်​ၸိူဝ်း​ဢၼ်​ယုမ်ႇ​မၢတ်ႈ​ၵဝ် ၵႃႈ​မီး​တင်း​သဵင်ႈ​တင်း​လူင်​ၼၼ်ႉ တၵ်း​ဢမ်ႇ​လႆႈ​ယူႇ​ၵႃႈ​တီႈ​ၼႂ်း​ဢၼ်​လပ်း​သိင်ႇ​ၸိုင်၊ ၵဝ်​ပဵၼ်​ဢၼ်​လႅင်း​သေ​လႄႈ​မႃး​ၼႂ်း​လေႃးၵႃႉ​ၼႆႉ​ယဝ်ႉ။

ၽူႈ​လႂ်​သေ​ဢမ်ႇ​ဝႃႈ၊ ပေႃး​ငိၼ်း​ၵႂၢမ်း​ၵဝ်​လႄႈ ဢမ်ႇ​ယုမ်ႇ​မၢတ်ႈ​ၵႂၢမ်း​ၼၼ်ႉ​ၸိုင်၊ ၵဝ်​ဢမ်ႇ​ၸီႇ​ယၢင်ႇ​ဢပႅတ်ႈ​တီႈ​ၵေႃႉ​ၼၼ်ႉ။ ၵဝ်​မႃး​ႁႂ်ႈ​လႆႈ​ၸီႇ​ယၢင်ႇ​ဢပႅတ်ႈ​လေႃးၵႃႉ​ၼႆႉ​ဢမ်ႇ​ၸႂ်ႈ။ ၵဝ်​မႃး​ႁႂ်ႈ​လႆႈ​ၵႄႇ​ၶျွတ်ႈ​ဢဝ်​လေႃးၵႃႉ​ၼႆႉ​ဢေႃႈ။

မိူဝ်ႈ​ၼၼ်ႉ​ မႃႇရီႉ ဢဝ်​ၼမ်ႉ​မၼ်း​ႁွမ်​ ၼႃႇတူႉ ​ၸႅတ်ႈ​ၸႅတ်ႈ​သၢမ်​ၶၼ် ဢၼ်​ထိူၵ်ႈ​ၵႃႈ​ယႂ်ႇ​ၼႃႇ​ၼၼ်ႉ​လႄႈ​တႃး​တိၼ်​ ယေႇသူႉ ​သေ​ယဝ်ႉ၊ ဢဝ်​ၶူၼ်​ႁူဝ်​မၼ်း​ၸဵတ်ႉ​လႄႈ ဢၢႆ​ႁွမ်​ၼမ်ႉ​မၼ်း​ၼၼ်ႉ​ၸွတ်ႇ​တူဝ်ႈ​ၵႂႃႇ​တင်း​ႁိူၼ်း​ဢေႃႈ။

ယိပ်း​ၵမ်​ၵၢၼ်ႈ​မႂ်​ၸုၼ်ႇပလုၼ်ႇ​သေ​လႄႈ ဢွၵ်ႇ​ၵႂႃႇ​ႁႂ်ႈ​လႆႈ​ႁပ်ႉ​ႁူဝ်​တၢင်း​မၼ်း​ၸဝ်ႈ​လႄႈ​ႁွင်ႉ​သႅၼ်ႇ​ဝႃႈ၊ ႁႂ်ႈ​ပဵၼ်​ ႁူဝ်းသၼ်ႇၼႃႉ သေ​ၵမ်း​လူၺ်ႈ။ ႁႂ်ႈ​ၶုၼ်​ႁေႃ​ၶမ်း​ ဢီႉသရေႇလႃႉ ဢၼ်​ပႃး​တင်း​ဢၶႂၢင်ႉ​ၽြႃး​ပဵၼ်​ၸဝ်ႈ​မႃး​ၼႆႉ မီး​မင်ႇၵလႃႇ​သေ​ၵမ်း​လူၺ်ႈ၊ ဝႃႈ​ၼင်ႇ​ၼႆ​ဢေႃႈ။

ယေႇသူႉ ​ၵေႃႈ​ၶိုၼ်း​လၢတ်ႈ​လႄႈ​ဝႃႈ၊ ၶိင်ႇ​ၼႃႇရီႇ​ဢၼ်​မုၼ်​ၽုင်း​လုၵ်ႈ​ၵူၼ်း၊ တၵ်း​လႆႈ​ၵီႈ​မႃး​ၼၼ်ႉ​ႁွတ်ႈ​ထိုင်​ယဝ်ႉ။