Ko-Dabirɛnu 49မှ လူကြိုက်နှစ်သက်သော ကျမ်းပိုဒ်များ။

မျှဝေရန်

Ile Yuda, i bɔnsɔn si ma wo nya na le. Mɔgɔ-wo-mɔgɔ ti sisi i sɔ tinɛ bɔla i bolo. Mansayɛ ti bɔ ile Yuda bɔnsɔn bolo ha Mansa-bɛrɛbɛrɛ si na, duninya bɛɛ si min gbiliya.

“Ile Yusufu, i bɔnsɔnnu si sabati iko kɔlɔma kuru-gbɔnɛ min bi tenke dafɛ. A si nanfa kubukubu, ka a bolɔnnu nata soe tarɛ kuma. I yogenu si to ile Yusufu bɔnsɔnnu makeliyala ka anu kɛlɛ kalabɛn la.

Kɔnɔ hali wo, nde, Yakobata Alla Sɛnbɛ-Bɛɛ-Tigi, wo ya Yusufuta kalabɛn ragbɛlɛya. A ti bɔ a gbɛ rɔ. Ma makandannɛ le ale la. Wo le si a ma, ile Yusufu bɔnsɔnnu ti kilan. Anu si anu sɔ gben! Anu si anu sɔ gben, bawo ndeta Alla le wo la min bi anu dɛnbɛna. Alla Sɛnbɛ-Bɛɛ-Tigi le wo la min bi ata duwɛ tola wo kuma ka bandɛ lana wo kuma ka yi labɔ dugi kɔrɔ wo ye. A si a ma, i bɔnsɔnnu ni yiri. Ila kolo-fannu fanan ni sabati.

“Yuda, i na-kelen-nyɔgɛnu si i tanto ka anu madu i kɔrɔ. I si i yogenu nɔ. Yuda, i bɔnsɔn si ma iko yara-bulan min si mansayɛ kɛ soge bɛɛ kuma. A wa ta soge bira, a ni na a la faran la ka a dɔn saa! A wa ban a dɔnna tumɛ min, a si a nyɛrɛ rasagan nyaratata ka a sa. Sogo-wo-sogo ti sisi a la.

“Rubɛn, nna sarɛ le ile la. Ile le ya nna keiyɛ labɔ gbɛ ma. Sɛnbɛ anubɛ gbiliyɛ ye ile bolo ka tenbi nna dan doinu na. Kɔnɔ ni gboron-gboronna-yi si ke a nyɛrɛ marala, mani, ile si ke i nyɛrɛ marala. I ti ma kun-tigi la tun bawo i ya n namiliya ka i sa nna musi do fɛ.