KADADDIYAN 28မှ လူကြိုက်နှစ်သက်သော ကျမ်းပိုဒ်များ။

မျှဝေရန်

Mon ba'na entar dha' emma'a bai, bi' Sengko' terros ebarengngana ban elindhungana. Ban pole, bi' Sengko' ba'na epabaliya pole ka nagara reya. Sengko' ta' adina'agiya ba'na, ban sabarang se ejanjiyagi Sengko' ka ba'na bi' Sengko' eteptebbana kabbi.”

PANGERAN ngadek e erenganna, pas adhabu, “Sengko' reya PANGERAN, Allahna Ibrahim ban Ishak. Tana se ekatedhunge ba'na jareya bi' Sengko' ebagiya ka ba'na ban na' potona.

Yakub ngedhing, pas ngoca', “PANGERAN badha e dhinna', e kennengngan reya, sengko' buru tao!”

Yakub laju asompa ka Allah, oca'na, “Manabi Junandalem asarengnge sareng ajaga abdidalem e dhalem parjalanan ka'dhinto, marenge abdidalem teddha'an sareng salenan, kantos abdidalem salamet abali ka kalenggiyanna eppa'. Junandalem, Guste PANGERAN, badhi daddiya Allah se esemba'a abdidalem. Abdidalem ngatorragiya ka Junandalem saparpolonna dhari sadajana se eparengngagi Junandalem ka abdidalem. Bato parengeddan e epamanjeng sareng abdidalem ka'dhinto badhi kennengngan kaangguy abakte ka Junandalem.”

Na' potona ba'na bakal bannya'na akantha bannya'na beddhi e bume ban bakal mencara ka bara' ban ka temor, ka dhaja ban ka lao'; ban lantaran ba'na ban na' potona, Sengko' aberkadana sakabbinna bangsa e bume.

Kennengngan jareya laju enyamae Betel. Lamba' nyamana Lus.