Johanes 12မှ လူကြိုက်နှစ်သက်သော ကျမ်းပိုဒ်များ။

မျှဝေရန်

Barang isè naing mengkebasi Aku, kennah ièkutken ngo Aku, asa rebbak ia dekket Aku, barang i dikè pè Aku. Ai kalak simengèkutken Aku, gabè mersangap ngo ia ibaing Bapa.”

Barang isè mengkellini kessahna, kemmagoon kessah mo ia. Tapi barang isè menelkangken kessahna i dunia èn, ia ngo sipegelluhkensa soh mi kenggelluhen siamman-sumendah.

Èngèt kènè mo mendè: Oda ganda pagè i ukum mak itanem mi tanoh i janah matè. Tapi enggo kessa matè ia, gabè mbuè mo buahna.

Roh Aku mi dunia èn, tosè bagè penendang, asa karina sipercaya taba Aku ulang merrian ibagasen sigellap.

Barang isè mendengkohken peddahKu tapi oda iulaken – oda ngo Aku menghukumsa. Ai roh Aku oda ngo lako menghukum dunia èn, tapi lako paluahkensa ngo.

Nai roh mo si Maria merembah minak narwatsu kira-kira sitengah litèr. Maharga kalohoon ngo minak i, nai iarirken mo minak i mi nèhè Jesus. Nai ilapui mo nèhè Jesus dekket bukna. Gabè baungkus mo bages i kumarnaken minak i.

Nai ibuati kalak i mo ranting bak bulung kayu, nai laus mo kalak i mennimbak-nimbak Jesus ninganna mengoang-ngoangken: “Hosianna, Poji mo Dèbata! Nipasu-pasu mo Ia siroh merkitè-kitè gerar Tuhan i, Ipasu-pasu mo Raja kalak Israel!”

Nai nina Jesus mo taba kalak i, “Enggo dapet tikkina, Anak Jelma i ipesangap.