PAMUNGKAAN 26မှ လူကြိုက်နှစ်သက်သော ကျမ်းပိုဒ်များ။

မျှဝေရန်

Hudongani pe ho jana Hupasupasu. LehenonKu do di ho dohot di pomparanmu sude banua on. GohanKu do janji na dung Hupasahat tu si Abraham amangmi.

LehenonKu do hagabean anso maranak marpahompu ho sabahat ni bintang na di langit jana lehenonKu do sude luat on tu halahi. Pangidohonon ni bangso na satano on ma sudena tu Au anso Hupasupasu halahi songon pamasumasungKu di pomparanmu. PasupasuonKu ma ho, hara ni na nioloan ni si Abraham Au jana ditiop ia togu uhum dohot haputusanKu.”

Dung i pinda muse ma ia sian i jana dihuar ma mangulahi sumur na patoluhon. Anggo sanoli on, nada masa be partangkangan, jadi hara ni i dibaen si Ishak ma goar ni sumur i, “Haluaan”. Didok ia, “Saonnari madung dilehen TUHAN di hita haluaan anso tola hita maringanan di luat on jana dison ma hita anso makmur.”

Dibaen ia songon i mardomu na dung dipataridahon TUHAN do diriNa tusia jana didok, “Ulang kehe ho tu Mesir, dison ma ho maringanan, laing songon na Hudokkon tu ho.

Dung i dipajongjong si Ishak ma langgatan disi jana disomba ia ma TUHAN. Disi ma ia mambaen bandar jana dihuar angka hatobannia ma sumur na asing.