Matthieu 28မှ လူကြိုက်နှစ်သက်သော ကျမ်းပိုဒ်များ။

မျှဝေရန်

I so'n ti, anh wo kô klé nvlénvlé'n kwlaa bé liké, man bé katyi n sonnzonfue, ye anh yô bé baptême é Si Nyanmien, nin i Wa'n, nin i Wawe'n bé dunman nun. Ye liké kwlaa nga n kléé amun'n, amun kusu, anh klé bé man bé fa su. Anh nian, min nin amun é ô tyen kwlaa lélé men'n fah wié.

Jésus wunngéé bé wun le, o sé bé ke: Nyanmien maan min atin ke n sié nyanmien su lo nin asie'n su ninngé'n kwlaa.

Sannge ange'n séé bla'm bé ke: Amun lie'n, nanh sre kun amun, afin n si ke an su kunnde Jésus bo bé bôbôlii waka'n su'n. O nu'an wa, wa tyen ke o kan kléli amun ke oh tyenh'n sa. Anh bla'a nian lika ng'o laa nun'n

Ye Jésus sé bé ke: Nanh sre kun amun, anh wo kô sé n niaan'm bé ke bé o Galilée lo, lo ye béh wunh mion.

Ke Nyanmien nyrun dyranfue dandan nin kpenngben'm bé yiali bo bé wuun bé wun'n, bé maan sôndya'm bé sika louun kpa, bé sé bé ke: Anh sé ke: Ke éh lafih kongue'n, i sonnzonfue'm bé wa fee i fuen'n. Se kpenngben'n ti nde so'n éh kpeteh, éh déh amun, o su klé'a amun yale. Sôndya'm bé soo sika so'n nun, nan ba yô ke bé kan kléé bé ke bé yô'n sa. Bé nde so'n truu Juif'm bé nun lélé fa dyu nde.