Lucas 6မှ လူကြိုက်နှစ်သက်သော ကျမ်းပိုဒ်များ။

မျှဝေရန်

Diñad, y á sangue se diñará: meelfa lachi, quichardinada por ostely, chalabeada, ta mas que perelali diñarán andré jire chepo: presas sar la mateja meelfa sar sos meelfareis, á sangue se truterá á meelfarar.

O manu lacho del jandorripen lacho de desquero carlo sicobela lacho: y o manu choro del jandorripen choro sicobela choro; presas de la baribustria e carlo penela a mui.

Camelad pues á jires enormes: querelad mistos, y diñad prestado, y na fronsapereis por ocono chichi; ta jire jandorripen sinará baro, ta sinareis chabes e Sastísimo, presas ó sinela gacho aun pa os tuyales ta chores.

Sinelad pues canreosos, sasta tramisto jire Batu sinela canreoso.

Na sarpleis, y na sinareis sarplados; na sardeneis, y na sinareis sardenados; estomad, y sinareis estomados.

Tama penelo á sangue sos lo junelais: ¡Camelad á jires enormes, querelad mistos á ondolen sos camelan sangue choro! ¡Majarad á ondolen sos zermañelan á sangue, ta manguelad á Debél por ondolen sos acarelan sangue choro!

Y or so camelais que querelen á sangue os manuces, ocolo matejo querelad sangue á ondolen.

Y á leste sos curáre tucue andré yeque fila, dinle tramisto a aver. Ta á leste sos nicobeláre tucue o platamugion, na impidas leste lliguerar tramisto o conel. Din á os sares or so tute manguelaren: y á leste sos ustiláre or so sinela de tucue, na se lo manguele.

Presas na sinela eruquel lacho, sos parbarela frujerías chorias: ni eruquel choro, sos terela frujerías lachias.

Cata eruquel sinará pincherado por la frujería. Presas na lillelan orfis de sillofis, ni lillelan traquias de erajardas.