ဆာလံကျမ်း 95မှ လူကြိုက်နှစ်သက်သော ကျမ်းပိုဒ်များ။

မျှဝေရန်

လာ​ကြ​၊ ရှိခိုးကိုးကွယ်​ကြ​စို့​။ ညွတ်တွား​ကြ​ကုန်စို့​။ ငါ​တို့​ကို​ဖန်ဆင်း​တော်မူ​သော ထာဝရဘုရား​၏ ရှေ့​တော်​၌ ဒူးထောက်​ကြ​ကုန်စို့​။ အကြောင်းမူကား ကိုယ်တော်​သည် ငါ​တို့​၏​ဘုရားသခင်​ဖြစ်​တော်မူ​၏​။ ငါ​တို့​သည်​လည်း ကိုယ်တော်​၏​စားကျက်​၌ ကျက်စား​သော​သူ​၊ ကိုယ်တော်​၏​လက်​တော်​ထဲမှ သိုးစု​ဖြစ်​ကြ​၏​။

လာ​ကြ​၊ ထာဝရဘုရား​ထံ ရွှင်လန်း​စွာ​သီချင်းဆို​ကြ​ကုန်စို့​။ ငါ​တို့​၏​ကယ်တင်​ခြင်း​ကျောက်ဆောင်​ထံသို့ ဝမ်းမြောက်​စွာ​ကြွေးကြော်​ကြ​ကုန်စို့​။ ကျေးဇူးတော်​ချီးမွမ်း​ခြင်း​ဖြင့် ကိုယ်တော်​၏​ရှေ့​တော်​သို့​ဝင်​၍ တေးသီချင်း​များ​ဖြင့် ကိုယ်တော့်​ထံသို့ ဝမ်းမြောက်​စွာ​ကြွေးကြော်​ကြ​ကုန်စို့​။

အကြောင်းမူကား ထာဝရဘုရား​သည် ကြီးမြတ်​တော်မူ​သော​ဘုရားသခင်​ဖြစ်​တော်မူ​၏​။ ဘုရား​ရှိသမျှ​တို့​ထက်​ကြီးမြတ်​တော်မူ​သော ရှင်ဘုရင်​ဖြစ်​တော်မူ​၏​။

ကမ္ဘာမြေကြီး​၏​နက်ရှိုင်း​ရာ​အရပ်​တို့​သည် ကိုယ်တော်​၏​လက်​တော်​ထဲ၌​ရှိ​ကြ​၏​။ တောင်​ထိပ်​တို့​ကို​လည်း ကိုယ်တော်​ပိုင်​တော်မူ​၏​။