ဆာလံကျမ်း 40မှ လူကြိုက်နှစ်သက်သော ကျမ်းပိုဒ်များ။

မျှဝေရန်

ငါ​သည် ထာဝရဘုရား​ကို စေ့စေ့​စောင့်မျှော်​လျက်​နေ​၏​။ ကိုယ်တော်​သည် ငါ့​ဘက်​သို့​လှည့်​၍ ငါ​၏​အော်ဟစ်သံ​ကို ကြား​တော်မူ​၏​။ ကိုယ်တော်​သည် ကြောက်မက်ဖွယ်​သေတွင်း​နှင့် ရွှံ့​နွံ​ထဲမှ အကျွန်ုပ်​ကို​ထုတ်ဆောင်​တော်မူ​ပြီးလျှင် အကျွန်ုပ်​၏​ခြေ​ကို ကျောက်​ပေါ်၌​ရပ်​စေ​၍ အကျွန်ုပ်​၏​ခြေလှမ်း​များ​ကို မြဲမြံ​စေ​တော်မူ​၏​။

အကျွန်ုပ်​တို့​၏​ဘုရားသခင်​ကို ချီးမွမ်း​ရာ​သီချင်း​အသစ်​ကို​လည်း အကျွန်ုပ်​၏​နှုတ်​၌ သွင်းပေး​တော်မူ​၏​။ များစွာ​သော​လူ​တို့​သည် မြင်​၍​ကြောက်ရွံ့​လျက် ထာဝရဘုရား​ကို ယုံကြည်ကိုးစား​ကြ​လိမ့်မည်​။

မာနထောင်လွှား​သော​သူ​တို့​နှင့် လိမ်လည်မှု​နောက်သို့​လိုက်သွား​သော​သူ​တို့​ထံသို့ မ​လှည့်​ဘဲ ထာဝရဘုရား​ကို ကိုးစား​သော​သူ​သည် မင်္ဂလာ​ရှိ​၏​။

အကျွန်ုပ်​၏​ဘုရားသခင်​၊ ကိုယ်တော်​၏​အလို​တော်​ဆောင်ရွက်​ရ​သည်​ကို အကျွန်ုပ်​နှစ်သက်​ပါ​၏​။ ကိုယ်တော်​၏​တရားတော်​သည်​လည်း အကျွန်ုပ်​၏​စိတ်နှလုံး​ထဲ​၌​ရှိ​ပါ​၏​”​ဟု လျှောက်​၏​။

အို ထာဝရဘုရား​၊ အကျွန်ုပ်​အား သနားစုံမက်​ခြင်း​ကို ချုပ်တည်း​တော်​မ​မူ​ပါ​နှင့်​။ ကိုယ်တော်​၏​မေတ္တာကရုဏာ​တော်​နှင့် ကိုယ်တော်​၏​သမ္မာတရား​သည် အကျွန်ုပ်​ကို အစဉ်​ကာကွယ်​စောင့်ရှောက်​ပါစေသော​။