ဆာလံကျမ်း 32မှ လူကြိုက်နှစ်သက်သော ကျမ်းပိုဒ်များ။

မျှဝေရန်

ငါ​သည် သင့်​ကို​ပညာသတိ​ရှိ​စေ​၍ သင်​သွား​ရ​မည့်​လမ်း​ကို​သွန်သင်ပြသ​မည်​။ သင့်​ကို​ကြည့်ရှု​လျက် အကြံပေး​မည်​။

ကိုယ်တော်​သည် အကျွန်ုပ်​၏ ကွယ်ကာ​ရာ​အရပ်​ဖြစ်​တော်မူ​၏​။ အကျွန်ုပ်​ကို ဘေးရန်​မှ​ကာကွယ်​လျက် ကယ်တင်​ခြင်း​သီချင်း​များ​ဖြင့် အကျွန်ုပ်​ကို​ဝိုင်းရံ​ထား​တော်မူ​၏​။ (​စေလာ )

အကျွန်ုပ်​သည် အကျွန်ုပ်​၏​အပြစ်​ကို ကိုယ်တော်​ထံ​ဝန်ချ​ပါ​၏​။ အကျွန်ုပ်​၏​ဒုစရိုက်​ကို​လည်း ဖုံးအုပ်​မ​ထား​ပါ​။ “​အကျွန်ုပ်​ကျူးလွန်​သော​အပြစ်​များ​ကို ထာဝရဘုရား​ထံ​ဖော်ပြဝန်ခံ​မည်​”​ဟု အကျွန်ုပ်​ပြောဆို​ခဲ့​ပါ​၏​။ ထိုအခါ ကိုယ်တော်​သည် အကျွန်ုပ်​၏​အပြစ်​ဒုစရိုက်​ကို ခွင့်လွှတ်​တော်မူ​၏​။ (​စေလာ )

ကျူးလွန်​သော​အပြစ်​ခွင့်လွှတ်​ခြင်း​ခံရ​သော​သူ​၊ အပြစ်​ဖုံးအုပ်​ခြင်း​ခံရ​သော​သူ​သည် မင်္ဂလာ​ရှိ​၏​။

ထာဝရဘုရား​အပြစ်​မ​ယူ​သော​သူ​၊ မိမိ​စိတ်ဝိညာဉ်​၌​လိမ်လည်ကောက်ကျစ်မှု မ​ရှိ​သော​သူ​သည် မင်္ဂလာ​ရှိ​၏​။

ထို့ကြောင့် ကိုယ်တော်​ကို​တွေ့​နိုင်​သည့်​ကာလ​တွင် သန့်ရှင်း​သူ​အပေါင်း​တို့​သည် ကိုယ်တော့်​ထံ​ဆုတောင်း​ကြ​ပါစေ​။ အကယ်စင်စစ် လျှံတက်​လာ​သည့် များစွာ​သော​ရေ​ပင်လျှင် သူ​တို့​ထံသို့​ရောက်​နိုင်​မည်​မ​ဟုတ်​။