ရှင်မဿဲခရစ်ဝင် 28မှ လူကြိုက်နှစ်သက်သော ကျမ်းပိုဒ်များ။

မျှဝေရန်

ထို့ကြောင့် သင်​တို့​သည်​သွား​၍ လူမျိုး​တကာ​တို့​ကို ငါ့​တပည့်​ဖြစ်​စေ​လျက် ခမည်းတော်၊ သား​တော်၊ သန့်ရှင်း​သော​ဝိညာဉ်​တော်​၏​နာမ​၌ သူ​တို့​ကို​ဗတ္တိဇံ​ပေး​ကြ​လော့။ သင်​တို့​အား ငါ​ပညတ်​ထား​သမျှ​သော​အရာ​အားလုံး​တို့​ကို​စောင့်ထိန်း​ရန် သူ​တို့​ကို သွန်သင်​ကြ​လော့။ ငါ​သည်​လည်း ကပ်ကမ္ဘာ​ကုန်ဆုံး​သည့်​တိုင်အောင် သင်​တို့​နှင့်အတူ အစဉ်မပြတ်​ရှိ​၏”​ဟု မိန့်​တော်မူ​၏။

ထိုအခါ ယေရှု​သည် သူ​တို့​ထံသို့​ချဉ်းကပ်​၍“ကောင်းကင်​နှင့်​မြေကြီး​ပေါ်၌ ရှိသမျှ​သော​အခွင့်​အာဏာ​တို့​ကို ငါ့​ထံ​ပေးအပ်​တော်မူ​ပြီ။

ထိုအခါ ကောင်းကင်တမန်​က အမျိုးသမီး​တို့​အား “ကြောက်ရွံ့​ခြင်း​မ​ရှိ​ကြ​နှင့်။ သင်​တို့​သည် လက်ဝါးကပ်တိုင်​ပေါ်​၌​တင်​ခြင်း​ခံရ​သော​ယေရှု​ကို ရှာ​နေ​ကြ​သည်​ကို ငါ​သိ​၏။ ကိုယ်တော်​သည် ဤ​နေရာ​၌​မ​ရှိ။ အကြောင်းမူကား မိန့်​တော်မူ​ခဲ့​သည့်​အတိုင်း ထမြောက်​တော်မူ​ပြီ။ ကိုယ်တော်​လျောင်း​တော်မူ​ခဲ့​သည့်​နေရာ​ကို လာ​ကြည့်​ကြ​လော့။

ထို့နောက် ယေရှု​က“ကြောက်ရွံ့​ခြင်း​မ​ရှိ​ကြ​နှင့်။ သွား​၍ ငါ​၏​ညီအစ်ကို​တို့​အား ဂါလိလဲ​နယ်​သို့​သွား​ရန် ပြောကြား​ကြ​လော့။ သူ​တို့​သည် ထို​နေရာ​၌ ငါ့​ကို​တွေ့မြင်​ရ​ကြ​လိမ့်မည်”​ဟု မိန့်​တော်မူ​၏။

ထိုအခါ ယဇ်ပုရောဟိတ်​အကြီးအကဲ​တို့​သည် သက်ကြီးဝါကြီး​တို့​နှင့်အတူ​စုဝေး​၍ တိုင်ပင်​ဆွေးနွေး​ကြ​ပြီးမှ စစ်သား​တို့​အား ငွေ​အမြောက်အမြား​ပေး​လျက် “ ‘ည​အချိန် ငါ​တို့​အိပ်ပျော်​နေ​စဉ် သူ​၏​တပည့်​တို့​သည် လာ​၍ အလောင်း​ကို​ခိုး​သွား​ကြ​သည်’​ဟု ပြော​ကြ​လော့။ ဤ​သတင်း​သည် ဘုရင်ခံ​၏​နား​သို့​ပေါက်ကြား​ခဲ့​လျှင် သူ့​ကို ငါ​တို့​ဖျောင်းဖျ​၍ သင်​တို့​၌​စိုးရိမ်​စရာ​မ​ရှိ​စေရန် ဆောင်ရွက်​ပေး​မည်”​ဟု ဆို​ကြ​၏။ ထိုအခါ စစ်သား​တို့​သည် ငွေ​ကို​ယူ​၍ သူ​တို့​အား သင်ပေး​ထား​သည့်​အတိုင်း​ပြု​ကြ​၏။ ဤသို့ဖြင့် ထို​သတင်း​သည် ဂျူး​လူမျိုး​တို့​ကြား​တွင် ယနေ့​တိုင်အောင်​ပျံ့နှံ့​လျက်​ရှိ​၏။