ယောရှုမှတ်စာ 10မှ လူကြိုက်နှစ်သက်သော ကျမ်းပိုဒ်များ။

မျှဝေရန်

လူမျိုး​တော်​တို့​သည် ရန်သူ​တို့​ကို လက်တုံ့ပြန်​ပြီး​သည်​အထိ နေ​သည် ငြိမ်ဝပ်​လျက်​၊ လ​သည် တန့်​လျက် နေ​၏​။ ထို​အကြောင်း​ကို ယာရှာ​စာအုပ်​၌ ရေးဖွဲ့​ထား​၏​။ နေ​သည် တစ်နေ့လုံး မ​ရွေ့​မ​လျား ကောင်းကင်​အလယ်​၌ တန့်​လျက်​နေ​၏​။

အာမောရိ​လူမျိုး​တို့​ကို အစ္စရေး​အမျိုးသား​တို့​လက်​သို့ ထာဝရဘုရား​အပ်​တော်မူ​သော​နေ့​၌ ယောရှု​သည် ထာဝရဘုရား​ထံ ဆုတောင်း​ပြီးလျှင် အစ္စရေး​အမျိုးသား​တို့​၏​ရှေ့မှောက်​တွင် “​အို နေ​၊ ဂိဗောင်​မြို့​ပေါ် တန့်​နေ​လော့​။ အို လ​၊ အာယလုန်​ချိုင့်ဝှမ်း​ပေါ် တန့်​နေ​လော့​”​ဟု ဆို​၏​။

ထာဝရဘုရား​သည် ထို​နေ့​ကဲ့သို့ လူ​၏​စကား​ကို နားညောင်း​သော​အဖြစ်​မျိုး ယခင်က မ​ဖြစ်​ဖူး​၊ နောင်​လည်း ဖြစ်​မည်​မ​ဟုတ်​။ စင်စစ် ထာဝရဘုရား​သည် အစ္စရေး​လူမျိုး​တို့​အတွက် စစ်တိုက်​တော်မူ​ခဲ့​၏​။

ထာဝရဘုရား​က ယောရှု​အား “​သူ​တို့​ကို သင့်​လက်​သို့ ငါ​အပ်​ပြီ​ဖြစ်၍ သူ​တို့​ကို မ​ကြောက်​နှင့်​။ သင့်​ရှေ့​၌ ထို​သူ​တို့​တစ်ယောက်မျှ ခံရပ်​နိုင်​မည်​မ​ဟုတ်​”​ဟု မိန့်​တော်မူ​၏​။

ထို့နောက် ယောရှု​က သူ​တို့​အား “​မ​ကြောက်​ကြ​နှင့်​။ စိတ်​မ​ပျက်​ကြ​နှင့်​။ အားယူ​၍​ရဲရင့်​ခြင်း​ရှိ​ကြ​လော့​။ သင်​တို့​နှင့်​တိုက်ခိုက်​သော​ရန်သူ​ဟူသမျှ​ကို ထာဝရဘုရား​က ဤသို့​ဖြစ်စေ​တော်မူ​မည်​”​ဟု ဆို​လေ​၏​။