ကမ္ဘာဦးကျမ်း 26မှ လူကြိုက်နှစ်သက်သော ကျမ်းပိုဒ်များ။

မျှဝေရန်

ဤ​ပြည်​၌ တည်းခိုနေထိုင်​လော့​။ ငါ​သည် သင်​နှင့်အတူ​ရှိ​၍ သင့်​ကို​ကောင်းချီးပေး​မည်​။ အကယ်စင်စစ် ဤ​မြေ​ရှိသမျှ​တို့​ကို သင်​နှင့်​သင်​၏​သားစဉ်မြေးဆက်​အား ငါ​ပေး​၍ သင်​၏​ဖခင်​အာဗြဟံ​အား ငါ​ကျိန်ဆို​ခဲ့​သော​ကတိ​ကို ငါ​တည်​စေ​မည်​။

ငါ​သည် သင်​၏​သားစဉ်မြေးဆက်​ကို ကောင်းကင်​ကြယ်​နှင့်အမျှ​များပြား​စေ​၍ သင်​၏​သားစဉ်မြေးဆက်​အား ဤ​မြေ​ရှိသမျှ​တို့​ကို ပေး​မည်​။ ကမ္ဘာမြေကြီး​ပေါ်​ရှိ​လူမျိုး​အပေါင်း​တို့​သည် သင်​၏​အမျိုးအနွယ်​အားဖြင့် ကောင်းချီးမင်္ဂလာ​ခံစား​ရ​ကြ​လိမ့်မည်​။ အကြောင်းမူကား အာဗြဟံ​သည် ငါ့​စကား​ကို​နားထောင်​ပြီး ငါ​၏​ညွှန်ကြားချက်​မှစ၍ ငါ​၏​ပညတ်ချက်​များ​၊ ငါ​၏​ပြဋ္ဌာန်းချက်​များ​နှင့် ငါ​၏​တရား​များ​ကို စောင့်ထိန်း​သောကြောင့်​ဖြစ်​၏​”​ဟု မိန့်​တော်မူ​၏​။

ထို့ကြောင့် သူ​သည် ထို​အရပ်​မှ​ရွှေ့ပြောင်း​၍ အခြား​သော​ရေတွင်း​ကို​တူး​၏​။ ထို​ရေတွင်း​အတွက်ကြောင့် ရန်​မ​တွေ့​ကြ​တော့​သဖြင့် သူ​က “​အကယ်စင်စစ် ထာဝရဘုရား​သည် ငါ​တို့​နေရာ​ကို ယခု​ကျယ်ဝန်း​စေ​တော်မူ​သည်​ဖြစ်၍ ငါ​တို့​သည် ဤ​ပြည်​၌​ပွားများ​ကြ​လိမ့်မည်​”​ဟု ဆို​လျက် ထို​ရေတွင်း​၏​အမည်​ကို ရဟောဘုတ် ဟု​ခေါ်​၏​။

ထိုအခါ ထာဝရဘုရား​သည် သူ့​အား​ကိုယ်ထင်ရှားပြ​၍ “​သင်​သည် အီဂျစ်​ပြည်​သို့​မ​ဆင်းသွား​နှင့်​။ သင့်​အား ငါ​ပြ​သည့်​ပြည်​၌ နေထိုင်​လော့​။

ဣဇက်​သည် ထို​အရပ်​၌ ယဇ်ပလ္လင်​ကို​တည်​၍ ထာဝရဘုရား​၏​နာမ​တော်​ကို​ခေါ်ဆို​ပတ္ထနာပြု​ပြီးလျှင် ထို​အရပ်​တွင် တဲ​ကို​ဆောက်​လေ​၏​။ သူ​၏​အစေအပါး​တို့​သည်​လည်း ထို​အရပ်​တွင် ရေတွင်း​ကို​တူး​ကြ​၏​။