ဧဇရမှတ်စာ 1မှ လူကြိုက်နှစ်သက်သော ကျမ်းပိုဒ်များ။

မျှဝေရန်

ယေရမိ​၏​နှုတ်​အားဖြင့် ထာဝရဘုရား​မိန့်​တော်မူ​သော​စကား ပြည့်စုံ​စေရန် ပါးရှား​ဘုရင် ကုရု​မင်းကြီး နန်းစံ​သော​ပထမ​နှစ်​တွင် ထာဝရဘုရား​သည် ပါးရှား​ဘုရင်​ကုရု​မင်းကြီး​၏​စိတ်​ကို နှိုးဆော်​တော်မူ​သဖြင့် သူ​သည် မိမိ​နိုင်ငံ​တစ်ဝန်းလုံး​သို့ လိုက်လံကြေညာ​စေ​၍ စာ​ဖြင့်​လည်း မှတ်တမ်းတင်​ထား​သော​စကား​ကား ဤသို့​ဖြစ်​၏​။

ပါးရှား​ဘုရင်​ကုရု​မင်းကြီး​က “​ကောင်းကင်ဘုံရှင် ဘုရားသခင်​ထာဝရဘုရား​သည် မြေကြီး​ပေါ်ရှိ​တိုင်းနိုင်ငံ​အလုံးစုံ​ကို ငါ့​အား ပေး​တော်မူ​ပြီ​။ ယုဒ​ပြည်​၊ ဂျေရုဆလင်​မြို့​တွင် ကိုယ်တော့်​အဖို့ အိမ်​တော်​ကို​တည်​ရန် ငါ့​ကို ခန့်ထား​တော်မူ​ပြီ​။ သင်​တို့​တွင် မည်သူ​သည် ဘုရားသခင်​၏​လူ​ဖြစ်​သနည်း​။ ထို​သူ​နှင့်အတူ ဘုရားသခင်​ရှိ​တော်မူ​ပါစေသော​။ သူ​သည် ယုဒ​ပြည် ဂျေရုဆလင်​မြို့​သို့​တက်သွား​၍ အစ္စရေး​လူမျိုး​တို့​၏​ဘုရားသခင်​ထာဝရဘုရား​၏​အိမ်​တော်​ကို တည်ဆောက်​ပါစေ​။ ဘုရားသခင်​သည် ဂျေရုဆလင်​မြို့​တွင်​စံပယ်​တော်မူ​၏​။