တရားဟောရာကျမ်း 1မှ လူကြိုက်နှစ်သက်သော ကျမ်းပိုဒ်များ။

မျှဝေရန်

သင်​တို့​ရှေ့​မှ​ကြွ​တော်မူ​သော သင်​တို့​၏​ဘုရားသခင်​ထာဝရဘုရား​သည် အီဂျစ်​ပြည်​၌ သင်​တို့​မျက်မှောက်​တွင် သင်​တို့​အဖို့​ပြု​ပေး​သကဲ့သို့​၊ ဤ​အရပ်​သို့ သင်​တို့​ရောက်​သည့်​တိုင်အောင် သင်​တို့​သွား​သည့်​လမ်းခရီး​တစ်လျှောက်​တွင် ဖခင်​သည် သား​ကို​ချီပိုး​သကဲ့သို့ သင်​တို့​၏​ဘုရားသခင်​ထာဝရဘုရား​သည် သင်​တို့​ကို မည်ကဲ့သို့​ချီပိုး​တော်မူ​ခဲ့​ကြောင်း​ကို တောကန္တာရ​၌​သင်​တို့​တွေ့မြင်​ခဲ့​ရ​သကဲ့သို့ ထာဝရဘုရား​သည် သင်​တို့​အဖို့ စစ်တိုက်​တော်မူ​လိမ့်မည်​’​ဟု ဆို​၏​။

သင်​တို့​ဘိုးဘေး​တို့​၏​ဘုရားသခင်​ထာဝရဘုရား​သည် သင်​တို့​ကို အဆ​တစ်ထောင်​တိုးပွား​စေ​တော်မူ​ပါစေသော​။ ကတိထား​တော်မူ​သည့်​အတိုင်း သင်​တို့​ကို​ကောင်းချီးပေး​တော်မူ​ပါစေသော​။

မောရှေ​က “​ဟောရပ်​တောင်​၌ ငါ​တို့​၏​ဘုရားသခင်​ထာဝရဘုရား​က ငါ​တို့​အား ‘​သင်​တို့​သည် ဤ​တောင်​၌ ကြာမြင့်​စွာ​နေထိုင်​ကြ​ပြီ​။

ထို​ပြည်​ကို သင်​တို့​အား ငါ​ပေး​ပြီ​။ ထို​ပြည်​ကို သင်​တို့​၏​ဘိုးဘေး​များ​ဖြစ်​သော အာဗြဟံ​၊ ဣဇက်​၊ ယာကုပ်​မှစ၍ နောင်လာမည့်​သားစဉ်မြေးဆက်​တို့​အား ပေး​မည်​ဟု ထာဝရဘုရား​ကျိန်ဆို​တော်မူ​သည်​နှင့်အညီ ဝင်​၍​သိမ်းပိုက်​ကြ​လော့​’​ဟု မိန့်​တော်မူ​၏​။

သင်​တို့​သည် တရားစီရင်​သောအခါ မျက်နှာကြီး​၊ မျက်နှာငယ် ဟူ၍​မျက်နှာ​မ​လိုက်​ဘဲ ကြားနာ​စစ်ဆေး​ရ​မည်​။ တရားစီရင်​ခြင်း​ကို ဘုရားသခင်​ပိုင်​တော်မူ​သောကြောင့် မည်သူ့​ကို​မျှ မ​ကြောက်​နှင့်​။ ခက်ခဲ​သော​အမှု​ကို ငါ့​ထံ တင်ပြ​လော့​။ ငါ ကြားနာ​စစ်ဆေး​ပေး​မည်​’​ဟု ငါ​ပြော​ခဲ့​၏​။