ဓမ္မရာဇဝင်စတုတ္ထစောင် 5မှ လူကြိုက်နှစ်သက်သော ကျမ်းပိုဒ်များ။

မျှဝေရန်

ဆီးရီးယား​ဘုရင်​၏​ဗိုလ်ချုပ်​နေမန်​သည် မိမိ​အရှင်​၏​ချီးမြှောက်​ခြင်း​၊ မျက်နှာသာပေး​ခြင်း​ကို ခံရ​သော​သူ​ဖြစ်​၏​။ အကြောင်းမူကား ထာဝရဘုရား​သည် သူ့​အားဖြင့် ဆီးရီးယား​ပြည်​ကို အောင်ပွဲ​ရ​စေ​တော်မူ​၏​။ သူ​သည် ရဲစွမ်းသတ္တိ​ရှိ​သော​စစ်သူရဲ​ဖြစ်​သော်လည်း အနာကြီးရောဂါစွဲ​နေ​၏​။

ဧလိရှဲ​က သူ့​ထံ​လူ​လွှတ်​၍ “​ဂျော်ဒန်​မြစ်​သို့​သွား​ပြီး ခုနစ်​ကြိမ်​ရေချိုး​ပါ​။ သို့ပြုလျှင် သင့်​အသားအရေ​သည် ပြန်ကောင်း​လာ​ပြီး စင်ကြယ်​သွား​လိမ့်မည်​”​ဟု မှာလိုက်​၏​။

ထို့ကြောင့် နေမန်​သည် ဘုရားသခင်​၏​လူ​ပြော​သော​စကား​အတိုင်း ဂျော်ဒန်​မြစ်​သို့​ဆင်းသွား​ပြီး ခုနစ်​ကြိမ်​ရေနှစ်​လိုက်​သောအခါ သူ့​အသားအရေ​သည် သူငယ်​အသားအရေ​ကဲ့သို့​ဖြစ်​ပြီး စင်ကြယ်​သွား​လေ​၏​။

နေမန်​သည် အမျက်ထွက်​လျက် “​သူ​ကိုယ်တိုင်​ထွက်လာ​ပြီး မတ်တပ်ရပ်​လျက် သူ​၏​ဘုရားသခင်​ထာဝရဘုရား​၏​နာမ​တော်​ဖြင့်​ဆုတောင်း​ပေး​လိမ့်မည်​၊ အနာ​ကို​လက်​နှင့်​သပ်​ပေး​မည်​၊ ငါ့​အနာကြီးရောဂါ​ကို ပျောက်ကင်း​စေ​မည်​ဟု ငါ​ထင်​ခဲ့​၏​။

ထိုအခါ သူ့​ငယ်သား​တို့​က သူ့​ထံသို့​လာ​ပြီး “​အကျွန်ုပ်​၏​အဖ​၊ ပရောဖက်​က ခက်ခဲ​သော​အရာ​ကို လုပ်​စေ​လျှင် လုပ်​မည်​မ​ဟုတ်​လော​။ ယခု ‘​ရေချိုး​လျှင် သန့်ရှင်း​သွား​မည်​’​ဟု ဆို​သည်​မှာ ပို၍ပင်​လုပ်​သင့်​သည်​မ​ဟုတ်​ပါ​လော​”​ဟု လျှောက်တင်​၏​။

သူ​က မိမိ​သခင်မ​အား “​အကျွန်ုပ်​၏​သခင်​သည် ရှမာရိ​မြို့​ရှိ​ပရောဖက်​ထံသို့​သွား​လျှင် မည်မျှ​လောက်​ကောင်း​လိမ့်မည်​နည်း​။ သူ​သည် သခင်​၌​စွဲ​သော​အနာကြီးရောဂါ​ကို ပျောက်ကင်း​စေ​လိမ့်မည်​”​ဟု လျှောက်ဆို​၏​။