သခင်ယေရှု၊ ကားစင်တင်အသေခံခြင်း နှင့် ရှင်ပြန်ထမြောက်ခြင်းကို ခရစ်ဝင်ကျမ်းလေးအုပ်တွင် ဖော်ပြထားပါသည်။ ဤအီစတာမှာ လက်ဝါးကပ်တိုင်တွင် အသေခံခြင်းမှရှင်ပြန်ထမြောက်ကာ မျှော်လင့်ချက်ပေး၍ ကမ္ဘာကြီးကို မပြောင်းလဲမီ ယေရှုသည် သစ္စာဖေါက်ခြင်း၊ ဆင်းရဲဒုက္ခနှင့် အရှက်ကွဲခြင်းကို မည်သို့ ခံခဲ့ကြောင်း ဖတ်ရှုပါ။ ဤဇာတ်လမ်း၏ တစ်စိတ်တစ်ပိုင်းကို ဗီဒီယိုအတိုဖြင့် နေ့စဉ် သရုပ်ဖော် တင်ဆက်ထားပါသည်။

အဆိုပါအီစတာနေ့ရက်များ

ဘယ်လိုအကောင်းဆုံးဆုတောင်းရမလဲဆိုတာကို သစ္စာရှိတဲ့ နောက်လိုက်များရဲ့ဆုတောင်းချက်များနဲ့ သခင်ယေရှုရဲ့နှုတ်ထွက်စကားများမှ သင်ယူပါ။ မိတ်ဆွေရဲ့ဆုတောင်းချက်တွေကို ဘုရားသခင်ထံ နေ့တိုင်း မဆုတ်မနှစ်ကြိုးပမ်းပြီးစိတ်ရှည်စွာ တောင်းတတ်ဖို့ ခွန်အားရယူပါ။ အချည်းနှီးသက်သက်ဆုတောင်းချက်များနှင့် စိတ်နှလုံးဖြူစင်သူများရဲ့တည်ကြည်တဲ့ ဆုတောင်းချက်များကို နှိုင်းယှဉ်ထားသည့်ဥပမာများကို လေ့လာပါ။ မခြားမလပ် ဆုတောင်းပါ။

ဆုတောင်းခြင်း

ဘဝသည် တစ်ခါတစ်ရံ ရှုပ်ထွေးနိုင်ပါသည်။ မှန်ကန်သောလမ်းကို သိ၍ ရွေးချယ်စေဖို့ ခက်ခဲတတ်သည်။ ကိုယ်ဉာဏ်ကို အမှီပြုလျှင် မှားသောလမ်းကို သေချာစွာ ရောက်လိမ့်မည်။ သို့သော်၊ ကိုယ်တော်သည် ကျွန်တော်တို့ကို မစွန့်၊ ကျွန်တော်တို့ကို အလျှင်းပစ်၍ မထားပါ။ ဘုရားရှင်သည် ကျွန်တော်တို့ကို လမ်းပြစေလိုပါသည်။ နာမည်ကြီးသော ဆရာတိုနီအီဗန် (Tony Evans) စီရင်ရေးထားသော ဘုရားသခင်၏ လမ်းပြမှုအတွက် ဆုတောင်းခြင်းအစီစဉ်ကို စတင်ကြပါစို့။

ဘုရားသခင်၏ လမ်းပြမှုအတွက် ဆုတောင်းခြင်း

သမ္မာကျမ်းစာသည် မိမိအသက်တာကို ပြောင်းလဲစေခဲ့ပါသလား။ ဗျာဒိတ်တော်အားဖြင့် အကျွန်ုပ်အသက်ရှင်သည်ဖြစ်၍၊ ဆင်းရဲကို ခံရစဉ်တွင်၊ ထိုနှုတ်ကပတ်တော်သည် အကျွန်ုပ်သက်သာစရာအကြောင်း ဖြစ်ပါ၏ (ဆာ၊ ၁၁၉း၅၀)။ သမ္မာကျမ်းစာသည် မိမိဘာသာစကားဖြင့် မရှိလျှင် ဘယ်လိုအသက်ရှင်နိင်မလဲ။ ယနေ့၊ လူ (၁) ဘီလီယံကျော် ဤပြဿနာကို ရင်ဆိုင်နေဆဲ ဖြစ်ပါသည်။ ဤ (၅) ရက်တာအစီစဉ်တွင်၊ နှုတ်ကပတ်တော်ကို ဖတ်ရှုလျက် နှုတ်ကပတ်တော်ကို မရသေးသောသူများအဖို့လည်း ဆုတောင်းပတ္ထနာပြုရမည်။ 

သမ္မာကျမ်းစာဘာသာပြန်အဖွဲ့များအတွက် ဆုတောင်းနည်း

သခင်၊ ဆုတောင်းစေခြင်းငှာ အကျွန်ုပ်တို့အား နည်းပေးတော်မူပါ။ တပည့်တော်များသည် အရှင်ယေရှုဘုရားထံ နည်းပေးတော်မူပါဟု တောင်းဆိုသောအခါ၊ အရှင်ယေရှုဘုရားသည် ကမ္ဘာတစ်ဝန်းရှိ ယုံကြည်သူအားလုံး အလွန်ကြိုက်နှစ်သက်သော ရိုးရှင်းလှသောပတ္ထနာတော်ဖြင့် တုံ့ပြန်တော်မူခဲ့သည်။ ဤကျမ်းစာအခြေပြုရှင်းပြချက်များတွင်၊ ဆရာပေတန်ဂျုံး (Peyton Jones) သည် ပတ္ထနာတော်ကို ရှင်းပြလျက် ဆုတောင်းခြင်း၏ အနှစ်သာရတည်းဟူသော ချီးမွမ်းခြင်း၊ ဆက်ကပ်ခြင်း၊ အားကိုးခြင်းနှင့် မကောင်းသောအမှုအရာမှ ကယ်နုတ်ခြင်းတို့ကို စေ့စေ့ကြည်ရှုစေသည်။

ဆုတောင်းပတ္ထနာပြုခြင်း၊ ကျမ်းစာအခြေပြုရှင်းပြချက်

ဘုရားသခင်၏ ကျေးဇူးတော်ကို ချီးမွမ်းလျက် နှုတ်ကပတ်တော်မြတ်ကို ပျော်ရွှင်စွာ ဖတ်ရှုကြပါစို့။ ဒေါက်တာ တိုနီအီဗန် (Tony Evans) သည် မိမိပြုစုခဲ့သော တိုနီအီဗန် CSB သမ္မာကျမ်းစာအနက်ဖွင့်ကျမ်းကို ကိုးကားလျက် ဤ (၅) ရက်တာ အစီစဉ်ကို ရေးသားခဲ့သည်။

အရာရာ၌ ကျေးဇူးတော်ကို ချီးမွမ်းကြလော့

မိတ်ဆွေသည် အရှင်ယေရှုဘုရားကို လိုနေပါသလား။ ဤ (၃) ရက်တာ ဆုတောင်းအစီစဉ်တွင်၊ ကိုယ်တော်ဘုရားထံ အော်ဟစ်စေ၍ မိတ်သဟာယကို ပိုမိုဖွဲ့စေဖို့ အကူအညီ ပေးပါမည်။ ဤအစီစဉ်နှင့် အခြား Thistlebend Ministries အစီစဉ်များကို ဖတ်ရှုလေ့လာလိုက်ပါ။

ယေရှု၊ ကိုယ်တော်ကို ကျွန်ုပ်လိုပါ၏

အတူတကွ ဆုတောင်းသောလင်မယားများသည် ဝိညာည်ဆိုင်ရာ၊ စိတ်ဆိုင်ရာနှင့် ရုပ်ပိုင်းဆိုင်ရာမှာ အတူတကွ တိုးပွားစေကြသည်။ သူတို့၏ အိမ်ထောင်ခြင်းကို ကောင်းချီးပေးလျက် ပိုမိုကျန်းမာစေသောသခင်ထံ သာ၍နီးစေသည်။ 

လင်မယားများအဖို့ (၁၀) ရက်တာ ဆုတောင်းခြင်းစိန်ခေါ်မှု

မိမိမနောစိတ်သည် မိမိကို နှောင့်ယှက်စေပြီး အနိဋ္ဌာရုံကို ဖြစ်စေလျက် မုသားကမ္ဘာတွင် ကျင်လည်စေတတ်သည်။ သို့ရာတွင်၊ မိမိမနောစိတ်အားဖြင့် ခွန်အားကို ရရှိခံစားစေတတ်သည်။ ထို့ကြောင့်၊ Life.Church အသင်းတော်၏ သင်းအုပ်ဆရာကြီး ခရိတ်ခရိုးရှယ် (Craig Groeschel) သည် သူနေ့စဉ်ဖတ်နေသည့် သမ္မာတရားကို ချရေးခဲ့သည်။ ဤစကားလုံးများသည် သူ့ဘဝကို မည်သို့ပြောင်းလဲစေကြောင်း လေ့လာရန်နှင့် မိမိအဖို့ ရှင်သန်စေသည့်စကားများကို ရှာဖွေရန် လွယ်ကူသောအဆင့်သုံးဆင့်ကို ရှာဖွေလေ့လာလိုက်ပါ။

ရှင်သန်စေသည့်စကားများ

ခရစ္စမတ်ဇာတ်တော်သည် အလွန်အံ့ဩဖွယ် ဇာတ်တော်တစ်ခု ဖြစ်ပါသည်။ သို့သော်၊ တစ်ခါတစ်ရံမှာ ကျွန်ုပ်တို့သည် အသေးစိတ်အချက်အလက်များကို ထပ်သလဲလဲ ကြားသောကြောင့် ခရစ္စမတ်ဇာတ်တော်၏ သက်ရောက်မှုကို အနည်းငယ် လျော့သွားနိုင်သလိုပဲ။ ဤအစီစဉ်သည် အတိတ်သမိုင်း၏ အရေးကြီးဆုံးအမှုတည်းဟူသော ဘုရားသခင်၏ လူဇာတိခံတော်မူခြင်းကို ပိုမိုအလေးထားစေရန် ကူညီပေးပါလိမ့်မည်။ ဤအစီစဉ်ရှိ ဆုတောင်းချက်တစ်ခုစီကို မင်နီဆိုတာပြည်နယ်၊ စိန့်ပေါလုမြို့ (Saint Paul) ရှိ စီတီအသင်းတော် (Cities Church) မှ သင်းအုပ်ဆရာ၊ desiringGod.org မှ အမှုဆောင်ခေါင်းဆောင်ကြီး ဆရာဒေးဗစ်မဿဲ (David Mathis) မှ ရေးသားထားပါသည်။

ခရစ္စမတ်တစ်လျှောက် အံ့ဩဖွယ်ရာ ဆုပတ္ထနာ

ယုံကြည်ကိုးစားခြင်းဟာ ခရစ်ယာန်အသက်တာရဲ့ အခြေခံကျတဲ့ အစိတ်အပိုင်းတစ်ခု ဖြစ်ပါတယ်။ ဘုရားနဲ့ ထိတွေ့ဆက်ဆံနေခြင်း၊ ကျမ်းစာစကားကို အမြဲနှလုံးသွင်းခြင်းအားဖြင့် မိတ်ဆွေရဲ့ ယုံကြည်ကိုးစားခြင်း တိုးပွားစေနိုင်ပါတယ်။ အောက်ပါကျမ်းပိုဒ်တွေကို မှတ်သားထားခြင်းဖြင့် မိတ်ဆွေရဲ့ဘဝတစ်လျှောက််မှာ မိမိယုံကြည်ကိုးစားခြင်းကို ပိုမိုခိုင်မြဲလာစေမှာ ဖြစ်ပါတယ်။ သမ္မာကျမ်းစာကို အလွတ်ကျက်မှတ်ခြင်းဖြင့် ကျွန်တော်တို့ရဲ့ အသက်တာကို ပြောင်းလဲကြပါစို့။

ယုံကြည်ကိုးစားခြင်း

ဂျပန်နိုင်ငံသည် ဆယ်စုနှစ်များစွာ ဧဝံဂေလိတရားနှင့် အသင်းတော်များ တည်ရှိသော်လည်း ကမ္ဘာ့ဒုတိယအကြီးဆုံး မထိရောက်သော လူအုပ်စု ဖြစ်ကြသည်။ အလွန်ခေတ်မီသော ဤလူ့အဖွဲ့အစည်းတွင် ဂျပန်လူမျိုးအများစုသည် ခရစ်ယာန်ဘာသာကို ကောင်းသော်လည်း မလိုအပ်ပါဟု ယူဆကြသည်။ ဘုရားကျောင်းတက်ရောက်သူ (၀.၃) ရာခိုင်နုန်းခန့်ရှိပြီး အလွန်နည်းပါးပါသည်။ ဘုရားသခင်၏ နှုတ်ကပတ်တော်ကို ယုံကြည်အားကိုး၍ ဂျပန်နိုင်ငံ၌ အောင်မြင်မှုများရရှိရန် စိတ်နှလုံးပါလျက် ဆုတောင်းပတ္ထနာပြုကြပါစို့။


ဂျပန်နိုင်ငံအတွက် ဆုတောင်းကြပါစို့ - (၁၇) ရက်တာဆုတောင်းအစီစဉ်

နေ့ရက်စဉ်တိုင်းမှာ memlok သမ္မာကျမ်းလွတ်ကျက်မှတ်ခြင်းနည်းများထဲရှိ ဘုရားသခင်၏ဘွဲ့နာမတော် (၃-၄) ပါးကို ထုတ်ဖော်ချီမွမ်းပါ။ အောက်ပါကဲ့သို့ ချီးမွမ်းဆုတောင်းပါ။ 

ယနေ့၊ ဘုရားသခင်သည် _____ဖြစ်တော်မူသောကြောင့် အကျွန်ုပ် ချီးမွမ်းပါသည်။ 
ယနေ့၊ ဘုရားသခင်၏ဘွဲနာမများတွင်၊ _______ဘွဲ့နာမဖြင့် အကျွန်ုပ် အလွန်ရိုသေလေးမြတ်ပါသည်။
ကျွန်ုပ်၏ နေ့စဉ်အသက်တာမှာ ဘုရားသခင်သည်______ ဖြစ်တော်မူကြောင်း သူတစ်ပါးမြင်တွေ့စေပါ။

ဘုရားသခင်၏ အပါး (၁၀၀) မက ဘွဲ့နာမတော်များ

လွန်ခဲ့သော နှစ်ပေါင်း (၇၀) ကျော်ခန့်က၊ အစ္စရေး (ဣသရေလ) နိုင်ငံသည် လွတ်လပ်ရေးရရှိကြောင်း ကြေငြာခဲ့သည်။ ဤမဆိုဆဖွယ်၊ ဒီမိုကရေစီအသစ်နှင့် စတင်ပေါက်ဖွားလာသည့် သေးငယ်သည့် နိုင်ငံလေးသည် ကြီးမားလှသော ကောင်းကြီးမင်္ဂလာများနှင့် အံ့သြဖွယ်ရာ သမ္မာကျမ်းစာပရောဖက်ပြုချက်များ၏ ထူးခြားသောပြည့်စုံမှုကို ပုံဖော်ပြသနေခဲ့သည်။ ယေရုရှလင်မြို့ ငြိမ်ဝပ်မည်အကြောင်း ဆုတောင်းကြလော့ဟု သမ္မာကျမ်းစာသည် ထိုက်တွန်းနှိုးဆော်ခဲ့ပါသည်။ မိတ်ဆွေ၊ ဆုတောင်းနိုင်သော နည်းလမ်းများကို ဖော်ပြပါရစေ...

အစ္စရေးအတွက် ဆုတောင်းခြင်း

မိမိ၏ ဆုတောင်းခြင်းအသက်တာ တည်ဆောက်စေဖို့ အလွန်ကောင်းသောနည်းလမ်းမှာ သူတစ်ပါး၏ ပတ္ထနာစကားကို လေ့လာလျက် သင်ယူခြင်း ဖြစ်သည်။ ဤအစီအစဥ်သည် မတူညီသောအခြေအနေများတွင်နှင့် မတူညီသောရည်ရွယ်ချက်များအဖို့ သမ္မာကျမ်းစာရှိ သူရဲကောင်းမြတ်များ၏ ပတ္တနာစကားကို နားဆင်အခွင့်ပေးသလို၊ ဆရာ Craig Groeschel ၏ ဆုတောင်းပတ္ထနာပြုကြပါစို့ တရားဟောစီးရီးကို ကိုးကားပါသည်။ (ဤတရားဟောစီးရီးသည် life.church မှာ ကြည့်ရှုနားဆင်နိုင်ပါသည်)။ တစ်ယောက်တည်းသာ ဆုတောင်းလေ့ရှိသူ မဖြစ်ပါစေနှင့်။ ဤအစီစဉ်ကို မိမိဓမ္မမိတ်ဆွေများနှင့်အတူ လေ့လာပါ။ 