Mʉkpanganɨa Yaka yɔ pɛɨ
Yaka yɔ pɛɨ
Ɨtaɓʉ ngɨyɛ Mʉkpanganɨa yapana litindindi lɔ lɨkyɛmʉ liɓomu, anɨngwa ta akɔ mʉkpanganɨa wɔ dɔdɔ: mombi, ɓʉɓɨɓɨ, mababa kɔ ɓombi, nɔ aɓɔya ta akɔ ɨyɔ Ɨsalaɛlɛ. Ɨtaɓʉ yɔ Mʉkpanganɨa, ya ɨtaɓʉ ngɨyɔ pɛɨ akɔ lɨtaɓʉ ɓɔkʉ ngɨlɔ pɛɨ lɔ Agɔmɛ ngɨa ɔ Ɨjɛnɛ. Ɨtaɓʉ ngɨyɔ Mʉkpanganɨa yanɔ magbaa kɔta makpɔkpɔ kapɨnɨ:
1) Mʉkp 1—11 Asɔɓɨɨ akɨa ʉɓɨɨ nɔ mʉpʉnganɨa wɔ ɨsaʉ yɔ ɓaɓombi. Ya uduɓa ngʉwa Adamʉ nɔ Ɛva, Kaina nɔ Abɛlɨ, Nɔa nɔ ʉgbaá wɔta ʉja, nɔ ɨkáá yɛta ikongo ngɨyɔ Babɛlɨ.
2) Mʉkp 12—50 Uduɓa wɔ ɓɛsɛngʉʉ ɓɔ pɛɨ ngʉɓɔ Ɓaɨsalaɛlɛ. Ya Abalaama ɨsɛ ɔ báya, nɔ mwana angɔ Isaka, nɔ mwana ɔ mwana angɔ Yakɔɓɔ. Ɨyɔ, Yakɔɓɔ a꞉nɔta ɓana tɛkɛɓɛ nɔ ɓapɨnɨ, ʉɓa, ɓa ɓɛsɛ ɓɔ lɨfananja tɛkɛɓɛ nɔ ɓepini ngɨlɔ Ɨsalaɛlɛ. Yɔjɛfʉ mʉngana weɓo, a꞉dya ɓʉngama anɔ Misili, kʉdɔ, ɨsɛ Yakɔɓɔ ɨhɔ nɔ ɓana ngʉɓɔmɔ, ba꞉sa anuwolo ɨkʉmbʉ tɨa kʉ anɔ Misili.
Ɨtaɓʉ ngɨyɔ Mʉkpanganɨa, yakɔpana ɓɔ Asɔɓɨɨ a꞉kɨa ʉɓɨɨ, nɔ, ɛ꞉sɨnganaka kyɛndakiso ubei ngʉwɔ ɓombi ɓangɔ. Nɔ ɓata kʉ ɨyɔ, akɔkio mʉkɔmbʉ wɔ ɓombi ngʉɓa ɓakɔkɨa ɓʉɓɨɓɨ. Ɓa꞉tɛndakɨa mabii ngʉkakɛ, akɔpana báya yɔ mombi mʉngana, ɓɔ dɔ báya yɔngɔ, yɨmbɨanɨa nɔ ɓombi ɓaɓomu.
Magbaa kɔta makpɔkpɔ
Uduɓa ngʉwɔ mʉkpanganɨa wɔ dɔdɔ nɔ mombi 1:1—2:4
Uduɓa ngʉwɔ Adamʉ 2:4—5:3
Uduɓa ngʉwɔ Nɔa 6:1—11:32
Uduɓa ngʉwɔ Abalaama 12:1—25:18
Uduɓa ngʉwɔ Isaka 25:19—28:9
Uduɓa ngʉwɔ Yakɔɓɔ 28:10—36:43
Uduɓa ngʉwɔ Yɛjɛfʉ 37:1—50:26
လက္ရွိေရြးခ်ယ္ထားမွု
Mʉkpanganɨa Yaka yɔ pɛɨ: buuN
အေရာင္မွတ္ခ်က္
မၽွေဝရန္
ကူးယူ
မိမိစက္ကိရိယာအားလုံးတြင္ မိမိအေရာင္ခ်ယ္ေသာအရာမ်ားကို သိမ္းဆည္းထားလိုပါသလား။ စာရင္းသြင္းပါ (သို႔) အေကာင့္ဝင္လိုက္ပါ
© 2021, Wycliffe Bible Translators, Inc.