Mataayo 3
3
Emirimu ja Yowana Omubhatiija
(Maariko 1:1‑8; Ruuka 3:1‑18; Yowana 1:19‑28)
1Jejire jaatura emiguuga myafu, ˆneebhuka omuunu umwi unu aatogwaga Yowana Omubhatiija. Yowana oyo aariga ˆnaaraasya mw‑ibhara rya Yuudeya, ˆnaayikaga ati, 2“Mute ebhibhiibhi bhyemwe ku‑Nyamuwanga, kwa okubha obhukama bhwa mu‑rwire#3:2 Obhukama bhwa mu‑rwire. Mataayo kaayika ati, Obhukama bhwa mu‑rwire anu kaayikira Obhukama bhwa Nyamuwanga. Kaakora kutyo kwa okukomeeresya ati, Nyamuwanga atungire rwa omukama okusookerera mu‑rwire. Abhayawudi bhaafu bhaayikaga inguru ya Nyamuwanga kwa okutogora orwire okuruubhana na echibharo cheebhwe echinene ku‑Nyamuwanga. Ku‑meeresyo amaafu, ringira Obhukama bhwa Nyamuwanga mu‑Meeresyo inguru ya Emisango Emikomeeye. bhuri yeeyi!” 3Yowana niwe ꞉aayikirwe na omuragi Iisaya ati,
“Obhuraka bhwa omuunu unu kaabhirikira mw‑ibhara ati,
‘Muchumachumire Raatabhugenyi injira,
mwimye anu kaja okutura.’”#3:3 Ringira Iisaya 40:3.
4Yowana aafwaraga emyenda jinu jaariga jirukirwe na obhusinga bhwa jingamiya na eebhoyaga omuchipi gwa orukobha mu‑chibhunu chaaye.#3:4 Emyenda jinu Yowana aariga ˆnaafwara, jaariga jiri rwa eja omuragi Yeeriya. Ringira 2 Abhakama 1:8. Ebhiryo bhyaye bhyariga bhiri jiisige na obhuuki. 5Abhaanu bhaafu bhaariga nibhamuuja‑ko okusooka mu‑musi gwa Yerusareemu, okusooka mu‑mukoowa gwone gwa Yuudeya na mu‑mbaara joone ja omusima gwa Yorodaani. 6Abhaanu abho, bhaariga nibhegamba ebhibhiibhi bhyebhwe na omwene ˆnaabhabhatiija mu‑musima gwa Yorodaani.
7Nawe Yowana ejire aarora Abhafarisaayo na Abhasadukaayo#3:7 Abhafarisaayo na Abhasadukaayo. Bhinu ni bhise bhibhiri bhya abhatangasya mu‑diini ya Abhayawudi. Ku‑meeresyo amaafu, ringira mu‑Meeresyo inguru ya Emisango Emikomeeye. bhaafu nibhamuuja‑ko, korereki abhabhatiije, ˆnaabhabhwira ati, “Emwe orwibhuro rwa jinjoka! Niga unu ꞉aabhabhwiriiye ati, omutura okwikenga indamu ya Nyamuwanga inu iriija, kwa okubhatiijibhwa era? 8Mbe, mukore ebhikorwa bhinu ebhyeresya ati, chimari mwata ebhibhiibhi bhyemwe ku‑Nyamuwanga. 9Mwasiga okwitogera ati, Nyamuwanga aribheekirisya, kwa okubha omwikumangya ati, ‘Chiri rwibhuro rwa Bhurayimu!’ Enibhabhwira ati, Nyamuwanga kaatura okuyindura amabhuyi ganu okubha abhaana bha Bhurayimu! 10Woori indamu ya Nyamuwanga iri inguru yeemwe rwa imbasa inu iteeywe ku‑masina ga amati. Abhaanu bhanu bhatakukora ebhikorwa bhya ekisi bhariramurwa, rwa kutyo bhuri riiti rinu ritakutwasya amatwasyo ga ekisi eritemwa na okweswa mu‑muriro.
11“Anye enibhabhatiija mu‑manji okweresya ati, muyindukiiye Nyamuwanga. Nawe kaja okuuja omuunu owundi owa obhuturo okunkira. Anye niteeyire noorwo okusuruumura jingoye ja ebhiraato bhyaye.#3:11 Okusuruumura jingoye ja ebhiraato bhyaye. Mu‑siku jirya, omurimu gwa okusuruumura jingoye ja ebhiraato bhya abhagenyi gwariga nigukorwa na abhagaya bha emwaro muno. Omwene aribhabhatiija kwa Mwoyo Mweru na kwa omuriro okwesya emitima jeemwe rwa kutyo omuriro ogwesya ebhyuma. 12Agwatiriiye oruwungo mu‑ngaro jaaye korereki awungure obhuro. Obhuro bhwa ekisi aribhubhiika mu‑chitara chaaye, nawe amakumbi arigoocha mu‑muriro gunu gutarisima.”
Yowana kaabhatiija Yeesu
(Maariko 1:9‑11; Ruuka 3:21‑22)
13Mbe, omwanya ogwo, Yeesu ˆnaaja okusooka mu‑mukoowa gwa Gariraaya, ˆnaagenda mu‑musima gwa Yorodaani korereki Yowana amubhatiije. 14Nawe Yowana ˆnaaregeeja okumuyingirira, ˆnaamubhwira ati, “Owuuja kutiki kw‑anye nikubhatiije? Anye naanye enikena umbatiije.” 15Yeesu ˆnaamusubhya ati, “Awe ikirisya era umbatiije woori, kwa okubha echikenwa okukuumisya obhurengeresi bhwone.” Mbe, Yowana ˆneekirisya, ˆnaamubhatiija.
16Omwanya gunu Yeesu ꞉aamarire okubhatiijibhwa, ˆnaariinya okusooka mu‑manji, awoawo orwire nirwiguka, ˆnaarora Mwoyo wa Nyamuwanga ˆneeka inguru yaaye rwa echiguuti. 17Niwo, obhuraka okusooka mu‑rwire nibhwayika ati, “Unu niwe Omwana waani omwendwa,#3:17 Omwana waani omwendwa. Ku‑meeresyo amaafu, ringira Omwana wa Nyamuwanga mu‑Meeresyo inguru ya Emisango Emikomeeye. niwe kaankondisya.”
လက္ရွိေရြးခ်ယ္ထားမွု
Mataayo 3: jit
အေရာင္မွတ္ခ်က္
မၽွေဝရန္
ကူးယူ
မိမိစက္ကိရိယာအားလုံးတြင္ မိမိအေရာင္ခ်ယ္ေသာအရာမ်ားကို သိမ္းဆည္းထားလိုပါသလား။ စာရင္းသြင္းပါ (သို႔) အေကာင့္ဝင္လိုက္ပါ
© 2023, Wycliffe Bible Translators, Inc. All rights reserved.