མེ་ཐིའུ་ལེའུ་ 1
1
ཡེ་ཤུ་གི་གདུང་བརྒྱུད་ཀྱི་སྐོར།
1ཡབ་ ཨབ་ར་ཧམ་གྱི་གདུང་བརྒྱུད་ལས་སྦེ་རྒྱལཔོ་ ད་བིད་དང་ རྒྱལཔོ་ ད་བིད་ཀྱི་གདུང་བརྒྱུད་ལས་སྦེ་སྲས་ ཡེ་ཤུ་ཁིརཱིས་ཀྱི་གདུང་བརྒྱུད་ཀྱི་ཐོ་ཡིག་གཅིག་འབྲི་ནི་ཨིན།
2ཨབ་ར་ཧམ་གྱི་བུ་ ཨི་སག་ ཨི་སག་གི་བུ་ ཡ་ཀོབ། ཡ་ཀོབ་ཀྱི་བུ་ ཡུ་ད་དང་ཁོ་གི་སྤུན་ཆ་ཚུ། 3ཡུ་ད་གི་བུ་ ཕེ་རཱེས་དང་ ཟེ་ར་ ཁོང་གཉིས་ཀྱི་ཨའི་དེ་ ཐ་མཱར། ཕེ་རཱེས་ཀྱི་བུ་ ཧཱེས་རཱོན། ཧཱེས་རཱོན་གྱི་བུ་ ཨ་རམ། 4ཨ་རམ་གྱི་བུ་ ཨ་མི་ན་དབ། ཨ་མི་ན་དབ་ཀྱི་བུ་ ན་ཤཱོན། ན་ཤཱོན་གྱི་བུ་ སཱེལ་མཱོན། 5སཱེལ་མཱོན་དང་ རེ་ཧབ་ཀྱི་བུ་ བོ་ཨཱཛ། བོ་ཨཱཛ་དང་ རུད་ཀྱི་བུ་ ཨོ་བཱེད། ཨོ་བཱེད་ཀྱི་བུ་ ཇེ་སི། 6དེ་ལས་ ཇེ་སི་གི་བུ་རྒྱལཔོ་ ད་བིད། རྒྱལཔོ་ ད་བིད་དང་ཧེ་མ་ ཨུ་རའི་ཡ་གི་ཨམ་སྲུ་འབད་མི་ བེད་ཤི་བ་གི་བུ་ སོ་ལོ་མཱོན། 7སོ་ལོ་མཱོན་གྱི་བུ་ རེ་ཧོ་བོ་ཨམ། རེ་ཧོ་བོ་ཨམ་གྱི་བུ་ ཨ་བི་ཡ། ཨ་བི་ཡ་གི་བུ་ ཨ་སཕ། 8ཨ་སཕ་གི་བུ་ ཡེ་ཧོ་ཤ་ཕཱད། ཡེ་ཧོ་ཤ་ཕཱད་ཀྱི་བུ་ ཡོ་རམ། ཡོ་རམ་གྱི་བུ་ ཨུ་ཟའི་ཡ། 9ཨུ་ཟའི་ཡ་གི་བུ་ ཇོ་ཐམ། ཇོ་ཐམ་གྱི་བུ་ ཨེ་ཧཱཛ། ཨེ་ཧཱཛ་གི་བུ་ ཧེ་ཟེ་ཀི་ཡ། 10ཧེ་ཟེ་ཀི་ཡ་གི་བུ་ མ་ན་སེ། མ་ན་སེ་གི་བུ་ ཨ་མཱོན། ཨ་མཱོན་གྱི་བུ་ ཡོ་སིའ། 11ཡོ་སིའ་གི་བུ་ ཡེ་ཁོ་ནིའ་དང་ཁོ་གི་སྤུན་ཆ་ཚུ་ ཡ་ཧུ་ད་པ་ཚུ་ལེ་ཤ་ལུ་ བ་བི་ལཱོན་པ་ཚུ་གིས་འཁྱིད་དེ་ ཁོང་གི་དབང་འོག་ལུ་བཞག་པའི་དུས་ལུ་སྐྱེས་སྐྱེསཝ་ཨིན་མས། 12ཁོང་ བ་བི་ལཱོན་གྱི་དབང་ལས་ཐར་བའི་ཤུལ་ལས་ ཡེ་ཁོ་ནིའ་གི་བུ་ ཤེ་ཨཱལ་ཏི་ཨཱེལ་སྐྱེས་སྐྱེསཝ་ཨིན་མས།
ཤེ་ཨཱལ་ཏི་ཨཱེལ་གྱི་བུ་ ཟེ་རུ་བ་བཱེལ། 13ཟེ་རུ་བ་བཱེལ་གྱི་བུ་ ཨ་བི་ཧུད། ཨ་བི་ཧུད་ཀྱི་བུ་ ཨེ་ལི་ཨ་ཀིམ། ཨེ་ལི་ཨ་ཀིམ་གྱི་བུ་ ཨ་ཟཱོར། 14ཨ་ཟཱོར་གྱི་བུ་ ཟ་དོག ཟ་དོག་གི་བུ་ ཨེ་ཁིམ། ཨེ་ཁིམ་གྱི་བུ་ ཨེ་ལི་ཧུད། 15ཨེ་ལི་ཧུད་ཀྱི་བུ་ ཨེ་ལི་ཨ་ཟཱར། ཨེ་ལི་ཨ་ཟཱར་གྱི་བུ་ མ་ཐཱན། མ་ཐཱན་གྱི་བུ་ ཡ་ཀོབ། 16དེ་ལས་ ཡ་ཀོབ་ཀྱི་བུ་ ཡོ་སེབ། ཡོ་སེབ་ཀྱི་ཨམ་སྲུ་ མཱིར་ཡམ། མཱིར་ཡམ་ལས་སྲས་ཡེ་ཤུ་འཁྲུངས་ནུག་ ཡེ་ཤུ་དེ་ལུ་ དཀོན་མཆོག་གིས་བཙག་འཐུ་མཛད་མི་ཁིརཱིས་ཟེར་ཡང་ཞུཝ་ཨིན། 17འདི་བཟུམ་སྦེ་ཨ་ནི་གདུང་བརྒྱུད་ཀྱི་ཐོ་ནང་ ཨབ་ར་ཧམ་ལས་རྒྱལཔོ་ ད་བིད་ཚུན་ཚོད་ལུ་ རིགས་བརྒྱུད་བཅུ་བཞི་དང་ རྒྱལཔོ་ ད་བིད་ལས་ཁོང་ ཡ་ཧུ་ད་པ་ཚུ་ བ་བི་ལཱོན་གྱི་དབང་གི་འོག་ལུ་བཞག་མིའི་ཚུན་ཚོད་ལུ་ རིགས་བརྒྱུད་བཅུ་བཞི་ དེ་ལས་ བ་བི་ལཱོན་གྱི་དབང་གི་འོག་ལུ་བཞག་པའི་ཚེ་ལས་འགོ་བཙུགས་ཏེ་ ཁིརཱིས་ཚུན་ཚོད་ལུ་རིགས་བརྒྱུད་བཅུ་བཞི་ཨིན་མས།།
ཡེ་ཤུ་ཁིརཱིས་སྐུ་འཁྲུངས་པའི་སྐོར།
18ཡེ་ཤུ་ཁིརཱིས་ཨ་ནི་བཟུམ་སྦེ་སྐུ་འཁྲུངས་འཁྲུངསམ་ཨིན་མས་ ཁོ་མ་འཁྲུངས་པའི་ཧེ་མ་ ཡུམ་ མཱིར་ཡམ་ ཡོ་སེབ་དང་གཅིག་ཁར་གཉེན་བརྐྱབ་ནི་སྦེ་ཁ་ཚིག་བྱིན་ཚརཝ་ཨིན་མས་ དེ་འབདཝ་ད་ན་ཆུང་ མཱིར་ཡམ་གཉེན་མ་རྐྱབ་པའི་ཧེ་མ་ལས་ དམ་པའི་ཐུགས་ཉིད་ཀྱི་ཐོག་ལས་སྦེ་ཨ་ལོ་སྐྱེ་ནི་ཆགས་ནུག 19དེ་ལས་ མཱིར་ཡམ་གྱི་རྨགཔ་ ཡོ་སེབ་ མི་ཆོས་སེམས་ཆེ་ཏོག་ཏོ་གཅིག་ཨིན་མས་ མོ་ལུ་མི་འཛོམས་སར་བློ་བཙོང་ནིའི་སེམས་མེདཔ་ཨིན་མས་ དེ་འབདཝ་ལས་ ཁུ་སིམ་སི་སྦེ་གཉེན་མི་བརྐྱབ་ནི་སྦེ་མནོ་བསམ་བཏང་ནུག 20ཁོ་དེ་སྦེ་མནོ་བསམ་བཏང་སྟེ་གཉིད་ལོག་སོངམ་ད་ ཁོ་གི་རྨི་ལམ་ནང་གཙོ་བོ་གི་ཕོ་ཉ་གཅིག་བྱོན་སྦེ་ དབའེ་ རྒྱལཔོ་ ད་བིད་ཀྱི་རིགས་བརྒྱུད་ ཡོ་སེབ་ཁྱོད་ མཱིར་ཡམ་ལུ་ཁྱོད་ཀྱི་ཨམ་སྲུ་སྦེ་ལེན་ནིའི་དོན་ལུ་མ་འདྲོག་ ག་ཅི་སྨོ་ཟེར་བ་ཅིན་ མོ་གི་མངལ་ནང་ཡོད་མིའི་ཨ་ལོ་འདི་ དམ་པའི་ཐུགས་ཉིད་ཀྱི་ཐོག་ལས་གནས་གནསཔ་ཨིན། 21མོ་གིས་སྲས་གཅིག་འཁྲུང་འོང་ ཁྱོད་ཀྱིས་ཁོ་གི་མཚན་ཡེ་ཤུ་#༡:༢༡། ཧིབ་རུ་གི་སྐད་ནང་འབད་བ་ཅིན་ ཡེ་ཤུ་ཟེར་མི་འདི་སྐྱབས་མགོན་ཟེར་བའི་དོན་དག་ཨིན་མས།ཟེར་བཏགས་ཕུལ་དགོ་ ག་ཅི་སྨོ་ཟེར་བ་ཅིན་ ཁོ་གིས་ཁོ་རའི་མི་རིགས་ཚུ་ སྡིག་པའི་ནང་ལས་ སྐྱབས་མཛད་ནི་ཨིན་ཟེར་གསུངས་ནུག 22ད་དེ་ཚུ་ག་ར་ཧེ་མ་གཙོ་བོ་གིས་ལུང་སྟོན་པ་ལུ་ དེ་སྦེ་གསུངསམ་བཞིན་དུ་གྲུབ་ནིའི་དོན་ལུ་བྱུང་ནུག
23ནམ་ཡང་ལུས་འབྲེལ་མ་འབད་མི་ན་ཆུང་མ་གཅིག་ལུ་ ཨ་ལོ་ཆགས་ཏེ་སྲས་གཅིག་འཁྲུང་འོང་ ཁོ་གི་མཚན་ ཨེ་མ་ནུ་ཨཱེལ་ཟེར་ཞུ་འོང་ ཨེ་མ་ནུ་ཨཱེལ་ཟེར་མི་འདི་ དཀོན་མཆོག་ང་བཅས་དང་གཅིག་ཁར་བཞུགས་ཡོད་ཟེར་བའི་དོན་དག་ཨིན།#༡:༢༣། ཨའི་ཟ་ཡ་ ༧:༡༤, ༨:༨,༡༠། 24དེ་ལས་ ཡོ་སེབ་གཉིད་ཚོརཝ་ད་ གཙོ་བོ་གི་ཕོ་ཉ་གིས་གསུངསམ་བཞིན་དུ་ མཱིར་ཡམ་ལུ་ཁོ་རང་གི་ཨམ་སྲུ་སྦེ་ལེན་ཏེ་འཁྱིད་སོང་ནུག 25དེ་འབདཝ་ད་ མོ་ལས་སྲས་འདི་མ་འཁྲུངས་ཚུན་ཚོད་ ཁོ་མོ་དང་ལུས་འབྲེལ་རྩ་ལས་རང་མ་འབད་བར་སྡོད་ནུག་ དེ་ལས་ཁོ་གིས་སྲས་ཀྱི་མཚན་ཡང་ཡེ་ཤུ་ཟེར་བཏགས་ཕུལ་ནུག།
လက္ရွိေရြးခ်ယ္ထားမွု
མེ་ཐིའུ་ལེའུ་ 1: dzoD
အေရာင္မွတ္ခ်က္
မၽွေဝရန္
ကူးယူ
မိမိစက္ကိရိယာအားလုံးတြင္ မိမိအေရာင္ခ်ယ္ေသာအရာမ်ားကို သိမ္းဆည္းထားလိုပါသလား။ စာရင္းသြင္းပါ (သို႔) အေကာင့္ဝင္လိုက္ပါ
© 2012, Wycliffe Bible Translators, Inc. All rights reserved