Ruti 3
3
1Ongolo Naomi anago endre, odzo anidri, Madzapi, kilososi meya mandru piri loso nyolodzori paka nyolo asi ebwetro.
2Boazi di ani amadrupiko, nyede ebuko izionzi anidritro? Nyendre, anikadukwiubi anidri iniaga endrori vo difo dri.
3Nyidzi nyaru, nyitri ado nyaruga, nyiso bongo loso, nyiya piri difo dri: duba lososi madi di kondre nyiko driso anionyatara omvuratro.
4Lofo aniode oduga nyendre nale lokuloku. Ongolo nyehwi, nyedu bongo anakodi anapaniga, nyede nale; anikodzo nyidri ado edeka.
5Aniodzo anidri, Ta podru nyadzole madriri medeara.
6Ongolo anioya vo difo dri aniede ta podru anago endre dzole anidriri.
7Lofo Boazi anionyatara omvuratro asi anidri kanzo anioya odukorega vo dukwi ekwiekwi. Ongolo Ruti keya tsetse, awi bongo anidri padiri ode laka.
8Saa mudri limbi eri iniaga dri madi di orira, eso ani, ondre izi ode anapaga.
9Ongolo aniodzo, Nyi adi? Ruti engwi laka, Ma ani Ruti agozi nyidri; nyeba patania nyidri maruga adosikoa nyi magori.
10Ongolo aniodzo, Ruba kikonyi nyi madzapi adosi asi nyidri kemu losondro madri koza vo atiri, adosi nyeko yayiko nosi limitori nosi limakori.
11Diadro madzapi nyoriko; meya maede ta podru nyaleleri adosi ba podru madri eiari onyote nyi ani izi asi losori.
12Lokuloku ma ani nyagori duba aa nyagori zii kamaza.
13Nyete dri odu di, ongolo ininipui dzo anitwero loka nyagori naitro, loso dini, kilososi anikoko nyi. Dzo aniogangbe magbari maledzodilira oloka nyagori Rubanga rusi. Nyekodu paka obuti.
14Ongolo aniokodu paka obuti. Ongolo anionga driso iniaga. Boazi odzo Lososi ba koniko izi ohwi dia.
15Aniodzo vo zii, Nyedzi katambala aa nyetro. Lofo anioko aniobi driaru vo azia dukwi dri; ongolo anionzi oya baru.
16Lofo anikengwi anadrinzia dri aniodzo, Ngoni madzapi? Ruti odzo Naomi dri ta podru madi nai edele anidri.
17Aniodzo vo zii, Aniokwe mani evo di dukwi dri vo azia adosi aniodzo madri, Nyengwi ililiko nyadrinzia dri.
18Ongolo aniodzo, Nyiri tsetse madzapi paka nyinyote ledzo di koya ngoni: adosi asi madi di dri kolo ebweko paka anikekoa ledzo di endro.
လက္ရွိေရြးခ်ယ္ထားမွု
Ruti 3: MHIRuth
အေရာင္မွတ္ခ်က္
မၽွေဝရန္
ကူးယူ
မိမိစက္ကိရိယာအားလုံးတြင္ မိမိအေရာင္ခ်ယ္ေသာအရာမ်ားကို သိမ္းဆည္းထားလိုပါသလား။ စာရင္းသြင္းပါ (သို႔) အေကာင့္ဝင္လိုက္ပါ
© British and Foreign Bible Society 1938, 2018