MWAMBĨLĨLYO 6:1-4

Na kweethĩwa, yĩla andũ mambĩlĩlye kwĩngiva ĩũlũ wa nthĩ, na masyaĩwa eĩtu, ana ma Ngai moona kana eĩtu ma andũ maĩ aseo; na meetwaĩa aka, onthe ala manyuvie. Na Yeova asya, Veva wakwa ndakakĩlan’ya vinya na mũndũ tene na tene, nũndũ we nake nĩ mwĩĩ: ĩndĩ matukũ make makeethĩwa myaka ĩana na mĩongo ĩlĩ. Nevilimu maĩ kũũ nthĩ matukũ asu, o na ĩtina wa ĩvinda yĩu, yĩla ana ma Ngai malikile kwa eĩtu ma andũ, na mamasyaĩa syana: syo syaĩ ngũmbaũ tene, andũ me nguma.