ရောမဩဝါဒစာ 11:11-36

သို့ဖြစ်လျှင် သူ​တို့​ခလုတ်တိုက်​ကြ​သည်​မှာ သူ​တို့​လဲကျ​စေရန်​လော​ဟု ငါ​မေး​၏။ လုံးဝ​မ​ဟုတ်​ပေ။ အမှန်​အားဖြင့် သူ​တို့​ကျူးလွန်​သော​အပြစ်​ကြောင့် လူမျိုးခြား​တို့​ထံ ကယ်တင်​ခြင်း​ကျေးဇူး​သက်ရောက်​၍ ဤ​အမှု​အားဖြင့် အစ္စရေး​လူမျိုး​တို့​၌ မနာလို​စိတ်​ဖြစ်ပေါ်​စေရန်​ဖြစ်​၏။ သို့သော် သူ​တို့​ကျူးလွန်​သော​အပြစ်​သည် လောကီသား​တို့​၏​ကြွယ်ဝ​မှု​ဖြစ်​ခဲ့​ပြီး သူ​တို့​၏​ရှုံးနိမ့်​ခြင်း​သည် လူမျိုးခြား​တို့​၏​ကြွယ်ဝ​ခြင်း​ဖြစ်​ခဲ့​လျှင် သူ​တို့​၏​ပြည့်စုံ​ခြင်း​သည် မည်မျှ​ပို၍​များ​သော​အကျိုး​ကို ဖြစ်​စေ​လိမ့်မည်​နည်း။ ထို့ကြောင့် လူမျိုးခြား​ဖြစ်​သော​သင်​တို့​အား ငါ​ပြော​လို​သည်​မှာ ငါ​သည် လူမျိုးခြား​နှင့်ဆိုင်သော တမန်တော်​ဖြစ်​သည့်​အလျောက် ငါ​၏​အမှု​တော်​လုပ်ငန်း​ကို ဂုဏ်ယူ​လျက် တစ်နည်းနည်း​ဖြင့် ငါ​၏​အမျိုးသား​ချင်း​တို့​၌ မနာလို​စိတ်​ဖြစ်ပေါ်​စေ​၍ သူ​တို့​ထဲမှ အချို့​တို့​ကို​ကယ်တင်​နိုင်​ရန် ငါ​မျှော်လင့်​နေ​၏။ အကြောင်းမူကား သူ​တို့​ပစ်ပယ်​ခံရ​ခြင်း​သည် လောကီသား​တို့​အတွက် ပြန်လည်​သင့်မြတ်​ခြင်း​အခွင့်​ဖြစ်​လျှင် သူ​တို့​ကို ပြန်​၍​လက်ခံ​ခြင်း​သည် သေလွန်​သော​သူ​တို့​အသက်​ပြန်ရှင်​ခြင်း​ဖြစ်​လိမ့်မည်​မ​ဟုတ်​လော။ အသီးဦး​အဖြစ်​ပူဇော်​သော​မုန့်ညက်​သည် သန့်ရှင်း​လျှင် မုန့်ညက်​တစ်ပုံလုံး​သည်​လည်း သန့်ရှင်း​၏။ အမြစ်​သည် သန့်ရှင်း​လျှင် အကိုင်းအခက်​များ​သည်​လည်း သန့်ရှင်း​ကြ​၏။ သို့သော် အကိုင်းအခက်​အချို့​တို့​သည် ခုတ်ဖြတ်​ခြင်း​ခံရ​၍ သံလွင်​ပင်​အရိုင်း​ဖြစ်​သော​သင်​သည် ထို​အကိုင်းအခက်​များ​ကြား​၌ ကိုင်းဆက်ကူး​ခံရ​ပြီး သံလွင်​ပင်​အမြစ်​မှ​အဆီအနှစ်​ကို မျှဝေ​ခံစား​သူ​ဖြစ်လာ​လျှင် ထို​အကိုင်းအခက်​များ​အပေါ် ဝါကြွား​သော​စိတ်​မ​ရှိ​နှင့်။ ဝါကြွား​လျှင်​လည်း သင်​သည် အမြစ်​ကို​ထောက်မ​သည်​မ​ဟုတ်။ အမြစ်​က​သာ သင့်​ကို​ထောက်မ​၏။ ထိုအခါ သင်​က “ငါ့​ကို ကိုင်းဆက်ကူး​ရန်​အတွက် အကိုင်းအခက်​များ​သည် ခုတ်ဖြတ်​ခြင်း​ခံရ​ကြ​သည်”​ဟု ဆို​လိမ့်မည်။ မှန်​ပေ​၏။ သူ​တို့​သည် မ​ယုံကြည်​မှု​ကြောင့် ခုတ်ဖြတ်​ခြင်း​ခံရ​ပြီး သင်​မူကား ယုံကြည်​ခြင်း​ကြောင့်​တည်​နေ​၏။ ထောင်လွှား​သော​သဘော​မ​ရှိ​ဘဲ ကြောက်ရွံ့​ခြင်း​ရှိ​လော့။ အကြောင်းမူကား ဘုရားသခင်​သည် မူလ​အကိုင်းအခက်​များ​ကို ညှာတာ​တော်​မ​မူ​ခဲ့​လျှင် သင့်​ကို​လည်း ညှာတာ​တော်မူ​လိမ့်မည်​မ​ဟုတ်။ ထို့ကြောင့် ဘုရားသခင်​၏​ပြင်းထန်​သော​စီရင်​တော်မူ​ခြင်း​နှင့်​ကျေးဇူးပြု​တော်မူ​ခြင်း​တို့​ကို ကြည့်​ကြ​လော့။ ပြင်းထန်​သော​စီရင်​တော်မူ​ခြင်း​သည် လဲကျ​သော​သူ​တို့​ပေါ်၌​ရှိ​၍ ဘုရားသခင်​၏​ကျေးဇူးပြု​တော်မူ​ခြင်း​မူကား သင်​သည် ထို​ကျေးဇူးပြု​တော်မူ​ခြင်း​၌ ဆက်၍​တည်​နေ​လျှင် သင့်​အပေါ်၌​ရှိ​၏။ ဆက်၍​မ​တည်​လျှင် သင်​သည်​လည်း ခုတ်ဖြတ်​ခြင်း​ခံရ​လိမ့်မည်။ သူ​တို့​သည်​လည်း မ​ယုံကြည်​မှု​ကို​စွန့်ပယ်​လျှင် ကိုင်းဆက်ကူး​ခြင်း​ခံရ​ကြ​လိမ့်မည်။ အကြောင်းမူကား သူ​တို့​ကို နောက်တစ်ဖန်​ကိုင်းဆက်ကူး​ရန် ဘုရားသခင်​တတ်နိုင်​တော်မူ​၏။ အဘယ်ကြောင့်​ဆိုသော် သင်​သည် သဘာဝ​အတိုင်း ရိုင်း​သည့်​သံလွင်​ပင်​မှ ခုတ်ဖြတ်​ခံရ​၍ ကောင်း​သည့်​သံလွင်ပင်​၌ သဘာဝ​နှင့်​ဆန့်ကျင်​လျက် ကိုင်းဆက်ကူး​ခြင်း​ခံရ​သည်​မှန်​လျှင် သဘာဝ​အတိုင်း ကောင်း​သည့်​သံလွင်​ပင်​၏​အကိုင်း​များ​ကို​မူကား မူရင်း​သံလွင်​ပင်​၌ မည်မျှ​ပို၍​လွယ်ကူ​စွာ ကိုင်းဆက်ကူး​နိုင်​လိမ့်မည်​နည်း။ ညီအစ်ကို​တို့၊ သင်​တို့​သည် မိမိ​တို့​ကိုယ်​ကို​ပညာ​သတိ​ရှိ​သော​သူ​ဟူ၍​မ​ထင်မှတ်​ကြ​စေရန် ဤ​လျှို့ဝှက်​နက်နဲ​သော​အရာ​ကို မ​သိ​ဘဲ​မ​နေ​စေ​လို​ပါ။ လျှို့ဝှက်​နက်နဲ​သော​အရာ​ဟူမူကား အစ္စရေး​လူမျိုး​၌ မာကျော​ခက်ထန်​သူ​အချို့​ရှိ​ခြင်း​မှာ လူမျိုးခြား​တို့​စုံလင်​စွာ​ဝင်ရောက်​သည်​အထိ​ဖြစ်​ပြီး ဤသို့ဖြင့် အစ္စရေး​လူမျိုး​တစ်မျိုးလုံး​သည် ကယ်တင်​ခြင်း​ခံရ​မည်​ဟူ၍​ဖြစ်​၏။ “ကယ်နုတ်​သော​အရှင်​သည် ဇိအုန်​မှ​ကြွလာ​ပြီး ယာကုပ်​၏​အမျိုးအနွယ်​ထဲမှ ဘုရား​တရား​မဲ့​ခြင်း​များ​ကို ဖယ်ရှား​တော်မူ​လိမ့်မည်။ ဤသည်ကား သူ​တို့​၏​အပြစ်​များ​ကို ငါ​ဖယ်ရှား​သောအခါ သူ​တို့​အား ငါ​ပေး​မည့်​ပဋိညာဉ်​ပေ​တည်း”​ဟု ကျမ်းစာ​၌​ရေး​ထား​သည့်​အတိုင်း​ဖြစ်​၏။ ကောင်းမြတ်​သော​သတင်း​အရ သူ​တို့​သည် သင်​တို့​အတွက်​ကြောင့် ရန်သူ​များ​ဖြစ်​ကြ​သော်လည်း ရွေးကောက်​တော်မူ​ခြင်း​အရ ရှေး​ဘိုးဘေး​များ​အတွက်​ကြောင့် ချစ်​တော်မူ​သော​သူ​များ​ဖြစ်​ကြ​၏။ အကြောင်းမူကား ဘုရားသခင်​၏​ဆု​ကျေးဇူး​များ​နှင့်​ခေါ်ယူ​တော်မူ​ခြင်း​သည် ပြောင်းလဲ​ခြင်း​မ​ရှိ။ သင်​တို့​သည် တစ်ချိန်က ဘုရားသခင်​ကို​မ​နာခံ​ခဲ့​ကြ​သော်လည်း ယခု​အခါ ထို​သူ​တို့​၏​မ​နာခံ​မှု​ကြောင့် ကရုဏာ​တော်​ကို​ခံစား​ရ​ကြ​သကဲ့သို့ သူ​တို့​သည်​လည်း ထိုနည်းတူ ယခု​နာခံ​ခြင်း​မ​ရှိ​ကြ​ပေ။ ဤသည်ကား သင်​တို့​ခံရ​သော​ကရုဏာ​တော်​အားဖြင့် ယခု​အခါ သူ​တို့​သည်​လည်း ကရုဏာ​တော်​ကို​ခံစား​ရ​ကြ​စေရန်​ဖြစ်​၏။ ဘုရားသခင်​သည် လူ​အပေါင်း​တို့​အပေါ်​ကရုဏာ​ထား​တော်မူ​ရန် လူ​အပေါင်း​တို့​ကို မ​နာခံ​မှု​အဖြစ်​၌​ချုပ်​ထား​တော်မူ​၏။ ဘုရားသခင်​၏​အသိပညာ​နှင့်​ဉာဏ်ပညာ​တော်​တို့​၏​ကြွယ်ဝ​မှု​သည် နက်နဲ​လှ​ပါတကား။ စီရင်​တော်မူ​ချက်​တို့​ကို စူးစမ်း​လေ့လာ​၍​မ​ကုန်​နိုင်။ လမ်း​တော်​တို့​ကို​လည်း ချင့်မျှော်​တွေးဆ​၍​မ​ရ​နိုင်။ “မည်သူ​သည် ထာဝရ​ဘုရား​၏​စိတ်​တော်​ကို​သိ​သနည်း။ မည်သူ​သည် ကိုယ်တော်​၏​အတိုင်ပင်ခံ​ဖြစ်​ဖူး​သနည်း။ မိမိ​အပေါ် ကိုယ်တော်​ကျေးဇူး​တုံ့ပြန်​ရ​လေ​အောင် မည်သူ​သည် ကိုယ်တော်​အား ဦးစွာ​ကျေးဇူးပြု​ဖူး​သနည်း။” အကြောင်းမူကား အရာ​ခပ်သိမ်း​တို့​သည် ကိုယ်တော်​ထံမှ​လည်းကောင်း၊ ကိုယ်တော်​အားဖြင့်​လည်းကောင်း၊ ကိုယ်တော်​အတွက်​လည်းကောင်း ဖြစ်တည်​ကြ​၏။ ကိုယ်တော်ရှင်​၌ ကာလ​အစဉ်အဆက် ဘုန်း​အသရေ​တော်​တည်ရှိ​ပါစေသော။ အာမင်။