ဗျာဒိတ်ကျမ်း 21:10-21

ထို​ကောင်းကင်​တမန်​သည် ကြီးမား​၍​မြင့်​လှ​သော​တောင်​ပေါ်သို့ ဝိညာဉ်​တော်​အားဖြင့် ငါ့​ကို​ခေါ်ဆောင်​သွား​ကာ ဘုရားသခင်​အထံ​တော်၊ ကောင်းကင်​ထက်​မှ​ဆင်းသက်လာ​သည့် သန့်ရှင်း​သော​ဂျေရုဆလင်​မြို့​ကို ငါ့​အား​ပြ​လေ​၏။ ထို​မြို့​သည် ဘုရားသခင်​၏​ဘုန်း​အသရေ​တော်​နှင့်​ပြည့်စုံ​၍ ၎င်း​၏​အလင်းရောင်​သည် ကျောက်မျက်​ရတနာ​နှင့်​တူ​ပြီး ကျောက်​သလင်း​သဖွယ်​ကြည်လင်​သော နဂါးသွဲ့​ကျောက်​ကဲ့သို့​ဖြစ်​၏။ ထို​မြို့​တွင် ကြီးမား​၍​မြင့်​လှ​သော​မြို့ရိုး​ရှိ​လျက် တံခါး​တစ်ဆယ့်နှစ်​ပေါက်​ရှိ​၏။ တံခါး​များ​တွင် ကောင်းကင်​တမန်​တစ်ဆယ့်နှစ်​ပါး​ရှိ​၍ ထို​တံခါး​များ​ပေါ်၌ အစ္စရေး​အမျိုးသား​တို့​၏​မျိုးနွယ်စု​တစ်ဆယ့်နှစ်​နွယ်​တို့​၏​အမည်​နာမ​များ​ကို ရေးထိုး​ထား​၏။ အရှေ့​ဘက်​တွင် တံခါး​သုံး​ပေါက်၊ မြောက်​ဘက်​တွင် တံခါး​သုံး​ပေါက်၊ တောင်​ဘက်​တွင် တံခါး​သုံး​ပေါက်၊ အနောက်​ဘက်​တွင် တံခါး​သုံး​ပေါက်​ရှိ​၏။ မြို့ရိုး​တွင် အုတ်မြစ်​တစ်ဆယ့်နှစ်​ခု​ရှိ​၍ ၎င်း​တို့​ပေါ်၌ သိုးသငယ်​တော်​၏​တမန်တော်​တစ်ဆယ့်နှစ်​ပါး​တို့​၏​အမည်​တစ်ဆယ့်နှစ်​ခု​ကို​ရေး​ထား​၏။ ငါ​နှင့်​စကား​ပြော​သော​ကောင်းကင်​တမန်​၌ ထို​မြို့​ကို​လည်းကောင်း၊ မြို့​၏​တံခါး​နှင့်​မြို့ရိုး​တို့​ကို​လည်းကောင်း တိုင်း​ရန် တိုင်း​စရာ​ရွှေ​ကျူရိုး​ရှိ​၏။ ထို​မြို့​သည် စတုရန်း​ပုံ​ရှိ​၍ ၎င်း​၏​အလျား​နှင့်​အနံ​သည် တူညီ​၏။ ကောင်းကင်​တမန်​သည် ရွှေ​ကျူရိုး​ဖြင့် မြို့​ကို​တိုင်း​လေ​ရာ မိုင်ပေါင်း​တစ်ထောင့်သုံးရာရှစ်ဆယ်​ခန့် ရှိ​၍ ၎င်း​၏​အလျား၊ အနံ၊ အမြင့်​တို့​သည် တူညီ​ကြ​၏။ မြို့ရိုး​ထု​ကို​လည်း​တိုင်း​လေ​ရာ ကောင်းကင်​တမန်​၏​အတိုင်းအတာ​လည်း​ဖြစ်​သော လူ​၏​အတိုင်းအတာ​အားဖြင့် အတောင် တစ်ရာ​လေးဆယ့်​လေး​တောင်​ရှိ​၏။ ထို​မြို့ရိုး​ကို နဂါးသွဲ့​ကျောက်​ဖြင့် တည်ဆောက်​ထား​၍ မြို့​သည် ကြည်လင်​သော​ဖန်သား​နှင့်​တူ​သည့် ရွှေ​စင်​ဖြစ်​၏။ မြို့ရိုး​၏​အုတ်မြစ်​တို့​ကို ကျောက်မျက်​ရတနာ​အမျိုးမျိုး​ဖြင့် တန်ဆာဆင်​ထား​၏။ ပထမ​အုတ်မြစ်​မှာ နဂါးသွဲ့၊ ဒုတိယ​မှာ နီလာ၊ တတိယ​မှာ မဟူရာ၊ စတုတ္ထ​မှာ မြ၊ ပဉ္စမ​မှာ ကြောင်၊ ဆဋ္ဌမ​မှာ ပတ္တမြား၊ သတ္တမ​မှာ သလင်းဝါ၊ အဋ္ဌမ​မှာ မျက်ရွဲ၊ နဝမ​မှာ ဥဿဖရား၊ ဒသမ​မှာ မဟူရာစိမ်း၊ ဧကဒသမ​မှာ နီလာသွေး၊ ဒွါဒသမ​မှာ နီလာခရမ်း​ဖြစ်​၏။ မြို့​တံခါး​တစ်ဆယ့်နှစ်​ပေါက်​တို့​သည် ပုလဲ​တစ်ဆယ့်နှစ်​လုံး​ဖြစ်​ကြ​ပြီး တံခါး​တစ်​ပေါက်​လျှင် ပုလဲ​တစ်​လုံး​စီ​ဖြင့်​ပြုလုပ်​ထား​၏။ မြို့​၏​လမ်းမ​သည်​လည်း ထုတ်ချင်းခတ်​မြင်​နိုင်​သော​ဖန်သား​နှင့်​တူ​သည့် ရွှေ​စင်​ဖြစ်​၏။