သုတ္တံကျမ်း 25:1-14

ဤ​စကား​တို့​သည်​လည်း ယုဒ​ရှင်ဘုရင်​ဟေဇကိ​၏​လူ​တို့ ကူးရေး​ထား​သော ရှောလမုန်​၏ သုတ္တံ​စကား​များ​ဖြစ်​ကြ​၏​။ ဘုရားသခင်​၏​ဘုန်းအသရေ​ကား အမှုကိစ္စ​ကို​ဝှက်ထား​ခြင်း​ဖြစ်​၏​။ ရှင်ဘုရင်​တို့​၏​ဘုန်းအသရေ​ကား အမှုကိစ္စ​ကို​စူးစမ်း​ခြင်း​ဖြစ်​၏​။ မိုးကောင်းကင်​၏​အမြင့်​နှင့်​မြေကြီး​၏​အနက်​ကို စူးစမ်း​၍​မ​ရ​သကဲ့သို့ ရှင်ဘုရင်​တို့​၏​စိတ်နှလုံး​ကို စူးစမ်း​၍​မ​ရ​နိုင်​။ ငွေ​ထဲမှ ချော်​ကို​ဖယ်ထုတ်​လျှင် ပန်းထိမ်သမား​အတွက် အသုံးအဆောင်​ပစ္စည်း​ထွက်လာ​မည်​။ ရှင်ဘုရင်​၏​ရှေ့မှောက်​မှ ဆိုးယုတ်​သော​သူ​ကို​ဖယ်ထုတ်​လျှင် သူ​၏​ရာဇပလ္လင်​သည် ဖြောင့်မတ်​ခြင်း​၌ တည်မြဲ​လိမ့်မည်​။ ရှင်ဘုရင်​၏​ရှေ့မှောက်​၌ သင့်ကိုယ်သင် အမွှမ်း​မ​တင်​နှင့်​။ ကြီးမြတ်​သော​သူ​တို့​၏​နေရာ​၌​လည်း မ​ရပ်​နှင့်​။ အကြောင်းမူကား မြင့်မြတ်​သော​သူ​၏​ရှေ့​တွင် နှိမ့်ချ​ခြင်း​ခံရ​သည်​ထက် “​ဤ​နေရာ​သို့​တက်လာ​ပါ​”​ဟု ဖိတ်ခေါ်​ခြင်း​ခံရ​သည်​က ပို၍​ကောင်း​၏​။ သင့်​မျက်စိ​ဖြင့်​တွေ့မြင်​သော​အရာ​ကို အလျင်စလို​သွား​၍ မ​တိုင်တန်း​နှင့်​။ နောက်ဆုံး​၌ သင်​၏​အိမ်နီးချင်း​သည် သင့်​ကို​အရှက်ရ​စေ​လျှင် သင်​မည်သို့​ပြု​မည်နည်း​။ သင်​၏​အမှုကိစ္စ​ကို သင်​၏​အိမ်နီးချင်း​နှင့် ရင်ဆိုင်ဖြေရှင်း​လော့​။ အခြား​သော​သူ​၏​လျှို့ဝှက်ချက်​ကို​လည်း မ​ဖော်ပြ​နှင့်​။ ဖော်ပြလျှင် ကြား​သော​သူ​သည် သင့်​ကို​အရှက်ခွဲ​သဖြင့် သင်​၏​မကောင်းသတင်း​သည် မည်သည့်​အခါ​မျှ ပျောက်ကွယ်​သွား​မည်​မ​ဟုတ်​။ သင့်လျော်​သော​အချိန်​၌ ပြောဆို​သော​စကား​သည် အပြောက်အမွမ်းခြယ်မှုန်း​ထား​သော​ငွေထည်​ပေါ်မှ ရွှေ​ပန်းသီး​များ​နှင့်​တူ​၏​။ ပညာရှိ​၏​အဆုံးအမ​သည် နားထောင်​တတ်​သော​သူ​၏​နား​အတွက် ရွှေ​နားကွင်း​၊ သို့မဟုတ် ရွှေစင်​ဖြင့်​ပြုလုပ်​ထား​သော​အဆင်တန်ဆာ​ဖြစ်​၏​။ သစ္စာရှိ​သော​စေတမန်​သည် သူ့​ကို​စေလွှတ်​သော​သူ​အတွက် ရိတ်သိမ်း​ရာ​ကာလ​၌​ကျ​သော အေးမြ​သည့်​နှင်းပွင့်​ကဲ့သို့​ဖြစ်၍ သူ့​သခင်​တို့​၏​စိတ်ဝိညာဉ်​ကို လန်းဆန်း​စေ​တတ်​၏​။ လက်ဆောင်​မပေး​ဘဲ ပေး​သည်​ဟု ဝါကြွား​သော​သူ​သည် မိုးရေ​မ​ပါ​သော မိုးတိမ်​များ​နှင့်​လေ​ကဲ့သို့​ဖြစ်​၏​။