ဖိလေမုန်ဩဝါဒစာ 1:8-21

ထို့ကြောင့် ငါ​သည် သင်​ပြုသင့်​သည့်​အရာ​ကို​ပြု​ရန် အမိန့်​ပေး​နိုင်​သည်​ဟု ခရစ်တော်​အားဖြင့် ယုံကြည်​စိတ်ချ​မှု​အပြည့်အဝ​ရှိ​သော်လည်း ချစ်​ခြင်း​မေတ္တာ​အားဖြင့် သင့်​အား တောင်းပန်​ခြင်း​အမှု​ကို​သာ​ပြု​ပါ​၏။ ဤသို့ အိုမင်း​သူ​ဖြစ်​ပြီး ယခု​မူကား ခရစ်တော်​ယေရှု​နှင့်ဆိုင်သော​အကျဉ်းသား​လည်း​ဖြစ်​သည့် ငါ​ပေါလု​သည် အချုပ်အနှောင်​ခံရ​စဉ် ငါ့​သား​ဖြစ်လာ​သော​ဩနေသိမ်​အတွက် သင့်​ကို​တောင်းပန်​ပါ​၏။ သူ​သည် ယခင်​က သင့်​အတွက် အသုံး​မ​ဝင်​သူ​ဖြစ်​ခဲ့​သော်လည်း ယခု​မူကား သင့်​အတွက်​ရော ငါ့​အတွက်​ပါ အသုံးဝင်​သူ​ဖြစ်​လာ​၏။ သူ့​ကို သင့်​ထံသို့ ငါ​ပြန်​ပို့​လိုက်​၏။ သူ​သည် ငါ​၏​အသည်းနှလုံး​ဖြစ်​၏။ ငါ​သည် ကောင်းမြတ်​သော​သတင်း​အတွက် အချုပ်အနှောင်​ခံရ​စဉ် သင့်​ကိုယ်စား ငါ့​ကို​ကူညီ​ဆောင်ရွက်​ပေး​နိုင်​ရန် သူ့​ကို ငါ့​ထံ၌ ခေါ်​ထား​လို​ပါ​၏။ သို့သော် သင်​ပြု​သော​ကောင်းမှု​သည် မလွှဲမရှောင်​သာ၍​ပြု​ရ​ခြင်း​မျိုး​မ​ဟုတ်​ဘဲ မိမိ​ဆန္ဒ​အလျောက်​ဖြစ်​စေရန် သင်​၏​သဘော​တူညီ​ချက်​မ​ပါ​လျှင် မည်သည့်​အရာ​ကို​မျှ ငါ​မ​ပြု​လို​ပါ။ သူ​သည် သင်​နှင့် ခေတ္တ​ခဏ​ကွဲကွာ​ခဲ့​ခြင်း​မှာ သင်​သည် သူ့​ကို ထာဝစဉ်​ရရှိ​နိုင်​ရန်​အတွက် ဖြစ်ကောင်းဖြစ်​လိမ့်မည်။ ထိုသို့ဆိုရာ၌ ကျွန်​တစ်​ဦး​ကဲ့သို့​မ​ဟုတ်​တော့​ဘဲ ကျွန်​ထက် ပို၍​မြတ်​သည့် ချစ်​သော​ညီအစ်ကို​အဖြစ် ရရှိ​ခြင်း​ကို​ဆိုလို​၏။ အထူးသဖြင့် ငါ့​အတွက် ထိုသို့​ဖြစ်​လေ​ပြီ။ သင့်​အတွက်​မူကား သွေးသား​၌​လည်းကောင်း၊ သခင်​ဘုရား​၌​လည်းကောင်း မည်မျှ​ပို၍ ထိုကဲ့သို့​ဖြစ်​လိမ့်မည်​နည်း။ သို့ဖြစ်၍ သင်​သည် ငါ့​ကို လုပ်ဖော်ဆောင်ဖက်​အဖြစ်​မှတ်ယူ​လျှင် ငါ့​ကို​လက်ခံ​သကဲ့သို့ သူ့​ကို​လက်ခံ​ပါ​လော့။ အကယ်၍ သူ​သည် သင့်​အပေါ်၌ ပြစ်မှား​ခြင်း၊ အကြွေး​တင်​ခြင်း တစ်စုံတစ်ခု​ရှိ​လျှင် ထို​အရာ​ကို ငါ့​တာဝန်​ထား​လော့။ ငါ​ပေါလု​သည် ပြန်လည်​ပေးဆပ်​ပါ​မည်​ဟု ငါ့​လက်​ဖြင့်​ရေး​လိုက်​ပါ​၏။ သင်​ကိုယ်တိုင်​လည်း ငါ့​အား အကြွေး​တင်​နေ​ကြောင်း​ကို ငါ​မ​ပြော​လို​ပါ။ ဟုတ်​ပေ​၏။ ငါ့​ညီ၊ ငါ​သည် သခင်​ဘုရား​၌ သင့်​ထံမှ အကျိုးကျေးဇူး​ကို​ရရှိ​လို​ပါ​၏။ ခရစ်တော်​အားဖြင့် ငါ​၏​စိတ်နှလုံး​ကို ငြိမ်သက်​ချမ်းသာ​စေ​ပါ​လော့။ သင်​၏​နာခံ​ခြင်း​ကို ယုံကြည်​စိတ်ချ​၍ ငါ​ပြော​သော​အရာ​ထက်​ပင် သင်​ပို၍​ပြု​မည်​ကို သိ​လျက် သင့်​ထံသို့ ငါ​စာ​ရေး​လိုက်​ပါ​၏။