တောလည်ရာကျမ်း 26:52-65
တောလည်ရာကျမ်း 26:52-65 MSBZ
တစ်ဖန် ထာဝရဘုရားက မောရှေအား “ဤပြည်ကို အမွေအဖြစ် ဤသူတို့အား အမည်စာရင်းအလိုက် ခွဲဝေပေးရမည်။ လူဦးရေများလျှင် များသည့်အတိုင်း အမွေခွဲဝေပေးရမည်။ လူဦးရေနည်းလျှင် နည်းသည့်အတိုင်း အမွေခွဲဝေပေးရမည်။ အမျိုးအနွယ်အသီးသီးတို့ကို သူတို့၏အရေအတွက်နှင့်အညီ အမွေခွဲဝေပေးရမည်။ ထိုပြည်ကို မဲချ၍ ခွဲဝေပေးရမည်။ သူတို့သည် ဘိုးဘေးတို့၏အမျိုးအနွယ်အမည်အလိုက် အမွေဆက်ခံရမည်။ မဲကျသည့်အတိုင်း အနည်း၊ အများအလိုက် အမွေခွဲဝေပေးရမည်”ဟု မိန့်တော်မူ၏။ မျိုးနွယ်စုအလိုက် လေဝိအမျိုးစာရင်းဝင်သောသူတို့ကား ဂေရရှုန်မှဆင်းသက်သော ဂေရရှုန်မျိုးနွယ်စု၊ ကောဟတ်မှဆင်းသက်သော ကောဟတ်မျိုးနွယ်စု၊ မေရာရိမှဆင်းသက်သော မေရာရိမျိုးနွယ်စု တို့ဖြစ်ကြ၏။ လေဝိမျိုးနွယ်စုများကား လိဗနိမျိုးနွယ်စု၊ ဟေဗြုန်မျိုးနွယ်စု၊ မဟာလိမျိုးနွယ်စု၊ မုရှိမျိုးနွယ်စု၊ ကောရမျိုးနွယ်စု တို့ဖြစ်ကြ၏။ ကောဟတ်သည် အာမရံ၏ဖခင် ဖြစ်၏။ အာမရံမယား၏အမည်မှာ ယောခေဗက် ဖြစ်၏။ အီဂျစ်ပြည်၌ လေဝိမယားမွေးဖွားသော လေဝိသမီးဖြစ်၏။ ယောခေဗက်သည် အာမရံအားဖြင့် အာရုန်၊ မောရှေနှင့် သူတို့၏အစ်မမိရိအံ တို့ကို မွေးဖွား၏။ အာရုန်သည် သား နာဒပ်၊ အဘိဟု၊ ဧလာဇာ၊ ဣသမာ တို့ကို ရ၏။ နာဒပ်နှင့် အဘိဟုသည် မိန့်မှာထားတော်မူသောမီးမဟုတ်သည့်အခြားသောမီးကို ထာဝရဘုရားရှေ့တော်၌ ပူဇော်သဖြင့် သေဆုံးသွားကြ၏။ လေဝိအမျိုးတွင် တစ်လသားအရွယ်နှင့်အထက်ရှိ ယောက်ျားအားလုံးတို့၏အရေအတွက်မှာ နှစ်သောင်းသုံးထောင် ရှိ၏။ သူတို့သည် အစ္စရေးအမျိုးသားတို့နှင့်အတူ အမွေမခံရသဖြင့် သူတို့ကို အစ္စရေးအမျိုးသားတို့နှင့်အတူ မရေတွက်ပေ။ ဤသည်ကား ဂျေရိခေါမြို့တစ်ဖက်၊ ဂျော်ဒန်မြစ်အနီး၊ မောဘလွင်ပြင်၌ မောရှေနှင့် ယဇ်ပုရောဟိတ်ဧလာဇာက အစ္စရေးအမျိုးသားတို့ကို ရေတွက်ခဲ့သောအရေအတွက် ဖြစ်၏။ ဤသူတို့ထဲတွင် သိနာတောကန္တာရ၌ မောရှေနှင့်ယဇ်ပုရောဟိတ်အာရုန်တို့ ရေတွက်ခဲ့သည့်အစ္စရေးအမျိုးသားတို့၏အရေအတွက်တစ်ယောက်မျှ မပါဝင်ချေ။ “ထိုသူတို့သည် တောကန္တာရ၌ မုချသေရမည်”ဟု ထာဝရဘုရား မိန့်တော်မူခဲ့သောကြောင့် ထိုသူတို့တွင် ယေဖုန္နာသား ကာလက်နှင့် နုန်၏သား ယောရှုတို့မှလွဲ၍ မည်သူမျှ မကျန်ရစ်ပေ။