ယောဘဝတ္ထု 42:7-10

ဤသို့ ထာဝရဘုရား​သည် ယောဘ​နှင့်​စကား​ပြောဆို​ပြီးမှ ထာဝရဘုရား​က တေမန်​အမျိုးသား ဧလိဖတ်​အား “သင်​နှင့်​သင့်​မိတ်ဆွေ​နှစ်​ဦး​တို့​သည် ငါ့​အစေအပါး​ယောဘ​ကဲ့သို့ ငါ့​အကြောင်း​ကို မှန်မှန်ကန်ကန်​မ​ပြော​သောကြောင့် သင်​တို့​ကို ငါ​အမျက်ထွက်​၏​။ ထို့ကြောင့် နွားထီး​ခုနစ်​ကောင်​၊ သိုးထီး​ခုနစ်​ကောင်​ကို​ယူ​၍ ငါ့​အစေအပါး​ယောဘ​ဆီ​သွား​ပြီး မီးရှို့ရာယဇ်​ကို ပူဇော်​ကြ​လော့​။ ငါ့​အစေအပါး​ယောဘ​သည် သင်​တို့​အဖို့ ဆုတောင်း​ပေး​လိမ့်မည်​။ သင်​တို့​သည် ငါ့​အကြောင်း​ကို ယောဘ​ကဲ့သို့ မှန်မှန်ကန်ကန်​မ​ပြော​သောကြောင့် သင်​တို့​မိုက်မဲ​ခဲ့​သည့်​အတိုင်း သင်​တို့​ကို​မ​စီရင်​မည့်​အကြောင်း သူ​ဆုတောင်း​ပေး​လျှင် သူ့​မျက်နှာ​ကို​ထောက်​ပြီး ငါ​လက်ခံ​မည်​”​ဟု မိန့်​တော်မူ​၏​။ ထိုအခါ တေမန်​အမျိုးသား ဧလိဖတ်​၊ ရှုအာ​အမျိုးသား ဗိလဒဒ်​၊ နေမတ်​အမျိုးသား​ဇောဖာ​တို့​သည် ထာဝရဘုရား​မိန့်​တော်မူ​သည့်​အတိုင်း သွား​၍​ပြု​ကြ​၏​။ ထာဝရဘုရား​သည်​လည်း ယောဘ​၏​မျက်နှာ​ကို​ထောက်​၍ လက်ခံ​တော်မူ​၏​။ မိတ်ဆွေ​များ​အတွက် ယောဘ​ဆုတောင်း​ပေး​ပြီး​နောက်တွင် ထာဝရဘုရား​သည် ယောဘ​ဆုံးရှုံး​ခဲ့​ရ​သော​ဥစ္စာ​တို့​ကို ပြန်ပေး​တော်မူ​၏​။ ထာဝရဘုရား​သည် ယောဘ​အား သူ​ပိုင်ဆိုင်​ခဲ့​သမျှ​၏​နှစ်ဆ​ကို ပြန်ပေး​တော်မူ​၏​။