ဟေဗြဲဩဝါဒစာ 7:11-28

လူ​တို့​သည် လေဝိ​အနွယ်​နှင့်ဆိုင်သည့် ယဇ်ပုရောဟိတ်​အရိုက်အရာ​အပေါ်တွင် အခြေခံ​ပြီး ပညတ်​တရား​ကို​ရရှိ​ကြ​သည်​ဖြစ်၍ ၎င်း​အားဖြင့် စုံလင်​ခြင်း​သို့​ရောက်​ခဲ့​လျှင် အာရုန်​နှင့်​အလားတူ​မ​ဟုတ်​ဘဲ မေလခိဇေဒက်​နှင့်​အလားတူ​သည့် အခြား​သော​ယဇ်ပုရောဟိတ်​ပေါ်ထွန်း​ရန် အဘယ်ကြောင့်​လိုအပ်​သေး​သနည်း။ ယဇ်ပုရောဟိတ်​အရိုက်အရာ​၌ ပြောင်းလဲ​ခြင်း​ရှိ​လျှင် ပညတ်​တရား​၌​လည်း ပြောင်းလဲ​ခြင်း​ရှိ​ရန်​လိုအပ်​၏။ အကြောင်းမူကား အထက်​ပါ​အကြောင်းအရာ​များ​က ရည်ညွှန်း​ထား​သော​အရှင်​သည် ယဇ်ပလ္လင်​အမှု​ကို​မ​ဆောင်ရွက်​ဖူး​သော​အခြား​မျိုးနွယ်စု​နှင့်​စပ်ဆိုင်​၏။ ငါ​တို့​၏​သခင်​သည် ယုဒ​အနွယ်​မှ​ပေါ်ထွန်း​တော်မူ​ကြောင်း သိသာ​ထင်ရှား​၏။ မောရှေ​သည် ထို​အနွယ်​နှင့်​ပတ်သက်၍ ယဇ်ပုရောဟိတ်​နှင့်​စပ်ဆိုင်​သည့်​အရာ​တစ်စုံတစ်ခု​ကို​မျှ မ​ပြောဆို​ခဲ့​ပေ။ ထို့ပြင် မေလခိဇေဒက်​နှင့်​တူ​သော အခြား​ယဇ်ပုရောဟိတ်​တစ်​ပါး​ပေါ်ထွန်း​သည်​ဆို​လျှင် ဤ​အကြောင်းအရာ​သည် ပို၍​သိသာ​ထင်ရှား​၏။ ထို​အရှင်​သည် သွေးသား​ဇာတိ​နှင့်ဆိုင်သော​ညွှန်ကြား​ချက်​ဖြစ်​သည့် ပညတ်​တရား​အားဖြင့်​မ​ဟုတ်​ဘဲ မ​ပျက်စီး​နိုင်​သော​အသက်​နှင့်ဆိုင်သည့်​တန်ခိုး​တော်​အားဖြင့် ထာဝရ​ယဇ်ပုရောဟိတ်​ဖြစ်လာ​၏။ အကြောင်းမူကား “သင်​သည် မေလခိဇေဒက်​နှင့်​အလားတူ​သော ထာဝရ​ယဇ်ပုရောဟိတ်​ဖြစ်​၏”​ဟု သက်သေခံ​ထား​၏။ ယခင်​ပညတ်​ချက်​သည် အားနည်း​၍ အကျိုး​မ​ပေး​နိုင်​သောကြောင့် ပယ်ဖျက်​ခြင်း​ခံရ​၏။ အဘယ်ကြောင့်ဆိုသော် ပညတ်​တရား​သည် မည်သည့်​အရာ​ကို​မျှ မ​စုံလင်​စေ​ခဲ့​ချေ။ သို့သော် ယခု​အခါ သာ၍​မြတ်​သော​မျှော်လင့်​ခြင်း​ရောက်ရှိ​လာ​သဖြင့် ငါ​တို့​သည် ထို​မျှော်လင့်​ခြင်း​အားဖြင့် ဘုရားသခင်​ထံ​တော်​သို့​ချဉ်းကပ်​ကြ​၏။ ထိုမျှမက ဤ​အမှုအရာ​သည် ကတိ​သစ္စာ​ပြု​ခြင်း​မ​ပါ​ဘဲ​ဖြစ်လာ​သည်​မ​ဟုတ်။ အကြောင်းမူကား အခြား​သော​ယဇ်ပုရောဟိတ်​တို့​သည် ကတိ​သစ္စာ​ပြု​ခြင်း​မ​ပါ​ဘဲ ယဇ်ပုရောဟိတ်​များ​ဖြစ်​လာ​ကြ​၏။ ကိုယ်တော်​မူကား “ ‘သင်​သည် ထာဝရ​ယဇ်ပုရောဟိတ်​ဖြစ်​၏’​ဟု ထာဝရ​ဘုရား​တိုင်တည်​၍​မိန့်​တော်မူ​သည်​ဖြစ်​သောကြောင့် စိတ်​တော်​ပြောင်းလဲ​မည်​မ​ဟုတ်”​ဟူ၍ ကတိ​သစ္စာ​ပြု​လျက် ကိုယ်တော်​အား​မိန့်​တော်မူ​သော​အရှင်​အားဖြင့် ယဇ်ပုရောဟိတ်​ဖြစ်လာ​၏။ ဤသို့ဖြင့် ယေရှု​သည် သာ၍​မြတ်​သော​ပဋိညာဉ်​၏​အာမခံ​ဖြစ်​တော်မူ​၏။ အခြား​သော​ယဇ်ပုရောဟိတ်​တို့​သည် သေ​ခြင်း​တရား​ကြောင့် တာဝန်​ကို​ဆက်လက်​၍​မ​ထမ်းဆောင်​နိုင်​ကြ​သဖြင့် များစွာ​သော​သူ​တို့​သည် ယဇ်ပုရောဟိတ်​ဖြစ်လာ​ကြ​၏။ ကိုယ်တော်​မူကား ကာလ​အစဉ်အဆက်​တည်​တော်မူ​သည်​ဖြစ်၍ မ​ပြောင်းလဲ​သော​ယဇ်ပုရောဟိတ်​အရိုက်အရာ​ကို ရရှိ​တော်မူ​၏။ ထို့ကြောင့် ကိုယ်တော်​သည် မိမိ​အားဖြင့် ဘုရားသခင်​ထံ​တော်​သို့​ချဉ်းကပ်​သော​သူ​တို့​ကို အပြည့်အဝ​ကယ်တင်​နိုင်​တော်မူ​၏။ အဘယ်ကြောင့်​ဆိုသော် ကိုယ်တော်​သည် သူ​တို့​အတွက် အသနားခံ​ပေး​ရန် အစဉ်အမြဲ​အသက်ရှင်​လျက်​ရှိ​တော်မူ​၏။ ထိုသို့​သန့်ရှင်း​၍ အပြစ်​နှင့်​ညစ်ညူး​ခြင်း​တို့​ကင်းစင်​လျက် အပြစ်သား​တို့​နှင့်​ခွဲခြား​ထား​ခြင်း​ခံရ​ကာ ကောင်းကင်​တို့​ထက် မြင့်မား​စွာ​ချီးမြှောက်​ခြင်း​ခံရ​သော ယဇ်ပုရောဟိတ်​မင်း​သည် ငါ​တို့​အတွက်​သင့်လျော်​ပေ​၏။ အခြား​သော​ယဇ်ပုရောဟိတ်​မင်း​တို့​သည် ဦးစွာ မိမိ​တို့​အပြစ်​များ​အတွက်၊ ထို့နောက် လူ​တို့​၏​အပြစ်​များ​အတွက် နေ့စဉ် ယဇ်​ပူဇော်​သကဲ့သို့ ကိုယ်တော်​သည် ယဇ်​ပူဇော်​ရန်​မ​လိုအပ်​ပေ။ အကြောင်းမူကား ကိုယ်တော်​သည် မိမိကိုယ်ကို​တစ်ကြိမ်တည်း​နှင့်​အပြီး​ပူဇော်​ခြင်း​ဖြင့် ဤ​အမှု​ကို​ပြု​တော်မူ​၏။ ပညတ်​တရား​သည် အားနည်း​သော​လူသား​တို့​ကို ယဇ်ပုရောဟိတ်​မင်း​အရာ​၌​ခန့်ထား​၏။ သို့သော် ပညတ်​တရား​နောက်၌​လာ​သော ကတိ​သစ္စာ​စကား​သည် ကာလ​အစဉ်အဆက်​ပြည့်စုံ​တော်မူ​သော​သား​တော်​ကို ခန့်ထား​၏။