ဧဇရမှတ်စာ 7:11-28

အစ္စရေး​လူမျိုး​တို့​အဖို့ ပြဋ္ဌာန်းချက်​များ​နှင့် ထာဝရဘုရား​မိန့်​တော်မူ​သော​ပညတ်တရား​များ​ကို ကောင်း​စွာ​သိနားလည်​သော​ကျမ်းပြုဆရာ ယဇ်ပုရောဟိတ်​ဧဇရ​အား အာတဇေရဇ်​မင်းကြီး ပေးလိုက်​သော​မိတ္တူ​စာ​တွင် “​ဘုရင်​တို့​၏​ဘုရင် အာတဇေရဇ်​မင်းကြီး​သည် ကောင်းကင်ဘုံရှင်​ဘုရားသခင်​၏​ပညတ်တရား​ကို ကောင်း​စွာ​သိနားလည်​သော​ကျမ်းပြုဆရာ ယဇ်ပုရောဟိတ်​ဧဇရ​အား နှုတ်ဆက်​လိုက်​ပါ​၏​။ ငါ့​နိုင်ငံ​အတွင်း​ရှိ အစ္စရေး​လူမျိုး​များ​ဖြစ်​သည့် ယဇ်ပုရောဟိတ်​အပါအဝင် လေဝိ​လူ​တို့​သည် ဂျေရုဆလင်​မြို့​သို့ ပြန်သွား​လို​သော် မည်သူမဆို သင်​နှင့်အတူ ပြန်လိုက်​နိုင်​ကြောင်း​ကို ငါ​အမိန့်​ထုတ်ပြန်​ပြီ​။ သင်​လက်စွဲ​ထား​သော သင့်​ဘုရားသခင်​၏​ပညတ်တရား​နှင့်​ပတ်သက်၍ ယုဒ​ပြည်သူ​၊ ဂျေရုဆလင်​မြို့သား​တို့​ကို စစ်ဆေး​ရန် ရှင်ဘုရင်​နှင့်​အကြံပေး​ပုဂ္ဂိုလ်​ခုနစ်​ဦး​တို့​သည် သင့်​ကို စေလွှတ်​၏​။ ဂျေရုဆလင်​မြို့​၌​ကိန်းဝပ်​တော်မူ​သော အစ္စရေး​လူမျိုး​တို့​၏​ဘုရားသခင်​အား ရှင်ဘုရင်​နှင့်​အကြံပေး​ပုဂ္ဂိုလ်​တို့ စေတနာစိတ်​ဖြင့် ပေးလှူ​လိုက်​သော​ရွှေ​ငွေ​များ​၊ ဘေဘီလုံ​နယ်​တစ်ဝန်းလုံး​မှ ပေးလှူ​ထောက်ပံ့​သော​ရွှေ​ငွေ​များ​၊ ဂျေရုဆလင်​မြို့​ရှိ​ဘုရားသခင်​၏​အိမ်​တော်​အဖို့ အစ္စရေး​လူမျိုး​နှင့် ယဇ်ပုရောဟိတ်​တို့ စေတနာစိတ်​ဖြင့်​ပေးလှူ​လိုက်​သော ရွှေ​ငွေ​များ​ကို​လည်း ယူဆောင်​သွား​လော့​။ ထို​ငွေ​တို့​ဖြင့် နွား​၊ သိုးထီး​၊ သိုးသငယ်​နှင့်တကွ ဘောဇဉ်ပူဇော်သက္ကာ​၊ သွန်းလောင်းရာပူဇော်သက္ကာ​တို့​ကို ချက်ချင်း​ဝယ်​၍ ဂျေရုဆလင်​မြို့​ရှိ သင်​တို့​၏​ဘုရားသခင်​အိမ်​တော်​ယဇ်ပလ္လင်​ပေါ်တွင် ပူဇော်​လော့​။ ကျန်ရှိ​မည့်​ရွှေ​ငွေ​တို့​ကို သင်​နှင့်​သင့်​ညီအစ်ကို​တို့ ကောင်း​မည်​ဟု​ထင်​သည့်​အတိုင်း သင်​တို့​၏​ဘုရားသခင်​အလို​တော်​နှင့်အညီ အသုံးပြု​နိုင်​၏​။ သင်​၌​အပ်ထား​သော သင်​၏​ဘုရားသခင်​အိမ်​တော်​ဝတ်ပြု​ခြင်း​ဆိုင်ရာ​အသုံးအဆောင်​များ​ကို​လည်း ဂျေရုဆလင်​မြို့​ရှိ ဘုရားသခင်​ထံ ပြန်လည်​ဆက်သ​လော့​။ သင်​၏​ဘုရားသခင်​အိမ်​တော်​အဖို့ အခြား​လိုအပ်​သည်​များ​ကို ပေး​ရ​မည်​ဆို​လျှင် ဘုရင့်​ဘဏ္ဍာတိုက်​မှ ထုတ်ယူ​ပေး​လော့​။ ယူဖရေးတီး​မြစ်​အနောက်ဘက်ကမ်း​ရှိ ဘဏ္ဍာစိုး​အပေါင်း​တို့​အား ငါ​အာတဇေရဇ်​မင်းကြီး အမိန့်​တော်​ထုတ်ပြန်​လိုက်​သည်​ကား သင်​တို့​အား ကောင်းကင်ဘုံရှင်​ဘုရားသခင်​၏​ပညတ်တရား​ကို ကောင်း​စွာ​သိနားလည်​သော​ကျမ်းပြုဆရာ ယဇ်ပုရောဟိတ်​ဧဇရ တောင်းဆို​လာ​သော​အရာ​ရှိသမျှ​ကို ချက်ချင်း​ဖြည့်ဆည်း​ပေး​ရ​မည်​။ ငွေ​တာလန် တစ်ရာ​၊ ဂျုံ​ကောရ တစ်ရာ​၊ စပျစ်ဝိုင် ဗတ်​တစ်ရာ​၊ ဆီ ဗတ်​တစ်ရာ​၊ ဆား​အလိုရှိ​သမျှ​တို့​ကို ဖြည့်ဆည်း​ပေး​ရ​မည်​။ ကောင်းကင်ဘုံရှင်​ဘုရားသခင်​၏​အိမ်​တော်​အဖို့ ကောင်းကင်ဘုံရှင်​ဘုရားသခင်​မိန့်မှာ​သည့်​အတိုင်း ကြိုးစား​လုပ်ဆောင်​ကြ​လော့​။ ရှင်ဘုရင်​၏​နိုင်ငံ​နှင့် သားမြေး​အပေါ် အဘယ်ကြောင့် အမျက်​တော်​ကျရောက်​စေ​ရ​မည်နည်း​။ ယဇ်ပုရောဟိတ်​၊ လေဝိ​သား​၊ သီချင်းသည်​၊ တံခါးစောင့်​၊ ဗိမာန်တော်​အစေအပါး​၊ ဘုရားသခင်​၏​အိမ်​တော်​၌​အမှုဆောင်​သူ စသည်​တို့​ထံမှ အခွန်​အကောက်​၊ ဆက်ကြေး ကောက်ခံ​ခွင့်​မ​ရှိ​ကြောင်း သိမှတ်​လော့​။ သင်​ဧဇရ​သည်​လည်း သင်​ခံယူ​ရရှိ​သော​ဘုရားသခင်​၏​ဉာဏ်ပညာ​တော်​နှင့်အညီ ယူဖရေးတီး​မြစ်​အနောက်ဘက်ကမ်း​ရှိ ဘုရားသခင်​၏​ပညတ်တရား​ကို သိနားလည်​သူ​အပေါင်း​တို့​အား စီရင်အုပ်ချုပ်​ရန် အုပ်ချုပ်​သူ​များ​နှင့် တရားသူကြီး​များ​ကို​ခန့်အပ်​ရ​မည်​။ ပညတ်တရား​မ​သိ​သော​သူ​တို့​ကို​လည်း သွန်သင်​ပေး​ရ​မည်​။ ဘုရားသခင်​၏​ပညတ်တရား​၊ ရှင်ဘုရင်​ထုတ်ပြန်​သော​ဥပဒေ​တို့​ကို မ​လိုက်နာ​သော​သူ မည်သူမဆို သေဒဏ်​၊ ပြည်နှင်ဒဏ်​၊ အိမ်ရာ​မြေ​သိမ်းယူ​ခြင်း​ဒဏ်​၊ ထောင်ဒဏ် စသည့်​ပြစ်ဒဏ်​တစ်ခုခု​ကို ချက်ချင်း​ကျ​ခံ​စေ​”​ဟု ပါရှိ​၏​။ ဧဇရ​က “ဂျေရုဆလင်​မြို့​ရှိ ထာဝရဘုရား​၏​အိမ်​တော်​အား ခန့်ညား​ထည်ဝါ​အောင် ပြု​ပေး​လို​သော​စိတ်​ကို ရှင်ဘုရင်​၌ ရှိ​စေ​တော်မူ​သော အကျွန်ုပ်​တို့​ဘိုးဘေး​တို့​၏​ဘုရားသခင်​ထာဝရဘုရား​သည် မင်္ဂလာရှိ​စေ​သတည်း​။ ကိုယ်တော်​သည် ရှင်ဘုရင်​နှင့်​အတိုင်ပင်ခံ​အမတ်​များ​ရှေ့​၊ အာဏာ​ရှိ​သော​ဘုရင့်​မှူးမတ်​များ​ရှေ့​တွင် ငါ့​အား မေတ္တာကရုဏာ​ကို ပြ​တော်မူ​၏​။ ငါ​၏​ဘုရားသခင်​သည် ငါ​နှင့်အတူ​ရှိ​တော်မူ​သည်​ဖြစ်၍ ငါ​သည် အားရှိ​လျက် ငါ​နှင့်အတူ​လိုက်​ရန် အစ္စရေး​ခေါင်းဆောင်​များ​ကို စုရုံး​နိုင်​ခဲ့​၏”​ဟု ဆို​၏​။