ဧဇရမှတ်စာ 10:1-12

ထိုသို့ ဧဇရ​သည် ဘုရားသခင်​၏​အိမ်​တော်​ရှေ့​တွင် မျက်ရည်ကျ​လျက် ပျပ်ဝပ်​၍ အပြစ်​ဝန်ချ​တောင်းပန်​နေစဉ် ယောက်ျား​၊ မိန်းမ​၊ ကလေးသူငယ်​များ​ပါမကျန် အစ္စရေး​လူအုပ်​ကြီး​သည် သူ့​ထံ​လာ​၍ အော်ဟစ်ငိုကြွေး​ကြ​လေ​၏​။ ထိုအခါ ဧလံ​သားမြေး​ဖြစ်​သော ယေဟေလ​၏​သား​ရှေခနိ​က ဧဇရ​အား “​အကျွန်ုပ်​တို့​သည် ဤ​ပြည်​ရှိ​တစ်ပါးအမျိုးသား မိန်းမပျို​တို့​နှင့်​စုံဖက်​ခြင်း​ဖြင့် အကျွန်ုပ်​တို့​၏​ဘုရားသခင်​ကို ပြစ်မှား​ကြ​ပါ​ပြီ​။ သို့သော်လည်း အစ္စရေး​လူမျိုး​တို့​အဖို့ မျှော်လင့်စရာ​ရှိ​ပါ​သေး​၏​။ ယခု အကျွန်ုပ်​တို့​သည် အကျွန်ုပ်​တို့​၏​ဘုရားသခင်​နှင့် ပဋိညာဉ်​ပြု​ကြ​ကုန်​စို့​။ အကျွန်ုပ်​၏​အရှင်သခင်​နှင့် အကျွန်ုပ်​တို့​ဘုရားသခင်​၏​ပညတ်တော်​ကို ရိုသေခန့်ညား​သော​သူ​တို့​၏​အကြံပေးချက်​အတိုင်း အကျွန်ုပ်​တို့​သည် ထို​မိန်းမ​များ​နှင့်တကွ သူ​တို့​နှင့်​ရ​သော​ကလေး​များ​ကို စွန့်​၍ ပညတ်တရား​တော်​နှင့်အညီ ပြုကျင့်​ကြ​ပါ​မည်​။ သို့ဖြစ်၍ ထ​ပါ​။ ဤ​အမှု​ကို ဦးဆောင်​ပါ​။ အကျွန်ုပ်​တို့​သည် သင်​နှင့်အတူ ပါရှိ​မည်​ဖြစ်​၍ ရဲရင့်​စွာ​လုပ်ဆောင်​ပါ​”​ဟု ဆို​ကြ​သဖြင့် ဧဇရ​သည် ထ​၍ ယဇ်ပုရောဟိတ်​အကြီးအကဲ​များ​၊ လေဝိ​လူ​များ​နှင့် အစ္စရေး​လူအုပ်​တို့​အား ထို​စကား​အတိုင်း​ပြု​ရန် ကျိန်ဆို​စေ​သောအခါ သူ​တို့​လည်း ကျိန်ဆို​ကြ​၏​။ ထို့နောက် ဧဇရ​သည် ဘုရားသခင်​၏​အိမ်​တော်​ရှေ့​မှ ဧလျာရှိပ်​၏​သား​ယေဟောဟနန်​အခန်း​သို့ ထ​သွား​၍ ထို​နေရာ​တွင် ဖမ်းခေါ်​သွား​ခြင်း​ခံရ​ရာ​မှ​ပြန်လာ​သော​သူ​တို့​၏​ဖောက်ပြန်မှားယွင်းမှု​ကြောင့် ငိုကြွေးမြည်တမ်း​လျက် အစာ​မ​စား​၊ ရေ​မ​သောက်​ဘဲ​နေ​၏​။ ထို့နောက် သုံ့ပန်း​သားမြေး​အားလုံး ဂျေရုဆလင်​မြို့​၌​စုဝေး​ရ​မည်​၊ သုံး​ရက်​အတွင်း မ​ရောက်လာ​သော​သူ​အား အကြီးအကဲ​များ​နှင့် သက်ကြီးဝါကြီး​များ​၏​အကြံပေးချက်​အတိုင်း သူ​၏​ဥစ္စာ​ရှိသမျှ​ကို သိမ်းယူ​ပြီး သုံ့ပန်း​သားမြေး​အဖွဲ့​ထဲမှ ခွဲထုတ်​ခံရ​မည်​ဟု ဂျေရုဆလင်​မြို့​မှစ၍ ယုဒ​ပြည်​တစ်ပြည်လုံး​သို့ လိုက်လံကြေညာ​၏​။ ယုဒ​နှင့် ဗင်္ယာမိန်​အမျိုး ယောက်ျား​အပေါင်း​တို့​သည်​လည်း သုံး​ရက်​အတွင်း ဂျေရုဆလင်​မြို့​သို့ စုရုံး​ရောက်ရှိ​လာ​ကြ​၏​။ နဝမ​လ​၊ နှစ်ဆယ်​ရက်​နေ့​တွင် လူ​အပေါင်း​တို့​သည် ဤ​အမှု​များ​ကြောင့်​လည်းကောင်း ၊ မိုး​လည်း သည်းထန်​စွာ​ရွာ​နေ​သောကြောင့်​လည်းကောင်း ဘုရားသခင်​၏​အိမ်​တော်​ကွင်းပြင်​တွင် တုန်ရီ​စွာ​ဖြင့် ထိုင်​နေ​ကြ​၏​။ ထိုအခါ ယဇ်ပုရောဟိတ်​ဧဇရ​က ထ​၍ သူ​တို့​အား “​သင်​တို့​သည် သစ္စာမဲ့​ကြ​ပြီ​။ တစ်ပါးအမျိုးသား​မိန်းမပျို​တို့​နှင့် စုံဖက်​ပြီး အစ္စရေး​လူမျိုး​တွင် အပြစ်​များသည်ထက်များ​အောင် ပြု​ကြ​ပြီ​။ ယခုမှာ သင်​တို့​ဘိုးဘေး​တို့​၏​ဘုရားသခင်​ထာဝရဘုရား​ထံ ဝန်ချတောင်းပန်​၍ အလို​တော်​ကို ဆောင်​ကြ​လော့​။ ဤ​ပြည်သူပြည်သား​တို့​နှင့်​လည်းကောင်း​၊ တစ်ပါးအမျိုးသား​မိန်းမ​တို့​နှင့်​လည်းကောင်း ခွဲ​နေ​ကြ​လော့​”​ဟု ဆို​၏​။ လူထု​တစ်ရပ်လုံး​က​လည်း ကျယ်လောင်​သော​အသံ​ဖြင့် “​မှန်​ပါ​၏​။ အကျွန်ုပ်​တို့​သည် အရှင့်​စကား​အတိုင်း ပြု​ပါ​မည်​။