ဧသတာဝတ္ထု 4:12-17

ဧသတာ​ပြော​သော​စကား​တို့​ကို မော်ဒကဲ​အား ပြန်​ပြောပြ​သောအခါ မော်ဒကဲ​က ဧသတာ​အား “​ဂျူး​လူမျိုး​အပေါင်း​တို့ မ​လွတ်မြောက်​လျှင် ဘုရင့်​နန်းတော်​ထဲ၌ နေ​သော​သင်​သည်​လည်း လွတ်မြောက်​မည်​ဟု မ​ထင်​နှင့်​။ ဤ​အချိန်​တွင် သင်​နှုတ်ဆိတ်​နေ​မည်​ဆိုပါက ဂျူး​လူမျိုး​တို့​ကို လွတ်မြောက်​အောင် ကယ်တင်​ပေး​မည့်​သူ​သည် အခြား​တစ်နေရာ​မှ​ပေါ်လာ​လိမ့်မည်​။ သင်​နှင့်​သင့်​ဖခင်​အမျိုးအနွယ်​မူကား ပျက်စီး​ရ​လိမ့်မည်​။ ဤ​အချိန်​ကာလ​အတွက် သင်​သည် မိဖုရား​ဖြစ်လာ​ခဲ့​သလော​ဟု အဘယ်သူ သိ​နိုင်​မည်နည်း​”​ဟု မှာကြား​လိုက်​၏​။ ဧသတာ​က​လည်း မော်ဒကဲ​အား “​ရှုရှန်​မြို့​တွင် ရှိသမျှ​သော​ဂျူး​လူမျိုး​တို့​ကို သွား​၍​စုစည်း​ပြီး နေ့​ရော​ည​ပါ သုံး​ရက်​ပတ်လုံး မ​စား​မ​သောက်​ဘဲ အကျွန်ုပ်​အတွက် အစာရှောင်​ဆုတောင်း​ကြ​ပါ​။ အကျွန်ုပ်​နှင့် အစေခံ​မိန်းကလေး​များ​သည်​လည်း ထိုနည်းတူ အစာရှောင်​ဆုတောင်း​ကြ​ပါ​မည်​။ ထို့နောက် ဥပဒေ​နှင့်​ဆန့်ကျင်​သော်လည်း ရှင်ဘုရင်​ထံ​အခစား​ဝင်​မည်​။ သေ​ရ​မည်​ဆိုလျှင်​လည်း အသေ​ခံ​ပါ​မည်​”​ဟု ပြန်ပြော​လိုက်​၏​။ မော်ဒကဲ​သည်​လည်း ဧသတာ​မှာကြား​သမျှ​အတိုင်း သွား​၍​လုပ်ဆောင်​လေ​၏​။