တရားဟောရာကျမ်း 1:19-46

ထိုမှ ငါ​တို့​သည် ငါ​တို့​၏​ဘုရားသခင်​ထာဝရဘုရား​မိန့်​တော်မူ​သည့်​အတိုင်း ဟောရပ်​တောင်​မှ ခရီးပြု​၍ အာမောရိ​တောင်ပေါ်ဒေသ​လမ်း​တစ်လျှောက်​ရှိ သင်​တို့​မြင်​ရ​သည့် ကြောက်မက်​ဖွယ်​တောကန္တာရ​ကြီး​ကို​ဖြတ်​ကာ ကာဒေရှဗာနာ​အရပ်​သို့ ရောက်​ကြ​၏​။ ထိုအခါ ငါ​က သင်​တို့​အား ‘​ငါ​တို့​ဘုရားသခင်​ထာဝရဘုရား​ပေး​တော်မူ​သော အာမောရိ​တောင်ပေါ်ဒေသ​သို့ သင်​တို့​ရောက်​ကြ​ပြီ​။ သင်​တို့​၏​ဘုရားသခင်​ထာဝရဘုရား​သည် ထို​ပြည်​ကို သင်​တို့​ထံ အပ်​တော်မူ​ပြီ​။ သင်​တို့​ဘိုးဘေး​တို့​၏​ဘုရားသခင်​ထာဝရဘုရား​မိန့်​တော်မူ​သည့်​အတိုင်း သွား​၍​သိမ်းပိုက်​လော့​။ မ​ကြောက်​နှင့်​။ စိတ်​မ​ပျက်​နှင့်​’​ဟု ဆို​၏​။ ထိုအခါ သင်​တို့​အားလုံး ငါ့​ထံသို့​ချဉ်းကပ်​၍ ‘​အကျွန်ုပ်​တို့​အလျင် လူ​ကို​စေလွှတ်​၍ ထို​ပြည်​ကို စူးစမ်း​စေ​ပါ​။ သို့မှသာ ထို​သူ​တို့​သည် အကျွန်ုပ်​တို့​သွား​ရ​မည့်​လမ်း​၊ ရောက်​ရ​မည့်​မြို့​အကြောင်း​ကို အကျွန်ုပ်​တို့​အား ပြန်​ပြောပြ​နိုင်​ပါ​မည်​’​ဟု သင်​တို့ ဆို​ကြ​၏​။ ငါ​သည် ထို​စကား​ကို​နှစ်သက်​သဘောကျ​သဖြင့် သင်​တို့​ထဲမှ မျိုးနွယ်​တစ်​နွယ်​လျှင် တစ်​ယောက်​ကျ လူ​တစ်ဆယ့်နှစ်​ယောက်​ကို ရွေးယူ​၏​။ ထို​သူ​တို့​သည် တောင်ပေါ်ဒေသ​သို့ တက်သွား​ပြီး ဧရှကောလ​ချိုင့်ဝှမ်း​သို့​ရောက်​၍ ထို​ပြည်​ကို စူးစမ်း​ကြ​၏​။ သူ​တို့​သည် ထို​ပြည်​မှ​ယူလာ​သော​အသီး​အချို့​ကို ငါ​တို့​ထံသို့ ယူ​ဆောင်လာ​ပြီးလျှင် ‘​အကျွန်ုပ်​တို့​အား အကျွန်ုပ်​တို့​၏​ဘုရားသခင်​ထာဝရဘုရား​ပေး​တော်မူ​သော​ပြည်​သည် သာယာဝပြော​သော​ပြည်​ဖြစ်​ပါ​၏​’​ဟု အစီရင်ခံ​ကြ​၏​။ သို့သော် သင်​တို့​သည် မ​သွား​လို​သဖြင့် သင်​တို့​ဘုရားသခင်​ထာဝရဘုရား​၏​အမိန့်​တော်​ကို ဖီဆန်​ကြ​၏​။ သင်​တို့​သည် မိမိ​တို့​၏​တဲ​များ​၌ ညည်းတွား​ကြ​လျက် ‘​ထာဝရဘုရား​သည် ငါ​တို့​ကို​မုန်းတီး​သောကြောင့် အာမောရိ​လူမျိုး​တို့​၏​လက်​သို့​အပ်​ခြင်း​ဖြင့် ငါ​တို့​ကို ဖျက်ဆီး​ဖို့ အီဂျစ်​ပြည်​မှ​ထုတ်ဆောင်​တော်မူ​ပါ​သည်​တကား​။ ငါ​တို့​သည် မည်သည့်​အရပ်​သို့​သွား​နေ​ကြ​သနည်း​။ ညီအစ်ကို​တို့​က “ထို​ပြည်သား​တို့​သည် အကျွန်ုပ်​တို့​ထက်​ကိုယ်ခန္ဓာ​ကြီးမား​၍​အရပ်​မြင့်​ကြ​၏​။ မြို့​များ​သည်​လည်း ကြီးမား​၍ မြို့ရိုး​တို့​သည် မိုး​ထိ​မြင့်​၏​။ ထိုမျှမက အာနက​အမျိုး​တို့​ကို​လည်း ထို​နေရာ​၌ အကျွန်ုပ်​တို့​တွေ့မြင်​ရ​ပါ​၏”​ဟု ဆို​လျက် ငါ​တို့​ကို စိတ်ပျက်အားလျော့​စေ​ပြီ​’​ဟု ဆို​ကြ​၏​။ ငါ​သည် သင်​တို့​အား ‘​မ​ထိတ်လန့်​ကြ​နှင့်​။ ထို​သူ​တို့​ကို မ​ကြောက်​ကြ​နှင့်​။ သင်​တို့​ရှေ့​မှ​ကြွ​တော်မူ​သော သင်​တို့​၏​ဘုရားသခင်​ထာဝရဘုရား​သည် အီဂျစ်​ပြည်​၌ သင်​တို့​မျက်မှောက်​တွင် သင်​တို့​အဖို့​ပြု​ပေး​သကဲ့သို့​၊ ဤ​အရပ်​သို့ သင်​တို့​ရောက်​သည့်​တိုင်အောင် သင်​တို့​သွား​သည့်​လမ်းခရီး​တစ်လျှောက်​တွင် ဖခင်​သည် သား​ကို​ချီပိုး​သကဲ့သို့ သင်​တို့​၏​ဘုရားသခင်​ထာဝရဘုရား​သည် သင်​တို့​ကို မည်ကဲ့သို့​ချီပိုး​တော်မူ​ခဲ့​ကြောင်း​ကို တောကန္တာရ​၌​သင်​တို့​တွေ့မြင်​ခဲ့​ရ​သကဲ့သို့ ထာဝရဘုရား​သည် သင်​တို့​အဖို့ စစ်တိုက်​တော်မူ​လိမ့်မည်​’​ဟု ဆို​၏​။ ထိုသို့​ဆို​သော်လည်း သင်​တို့​၏​ဘုရားသခင်​ထာဝရဘုရား​ကို သင်​တို့​မ​ယုံကြည်​ကြ​။ ဘုရားသခင်​သည် လမ်းခရီး​၌ သင်​တို့​ရှေ့​မှ​ကြွ​လျက် သင်​တို့​စခန်းချ​ဖို့​နေရာ​ကို စူးစမ်း​တော်မူ​၍ သင်​တို့​သွား​ရ​မည့်​လမ်း​ကို ညအချိန်​၌ မီး​အားဖြင့်​၊ နေ့အချိန်​၌ မိုးတိမ်​အားဖြင့် ပြ​ပေး​တော်မူ​ခဲ့​၏​။ သင်​တို့​၏​စကား​သံ​ကို ထာဝရဘုရား​ကြား​သောအခါ အမျက်ထွက်​တော်မူ​၍ ‘​ထို​ပြည်​ကို သင်​တို့​ဘိုးဘေး​တို့​အား​ပေး​မည်​ဟု ငါ​ကျိန်ဆို​ခဲ့​သော်လည်း ထို​သာယာဝပြော​သော​ပြည်​ကို ဆိုးညစ်​သော​မျိုးဆက်​ဖြစ်​သည့် ဤ​လူ​တို့​တစ်ယောက်မျှ​မြင်​ရ​လိမ့်မည်​မ​ဟုတ်​။ သို့သော် ယေဖုန္နာ​၏​သား ကာလက်​သည် ထာဝရဘုရား​နောက်သို့​လုံးလုံး​လိုက်​သောကြောင့် ထို​ပြည်​ကို သူ​မြင်​ရ​မည်​။ သူ​ခြေချ​သော​မြေ​ကို သူ​နှင့်​သူ​၏​သားမြေး​တို့​အား ငါ​ပေး​မည်​’​ဟု ကျိန်ဆို​တော်မူ​၏​။ သင်​တို့​ကြောင့် ထာဝရဘုရား​သည် ငါ့​ကို​လည်း အမျက်ထွက်​တော်မူ​၍ ‘​သင်​သည်​လည်း ထို​ပြည်​သို့ ဝင်​ရ​မည်​မ​ဟုတ်​။ သင့်​ရှေ့​၌​ရပ်​နေ​သော နုန်​၏​သား ယောရှု​မူကား ထို​ပြည်​သို့​ဝင်​ရ​လိမ့်မည်​။ သူ့​အားဖြင့် အစ္စရေး​လူမျိုး​တို့ ထို​ပြည်​ကို အမွေဆက်ခံ​ရ​မည်​ဖြစ်၍ သူ့​ကို အားပေး​လော့​။ လုယူဖျက်ဆီး​ခြင်း​ခံရ​ကြ​လိမ့်မည်​ဟု သင်​တို့​ဆို​ခဲ့​သော သင်​တို့​၏​ကလေး​များ​၊ ယခု​အချိန်​တွင် အကောင်း​အဆိုး​ကို​မ​သိ​သေး​သော သင်​တို့​၏​သားသမီး​များ​သည် ထို​ပြည်​သို့ ဝင်​ရ​လိမ့်မည်​။ ငါ​သည် ထို​ပြည်​ကို သူ​တို့​အား​ပေး​၍ သူ​တို့​သည် ထို​ပြည်​ကို ပိုင်ဆိုင်​ရ​လိမ့်မည်​။ သင်​တို့​မူကား ပြန်လှည့်​ပြီး ပင်လယ်နီ​လမ်း​ဖြင့် တောကန္တာရ​သို့ ခရီးပြု​ကြ​လော့​’​ဟု မိန့်​တော်မူ​၏​။ ထိုအခါ သင်​တို့​က ငါ့​အား ‘​အကျွန်ုပ်​တို့​သည် ထာဝရဘုရား​ကို ပြစ်မှား​ကြ​ပါ​ပြီ​။ အကျွန်ုပ်​တို့​၏​ဘုရားသခင်​ထာဝရဘုရား​မိန့်မှာ​တော်မူ​သမျှ​အတိုင်း တက်သွား​၍ စစ်တိုက်​ပါ​မည်​’​ဟု ဆို​ပြီးလျှင် သင်​တို့​အသီးသီး လက်နက်​များ​ကို​စွဲကိုင်​၍ တောင်ပေါ်ဒေသ​သို့​တက်သွား​ရန် အသင့်နေ​ကြ​၏​။ သို့သော် ထာဝရဘုရား​က ‘​ထို​သူ​တို့​အား ဤသို့​ဆင့်ဆို​လော့​။ သင်​တို့​တက်​မ​သွား​ကြ​နှင့်​။ မ​တိုက်​ကြ​နှင့်​။ အကြောင်းမူကား ငါ​သည် သင်​တို့​နှင့်အတူ​ရှိ​တော်​မ​မူ​။ သင်​တို့​သည် ရန်သူ​တို့​ရှေ့​၌ ရှုံးနိမ့်​ကြ​ရ​လိမ့်မည်​’​ဟု ငါ့​အား​မိန့်​တော်မူ​၏​။ ငါ​သည် သင်​တို့​အား ထိုသို့​ဆင့်ဆို​သော်လည်း သင်​တို့​သည် နား​မ​ထောင်​ဘဲ ထာဝရဘုရား​၏​အမိန့်​တော်​ကို​ဖီဆန်​လျက် တောင်ပေါ်ဒေသ​သို့ တဇွတ်ထိုး​တက်သွား​ကြ​၏​။ ထို​တောင်ပေါ်ဒေသ​၌​နေထိုင်​ကြ​သော​အာမောရိ​လူမျိုး​တို့​သည် သင်​တို့​ကို​တိုက်ခိုက်​ရန် ထွက်လာ​ကြ​ပြီး ပျား​များ​လိုက်​သကဲ့သို့ သင်​တို့​ကို​လိုက်​၍ စိရ​အရပ်​မှ ဟောမာ​အရပ်​တိုင်အောင် သင်​တို့​ကို လိုက်လံချေမှုန်း​ကြ​၏​။ သင်​တို့​သည် ပြန်လာ​၍ ထာဝရဘုရား​ရှေ့မှောက်​၌ ငိုကြွေး​ကြ​သော်လည်း ထာဝရဘုရား​သည် သင်​တို့​၏​အသံ​ကို​နားညောင်း​တော်​မ​မူ​။ သင်​တို့​ကို ဂရုစိုက်​တော်​မ​မူ​။ သို့ဖြစ်၍ သင်​တို့​သည် ကာဒေရှ​အရပ်​၌ ရက်​ပေါင်း​များစွာ​နေထိုင်​ခဲ့​ရ​၏​။