တမန်တော်ဝတ္ထု 8:26-39

တစ်ဖန် ထာဝရ​ဘုရား​၏​ကောင်းကင်တမန်​က ဖိလိပ္ပု​အား “သင်​သည်​ထ​၍ ဂျေရုဆလင်​မြို့​မှ ဂါဇာ​မြို့​သို့ ဆင်း​သွား​ရာ​လမ်း​အတိုင်း တောင်​ဘက်​သို့​သွား​လော့”​ဟု မြွက်ဆို​၏။ ထို​လမ်း​သည် တော​ကန္တာရ​လမ်း​ဖြစ်​၏။ ထို့ကြောင့် ဖိလိပ္ပု​သည်​ထ​၍ သွား​လေ​၏။ ထိုစဉ် အီသီယိုးပီးယား​ဘုရင်မ​ကန္ဒက်​၏​မှူးမတ်​ကြီး​ဖြစ်​ပြီး ဘုရင်မ​၏​ဘဏ္ဍာ​အားလုံး​ကို စီမံ​အုပ်ချုပ်​ရ​သော အီသီယိုးပီးယား​ပြည်သား​တစ်​ဦး​သည် ဂျေရုဆလင်​မြို့​သို့ လာရောက်​ဝတ်ပြု​ကိုးကွယ်​ပြီး အပြန်​ခရီး​တွင် မိမိ​၏​ရထား​ပေါ်၌​ထိုင်​လျက် ပရောဖက်​ဟေရှာယ​၏​ကျမ်း​ကို​ဖတ်​နေ​၏။ ထိုအခါ ဝိညာဉ်​တော်​သည် ဖိလိပ္ပု​အား “ထို​ရထား​အနီး​သို့​သွား​၍ ကပ်​ပြီး​လိုက်​လော့”​ဟု မိန့်​တော်မူ​၏။ ဖိလိပ္ပု​သည်​လည်း ပြေး​သွား​ရာ ထို​သူ​သည် ပရောဖက်​ဟေရှာယ​ကျမ်း​ဖတ်​နေ​သည်​ကို ကြား​သဖြင့် “သင်​ဖတ်​နေ​သော​အရာ​ကို နားလည်​ပါ​သလော”​ဟု မေး​လေ​၏။ ထို​မှူးမတ်​က​လည်း “အကျွန်ုပ်​အား ရှင်းပြ​ပေး​သူ​မ​ရှိ​လျှင် မည်သို့​နားလည်​နိုင်​ပါ​မည်နည်း”​ဟု ဆို​ပြီးလျှင် ဖိလိပ္ပု​အား ရထား​ပေါ်​တက်​၍ မိမိ​နှင့်အတူ​ထိုင်​ရန် ဖိတ်ခေါ်​လေ​၏။ ထို​သူ​ဖတ်​နေ​သည့်​ကျမ်း​ပိုဒ်​မှာ “သူ​သည် သတ်​ရန်​လျာထား​သော​သိုး​ကဲ့သို့ ခေါ်ဆောင်​သွား​ခြင်း​ခံရ​၍ သိုးသငယ်​သည် အမွေး​ညှပ်​သူ​ရှေ့၌ တိတ်ဆိတ်​စွာ​နေ​သကဲ့သို့ မိမိ​နှုတ်​ကို​မ​ဖွင့်​ဘဲ​နေ​၏။ သူ​သည်​နှိမ့်ချ​ခြင်း​ခံရ​စဉ်​၌ သူ့​အတွက် တရား​သဖြင့်​စီရင်​ပေး​ခြင်း​မ​ရှိ​ကြ။ သူ​၏​အသက်​သည် မြေကြီး​ပေါ်မှ နုတ်ယူ​ခြင်း​ခံရ​သည်​ဖြစ်၍ သူ​၏​မျိုးဆက်​ကို မည်သူ​ပြောပြ​နိုင်​မည်နည်း”​ဟူ၍ ဖြစ်​၏။ ထိုအခါ မှူးမတ်​က ဖိလိပ္ပု​အား “သင့်​ကို​မေး​ပါရစေ။ ပရောဖက်​သည် မည်သူ့​အကြောင်း​ကို ဤသို့​ပြော​ထား​ပါ​သနည်း။ မိမိ​ကိုယ်တိုင်​အကြောင်း​လော၊ သို့မဟုတ် အခြား​သော​သူ​တစ်စုံတစ်ဦး​၏​အကြောင်း​လော”​ဟု ဆို​လေ​၏။ ဖိလိပ္ပု​သည်​လည်း မိမိ​နှုတ်​ကို​ဖွင့်​လျက် ဤ​ကျမ်းချက်​မှ​အစပြု​၍ ယေရှု​အကြောင်း​ကို သူ့​အား ဟောပြော​လေ​၏။ သူ​တို့​သည် လမ်း​အတိုင်း ခရီးဆက်​သွား​ကြ​စဉ် ရေ​ရှိ​ရာ​အရပ်​သို့​ရောက်လာ​သဖြင့် မှူးမတ်​က “ကြည့်​ပါ။ ရေ​ရှိ​သည်။ အကျွန်ုပ်​ဗတ္တိဇံ​ခံ​ရန် တားဆီး​သည့်​အရာ​ရှိ​ပါ​သလော”​ဟု ဆို​၏။ [ထိုအခါ ဖိလိပ္ပု​က “သင်​သည် စိတ်နှလုံး​အကြွင်းမဲ့​ယုံကြည်​လျှင် ဗတ္တိဇံ​ခံယူ​နိုင်​ပါ​သည်”​ဟု ဆို​သော် မှူးမတ်​က “ယေရှု​ခရစ်တော်​သည် ဘုရားသခင်​၏​သား​တော်​ဖြစ်​ကြောင်း အကျွန်ုပ်​ယုံကြည်​ပါ​၏”​ဟု ပြန်​ပြော​ပြီးလျှင်] ရထား​ကို​ရပ်​စေရန် အမိန့်​ပေး​လေ​၏။ ထို့နောက် ဖိလိပ္ပု​နှင့်​မှူးမတ် နှစ်ဦးစလုံး​တို့​သည် ရေ​ထဲသို့​အတူတကွ​ဆင်းသွား​ကြ​၍ ဖိလိပ္ပု​သည် မှူးမတ်​အား ဗတ္တိဇံ​ပေး​လေ​၏။ ရေ​ထဲမှ​တက်​လာ​ကြ​သောအခါ ထာဝရ​ဘုရား​၏​ဝိညာဉ်​တော်​သည် ဖိလိပ္ပု​ကို ချီဆောင်​သွား​တော်မူ​သဖြင့် ထို​မှူးမတ်​သည် ဖိလိပ္ပု​ကို နောက်ထပ် မ​တွေ့ရ​တော့​ပေ။ သို့သော် သူ​သည် ဝမ်းမြောက်​လျက် မိမိ​၏​ခရီး​ကို ဆက်သွား​လေ​၏။