ဓမ္မရာဇဝင်ဒုတိယစောင် 6:16-22

ဒါဝိဒ်​မြို့​တွင်း​သို့ ထာဝရဘုရား​၏​သေတ္တာ​တော် ဝင်ရောက်​လာ​သောအခါ ရှောလု​မင်းကြီး​၏​သမီး​တော် မိခါလ​သည် ပြတင်းပေါက်​မှ​လှမ်းကြည့်​ရာ ဒါဝိဒ်​မင်းကြီး​သည် ထာဝရဘုရား​ရှေ့​တော်​တွင် က​ခုန်​လျက်​လိုက်ပါ​လာ​သည်​ကို မြင်​လျှင် သူ့​စိတ်​ထဲတွင် ဒါဝိဒ်​မင်းကြီး​ကို မထီလေးစားပြု​မိ​လေ​၏​။ သူ​တို့​သည် ထာဝရဘုရား​၏​သေတ္တာ​တော်​ကို သယ်ဆောင်​လာ​ပြီး ဒါဝိဒ်​မင်းကြီး စိုက်ထူ​ထား​သော တဲ​တော်​အတွင်း သူ့​နေရာ​တွင် ချထား​ကြ​၏​။ ထို့နောက် ဒါဝိဒ်​မင်းကြီး​သည် ထာဝရဘုရား​ရှေ့​တော်​တွင် မီးရှို့ရာယဇ်​၊ မိတ်သဟာယယဇ်​တို့​ကို ပူဇော်​လေ​၏​။ ထိုသို့ မီးရှို့ရာယဇ်​နှင့် မိတ်သဟာယယဇ်​တို့​ကို ပူဇော်​ပြီး​သောအခါ ဒါဝိဒ်​မင်းကြီး​သည် ကောင်းကင်​ဗိုလ်ခြေ​အရှင် ထာဝရဘုရား​၏​နာမ​တော်​၌ လူ​တို့​ကို ကောင်းချီးပေး​လေ​၏​။ ထို့နောက် အစ္စရေး​လူထု​တစ်ရပ်လုံး​အား ယောက်ျား​မိန်းမ မ​ကျန် တစ်ဦး​လျှင် မုန့်​တစ်​လုံး​၊ အသား​တစ်​တုံး​၊ စပျစ်ပျဉ်​တစ်​ချပ် ဝေပေး​၏​။ ထို့နောက် လူ​အပေါင်း​တို့​သည် အသီးသီး​ကိုယ့်​အိမ်​သို့ ပြန်သွား​ကြ​၏​။ ထို့နောက် အိမ်သူအိမ်သား​တို့​ကို ကောင်းချီးပေး​ရန် ဒါဝိဒ်​မင်းကြီး ပြန်လာ​သောအခါ ရှောလု​၏​သမီး မိခါလ​သည် ထွက်လာ​၍ ဒါဝိဒ်​မင်းကြီး​ကို ကြိုဆို​ပြီး “​ယနေ့​တွင် အစ္စရေး​ဘုရင်​သည် ကျွန်ယောက်ျား​၊ ကျွန်မိန်းမ​များ​ရှေ့​၌ စိတ်လွတ်ကိုယ်လွတ်​ကခုန်​နေ​သည်​မှာ ကျက်သရေ​ရှိ​လှ​ပါ​သည်​တကား​။ လူမိုက်​တစ်​ယောက် စိတ်လွတ်ကိုယ်လွတ်​ပြုမူ​သကဲ့သို့​ပါ​တကား​”​ဟု ဆို​၏​။ ဒါဝိဒ်​မင်းကြီး​က​လည်း မိခါလ​အား “​ထာဝရဘုရား​ရှေ့​တော်​တွင် ငါ ကခုန်​ခြင်း​ဖြစ်​၏​။ ထာဝရဘုရား​၏​လူမျိုး​တော်​အစ္စရေး​တို့​အား အုပ်စိုး​မည့်​သူ​ကို သင့်​ဖခင်​နှင့် သင့်​ဖခင်​၏​အိမ်သူအိမ်သား​အပေါင်း​တို့​ထဲမှ​မ​ရွေးကောက်​ဘဲ ငါ့​ကို ရွေးကောက်​ခန့်ထား​တော်မူ​သော ထာဝရဘုရား​ရှေ့​တော်​တွင် ငါ​ပျော်မြူး​မည်​။ ထိုထက်မက အရိုအသေတန်​အောင် ငါ​လုပ်​ဦး​မည်​။ ငါ့​စိတ်တိုင်းကျ ငါ့ကိုယ်ငါ နှိမ့်ချ​ဦး​မည်​။ သို့သော် သင်​ပြောဆို​နေ​သော​ကျွန်မ​များ​သည် ငါ့​ကို ဂုဏ်ပြုချီးမွမ်း​ကြ​လိမ့်မည်​”​ဟု ပြန်ပြော​၏​။