ဓမ္မရာဇဝင်ပထမစောင် 2:12-26

ဧလိ​၏​သား​တို့​သည် ထာဝရဘုရား​နှင့် အကျွမ်း​မ​ဝင်​၊ ဆိုးညစ်​သော​သား​များ​ဖြစ်​ကြ​၏​။ လူ​တို့​အတွက် ယဇ်ပုရောဟိတ်​တို့​ပြု​ပေး​ရ​သော​ထုံးစံ​ရှိ​သည့်​အတိုင်း တစ်စုံတစ်ယောက်​သည် ယဇ်​ပူဇော်​သောအခါ အသား​ကို​ပြုတ်​နေစဉ်​မှာ​ပင် ယဇ်ပုရောဟိတ်​၏​ငယ်သား​သည် သုံးခွခက်ရင်း​ကို​ကိုင်​လျက်​ရောက်လာ​ပြီး ဒယ်​၊ ကရား​၊ ခွက်​၊ အိုး အစရှိ​သည်​တို့​ထဲသို့ ထိုးဆယ်​၍ ခက်ရင်း​၌​ပါလာ​သမျှ​သော​အသား​တို့​ကို ယဇ်ပုရောဟိတ်​အတွက် ယူသွား​လေ့​ရှိ​၏​။ သူ​တို့​သည် ရှိလော​မြို့​သို့​လာရောက်​သော​အစ္စရေး​လူမျိုး​အပေါင်း​တို့​ကို ထိုသို့ ပြုမူ​လေ့​ရှိ​၏​။ ထိုနည်းတူ အဆီ​ကို မီး​မ​ရှို့​မီ ယဇ်ပုရောဟိတ်​၏​ငယ်သား​သည် ရောက်လာ​၍ ယဇ်ပူဇော်​သော​သူ​အား “​ယဇ်ပုရောဟိတ်​ကင်​စား​ဖို့ အသား​ကို​ပေး​ပါ​။ ပြုတ်​ထား​သော​အသား​ကို သူ​မ​ယူ​ပါ​၊ အသားစိမ်း​ကို​သာ​ယူ​မည်”​ဟု ဆို​တတ်​၏​။ ယဇ်ပူဇော်​သော​သူ​က “​အဆီ​ကို အလျင် မီးရှို့​ပါရစေ​။ ပြီးမှ သင်​အလိုရှိ​သည်​ကို ယူ​ပါ​”​ဟု ဆို​လျှင်ပင် သူ​က “​မ​ရ​ပါ​၊ ယခုပင် ပေး​ပါ​။ မ​ပေး​လျှင် အတင်းအဓမ္မ​ယူ​မည်​”​ဟု ဆို​တတ်​၏​။ ဤသို့ ထာဝရဘုရား​ထံ​ပူဇော်​သော​ပူဇော်သက္ကာ​ကို မထီလေးစား​ပြု​ကြ​သောကြောင့် ထို​ငယ်သား​တို့​သည် ထာဝရဘုရား​ရှေ့​တော်​၌ အပြစ်​အလွန်​ကြီးမား​လျက်​ရှိ​၏​။ သူငယ်​ရှမွေလ​သည် ဧဖုဒ်​ပိတ်ချော​ကို​ဝတ်ဆင်​၍ ထာဝရဘုရား​ရှေ့​တော်​တွင် အမှု​တော်​ထမ်းဆောင်​လျက်​ရှိ​၏​။ သူ့​မိခင်​သည် သူ့​အတွက် ဝတ်လုံ​ငယ်​ကို​ချုပ်လုပ်​၏​။ နှစ်စဉ်​ယဇ်ပူဇော်​ရ​မည့်​အချိန်​ရောက်​၍ ခင်ပွန်းသည်​နှင့် ယဇ်ပူဇော်​ရန်​သွား​သောအခါ​တိုင်း သူ့​အတွက် ယူသွား​ပေး​လေ့​ရှိ​၏​။ ဧလိ​က​လည်း ဧလကာန​နှင့်​သူ့​မယား​အား “​ထာဝရဘုရား​ထံ အပ်နှံ​ထား​သော​ဤ​သား​အစား ထာဝရဘုရား​သည် သင့်​အား ဤ​မိန်းမ​အားဖြင့် သားသမီး​များ ထပ်၍​ပေးသနား​တော်မူ​ပါစေသော​”​ဟု ကောင်းချီးပေးပြီးမှ သူ​တို့​သည်​လည်း မိမိ​တို့​အိမ်​သို့​ပြန်သွား​ကြ​လေ​၏​။ ထာဝရဘုရား​သည် ဟန္န​ကို ကြည့်ရှုထောက်မ​တော်မူ​သဖြင့် သူ​သည် ကိုယ်ဝန်ဆောင်​၍ သား​သုံး​ယောက်​၊ သမီး​နှစ်​ယောက်​ကို ထပ်မံ​မွေးဖွား​လေ​၏​။ သူငယ်​ရှမွေလ​သည်​လည်း ထာဝရဘုရား​ရှေ့​တော်​တွင် ကြီးပြင်း​လာ​လေ​၏​။ ဧလိ​သည်​လည်း အသက်အရွယ်​အိုမင်း​လာ​၏​။ သူ့​သား​တို့​သည် အစ္စရေး​တစ်မျိုးသားလုံး​တို့​အား ပြု​သမျှ​ကို​လည်းကောင်း​၊ တွေ့ဆုံစည်းဝေးရာ​တဲ​တော်​အဝင်ဝ​တွင် အစေခံ​သော​အမျိုးသမီး​တို့​နှင့်အတူ အိပ်​သည်​ကို​လည်းကောင်း ကြားသိ​လေ​၏​။ ထိုအခါ သူ့​သား​တို့​အား “​သင်​တို့​ပြု​သော​မကောင်းမှု​ကို ဤ​လူမျိုး​တို့​ထံမှ ငါ​ကြား​ရ​ပြီ​။ အဘယ်ကြောင့် ဤသို့သော​အမှု​ကို​ပြု​ကြ​သနည်း​။ ငါ့​သား​တို့​၊ ဤသို့ မ​ပြု​ကြ​ပါ​နှင့်​။ ထာဝရဘုရား​၏​လူမျိုး​တော်​တို့​အလယ်​တွင် ပျံ့နှံ့​နေ​သော ငါ​ကြား​ရ​သည့်​သတင်း​ကား အကောင်း​မ​ဟုတ်​။ လူလူချင်း​ပြစ်မှား​မိ​လျှင် ဘုရားသခင်​သည် ထို​သူ​အတွက် ကြားဝင်​ဖြေရှင်း​ပေး​နိုင်​၏​။ သို့သော် လူ​သည် ထာဝရဘုရား​ကို​ပြစ်မှား​မိ​လျှင် မည်သူ​သည် သူ့​အတွက် ကြားဝင်​ဖြေရှင်း​ပေး​နိုင်​မည်နည်း​”​ဟု ဆိုဆုံးမ​သော်လည်း ဖခင်​၏​စကား​ကို နား​မ​ထောင်​ကြ​။ အကြောင်းမူကား ထာဝရဘုရား​သည် သူ​တို့​ကို​ကွပ်မျက်​ရန်​အလိုရှိ​တော်မူ​၏​။ သူငယ်​ရှမွေလ​သည် တစ်ဖြည်းဖြည်း​ကြီးပြင်း​လာ​လျက် ထာဝရဘုရား​ရှေ့​၊ လူ​တို့​ရှေ့​၌ မျက်နှာရ​လေ​၏​။