Luk 4:9-12

Namih Satan ka lame u una Ierusalem ma ka fiti u bae na fungan Felun Tunmapek. Ke ka fas u aragii, “Male o kalalik ke God, ke ok wof pu tinaga. Wara le ri siit ta u na Buk na Gogoh aragii, ‘God in fas foron angelo kia, isi rin fofonoi rokap lo wo, ke rik pose pes wo ini limri, isi biil ifasi on tuke kekem na ti fat.’” Iesu ka kiliis u aragii, “Ri siit u sabin na Buk na Gogoh le, ‘Gong o luun Kumguui God kiam na fatoftof.’”