Matiyo Pagpakatigam
Pagpakatigam
Yani na gogodanun syosorat ni Matiyo na sambok na sahabat ni Isa Almasi. Syosorat nan yani antak katigaman na si Isa Almasi yang Manlolowas na pyapasad ng Tohan sangaong ona pa kay adto kang Isa yamatoman yang kariko ng syosorat ng kanabian. Aw yani na gogodanun dili gaid para sang mga Yahodi kondi sang kariko ng manosiya.
Sang pirmiro mangobraay ng bowis si Matiyo para sang gobirno sang Roma. Awgaid pagpili ni Isa kang Matiyo, bibiyaan nan yang gawbuk nan aw yamagad da yan kang Isa.
Matapid yani na gogodanun aw yang yamakalasak sinyan yang makapantag sang kinabowi ni Isa Almasi sikun pa sang pagkaotaw nan, taman sang kanan pagpasogbo aw yang pagsatsat kanan ng Saytan kipat sang pagindo nan aw yang pagpakadyaw sang mga masakitun sampay da sang pagkamatay aw pagkabowi oman nan sikun sang kamatay.
Ansini na gogodanun pyapakita ni Matiyo na si Isa Almasi aon kapatot magmana sang Hokoman ng Tohan aw madaig yang pyagaindo nan makapantag sang pyagadatowan ng Tohan adi sang donya kipat sang mga pangitabo sang kataposan ng donya.
လက္ရွိေရြးခ်ယ္ထားမွု
Matiyo Pagpakatigam: kqe-e
အေရာင္မွတ္ခ်က္
မၽွေဝရန္
ကူးယူ
မိမိစက္ကိရိယာအားလုံးတြင္ မိမိအေရာင္ခ်ယ္ေသာအရာမ်ားကို သိမ္းဆည္းထားလိုပါသလား။ စာရင္းသြင္းပါ (သို႔) အေကာင့္ဝင္လိုက္ပါ
© 2012, Wycliffe Bible Translators, Inc. All rights reserved.