Mwanduso 10
10
Ulelo wa wanage Nuhu
(1 Umwaka 1:5-23)
1Uno awo ulelo wa wanage Nuhu, Shemu na Hamu na Yafeti. Vikishile kipindi cha mazi mengi wano wose wadatu walela wana.
2Wana wa Yafeti wakala, Gomeli na Magogu na Madai na Yavani na Tubali na Mesheki na Tilasi.
3Wana wa Gomeli wakala, Ashikenazi na Lifati na Togama.
4Wana wa Yavani wakala, Elisha na Talishishi na Kitimu na Dodanimu. 5Kubitila awo wanhu wa isi za mwhani wenela mziisi zao, kila wanhu na ulonzi wao na makabila gao na izing'holo zao.
6Wana wa Hamu wakala, Kushi na Misili na Putu na Kanaani.
7Wana wa Kushi wakala, Seba na Havila na Sabita na Laama na Sabiteka.
Wana wa Laama wakala, Sheba na Dedani.
8Kushi kakala na mwana yakemigwe Nimulodi, yakalile galu wa ichanduso na munhu mwene nguvu mwiisi. 9Kakala msakaji mkulu mgameso ga Mndewa Imulungu, lekaavo wanhu olonga, “Uwe kamba Nimulodi msakaji mkulu mgameso ga Mndewa Imulungu!” 10Mabuga gaichanduso ga utawala wake gakala, Babeli na Eleki na Akadi na Kaline, gose gakala mwiisi ya Shinali. 11Kulawa kuko Nimulodi kachola Ashulu kazenga buga da Ninawi na Lehoboti na Kala, 12na Leseni dili hagati ya Ninawi na buga kulu da Kala.
13Misili kawalela Waludi na Waanami na Walehabi na Wanafutuhi, 14na Wapatulusi na Wakafutoli na Wakasuluhi. Wafilisiti walawa kwa Wakasuluhi.
15Kanaani kawalela Sidoni, imwana chaudele na Heti. 16Vivija Kanaani kakala muhenga wa Wayebusi na Waamoli na Wagiligashi, 17na Wahivi na Waaliki na Wasini, 18na Waalivadi na Wasemali na Wahamasi. Abaho ng'holo nyingi za Wakanaani zipwililika.
19Na zimbaka za Wakanaani zisongela Sidoni kubitila nzila ya Gelali mbaka Gaza, abaho kubitila Sodoma na Gomola na Adima na Seboimu mbaka ako Lasha. 20Awo uwo ulelo wa Hamu, kamba viweli mna gamakabila gao na isi zao na ulonzi wao.
21Shemu, mkulu wa Yafeti, kalela wana. Shemu ayo muhenga wa wana wose wa Ebeli.
22Wana wa Shemu wakala, Elamu na Ashulu na Alifakisadi na Ludi na Alamu.
23Wana wa Alamu wakala, Usi na Huli na Geseli na Mashi. 24Alifakisadi kamulela Shela na Shela kamulela Ebeli.
25Ebeli kakala na wana wabili, imoja kakemigwa Pelegi kwavija mna ikipindi chake wanhu wa mwiisi wakala waigolile, na mwana iyagwe kakemigwa Yokitani.
26Yokitani kawalela Alimodadi na Shelefu na Hasalimawesi na Yela, 27na Hadolamu na Uzali na Dikila, 28na Obali na Abimaeli na Sheba, 29na Ofili na Havila na Yobabu. Awo wose wakala wanage Yokitani.
30Isi iwakalile yenela kulawa Mesha mbaka Sefali kuvigongo va mwambu wa kudilawila zuwa. 31Awo uwo ulelo wa Shemu, kamba viweli mna gamakabila gao na isi zao na ulonzi wao.
32Zino azo ng'holo za wana wa Nuhu kamba viwaleligwe toka isi mbaka isi. Kubitila awo wanhu wa makabila gose wenela mwiisi yose vigeshile mazi mengi.
လက္ရွိေရြးခ်ယ္ထားမွု
Mwanduso 10: King'hutu
အေရာင္မွတ္ခ်က္
မၽွေဝရန္
ကူးယူ
မိမိစက္ကိရိယာအားလုံးတြင္ မိမိအေရာင္ခ်ယ္ေသာအရာမ်ားကို သိမ္းဆည္းထားလိုပါသလား။ စာရင္းသြင္းပါ (သို႔) အေကာင့္ဝင္လိုက္ပါ
NT: © 2014 Pioneer Bible Translators and The Word for the World
OT: © 2019 Pioneer Bible Translators