Ninge 8
8
A nianga tupas no tunotuno nong i kure ira ut na ninge: da ting ira mangana gita me Get ing da inge iakan ra ninge. Devit ga pit ie.
1Watong, numehet Watong,
no hinsaam i manga lua harsakit tano ula hanuo bakut!
U te haminas no minamarim
aram naliu tano mawe.
2 #
Mt 21.16; 1Ko 1.27 Mekatiga ta ira palabulu diet ira nat na bulu ma ira bana,
u te hatahuat a mon pirhakasing
kanong ta ira am suk,
wara hamarur ira ut na harhuli ma diet ing diet wara binabalu ma ra sakena.
3Ing bia iau la nesnes leh no num mawe,
ira pinapalim na kaskas na limaam,
no teka ma ira tiding
ing u gate hakisi diet ta ira udiet subaan,
4 #
Jop 7.17; Nng 144.3; Hb 2.6-8 asa tunat ira tunotuno kaik u lilik uta mehet? A linge bia mon mehet.
Wara bih u balaure mehet ira tunotuno?
5U te bul hanapu dahin mehet ira tunotuno menapu taam,
ma u te hakilang mehet ma ira minamar ma ra tamat na urur.
6 #
Stt 1.26,28; 1Ko 15.27; Ep 1.22; Hb 2.8 U te bul mehet bia het na kure ira pinapalim na lumaam.
U te bul ira linge bakut napu ta ira kaki mehet hokaiken:
7ira sipsip bakut ma ira bulumakau,
ira rakaia tano pitoka,
8ira maan tano hur mauho,
ira kirip tano tes,
ma ira linge bakut ing diet la iaiaas hanahaan tano tes.
9Watong, numehet Watong,
no hinsaam i manga lua harsakit tano ula hanuo bakut!
လက္ရွိေရြးခ်ယ္ထားမွု
Ninge 8: gfkNTP
အေရာင္မွတ္ခ်က္
မၽွေဝရန္
ကူးယူ
မိမိစက္ကိရိယာအားလုံးတြင္ မိမိအေရာင္ခ်ယ္ေသာအရာမ်ားကို သိမ္းဆည္းထားလိုပါသလား။ စာရင္းသြင္းပါ (သို႔) အေကာင့္ဝင္လိုက္ပါ
© (Active), Wycliffe Bible Translators, Inc. All rights reserved.