Zan 6မွ လူႀကိဳက္ႏွစ္သက္ေသာ က်မ္းပိုဒ္မ်ား။

မၽွေဝရန္

Zozii ya maa 'cla lebhe: «‑Amʋ ‑glɩ 'lɛ 'flawoa ‑ʋ nyɩ 'lɛ jabhʋa na. Ɔmɔa ‑ɔ ciliin 'lɛ na, ŋɔmʋ cɩ 'ta kɩnɩɔ 'bhla. Ɔmɔa ‑ɔ ‑ka 'lɛ 'na pɔɔtɛtɛ na, 'nyutʋ cɩ 'ta kɩnɩɔ 'bhla.

'Wugoa ʋmʋ ‑ʋ nyɩ 'lɛ jabhʋa, 'nyɛkɛa bhlobhlo nʋ 'ta lʋʋ ‑ylɛylɛ. Wɔlɩa n solu 'lɛ anyɩ na, ɩ ‑glɩ 'Wugo ɩya jabhʋ.

A 'la nʋa nyɩa ‑ɩ cɩ ka 'lɛ nyumo na, ɩla lobholi, ‑ma a nʋ nyɩa ‑ɩ gwlɛlɩ 'lɛ 'nyɩ ɩ nyɩ 'lɛ jabhʋa ‑ʋ ‑kʋ 'lɛ 'lʋkʋlʋkʋ ɩya 'lʋkʋlʋkʋ na 'la lobholi. Nclɔɔa 'Cʋa* -cɩ kɩɩ 'lɛ anyɩ 'nyɩ, sa ɔmɔ To Laagɔ zʋ 'lɛ ɔla 'kukuunkpoa 'kʋ.»

'Lɩka n To 'la pɔɔsaa. Ɔ ‑wa lebhe ncaatʋtʋʋntʋa ‑ɔ lɩ 'lɛ 'Cʋa 'nyɩ zʋɔ 'lɛ ɔla pɔɔtɛtɛa 'kʋ na, ɔ 'lɩ jabhʋa ‑ʋ ‑kʋ 'lɛ 'lʋkʋlʋkʋ ɩya 'lʋkʋlʋkʋ na, ɩya bhɩalɩclɩɩa 'kʋ, n bhoo 'kwɩɩn 'kʋ.»

Zozii ya maa neenŋonu lebhe: «Laagɔ 'la lobholia, ɩmɩ -ɩ ‑glɩ 'lɛ lebhe a kalɩ ɔmɔa ɔ lobhu 'lɛ na 'la pɔɔtɛtɛ.»

Maa ‑tɛtɛa Toa 'nyɩɩn 'lɛ na, cɩ 'kaan cili 'nyɩ ɔmɔa ‑ɔ ciliin 'lɛ na n cɩ 'tɔɔ ‑jlukuun 'pa.

Simɔɔn Pɩɛlɩ yɔɔ neenŋonu lebhe: «‑Kwlenyɔ, ncaasaa ‑a -cɩ kaa 'lɛ mʋnʋ bha? ‑Mɔ ‑ka 'lɛ wɔɔnyɩtʋa, ‑ʋ nyɩ 'lɛ jabhʋa ‑ʋ ‑kʋ 'lɛ 'lʋkʋlʋkʋ ɩya 'lʋkʋlʋkʋ na.

‑Amʋ ‑ɔ ‑glɩ 'lɛ 'flawoa ‑ʋ 'wlʋlʋ 'lɛ ‑laagɔɔn 'nyɩ ‑ʋ nyɩ 'lɛ jabhʋa na. Ɔmɔa ‑ɔ -cɩ ka 'lɛ 'flawo ‑naa li na, ɔ cɩ kʋ 'lʋkʋlʋkʋ ɩya 'lʋkʋlʋkʋ. 'Nyɩ 'flawoa n cɩ 'ka 'lɛ 'nyɩ na, ʋmʋ ‑glɩ 'lɛ 'na 'nyɛkɛa n 'nyɩ 'lɛ le ‑laagɔzɔan 'la ncɛlɩa 'ka jabhʋa 'lɩ na.»

Nclɔɔ bhlogbɩɩ cɩ 'ta mino, ɔ 'kaan cili ɩ ‑ka ‑kʋ le Toa ‑ɔ lobhuun 'lɛ na, 'ta kaan ‑mɔ ‑la na, 'nyɩ ‑amʋ n cɩ 'kɔɔ bhɩalɩclɩɩa 'kʋ, 'kwɩɩnkʋbho.

Sa, 'flawoa Laagɔ nyɩ 'lɛ na, ʋmʋ ‑ʋ ‑glɩ 'lɛ ʋmʋa ‑ʋ 'wlʋlʋ 'lɛ ‑laagɔɔn 'nyɩ ‑ʋ nyɩ 'lɛ ncɛlɩ jabhʋa na.»

‑Amʋ, ‑ɔ ‑glɩ 'lɛ 'flawoa ‑ʋ 'nyɩ 'lɛ jabhʋa na.

Zozii ya 'flawia 'ma, ɔ ya Laagɔ bhɔlʋ 'nyɩ ɔ ya gba ma yɩɩ ncɛlɩa poli. Ɔ ya ‑zliia ‑ma 'ma 'nyɩ ɔ ya sɛɛ bhlogbɩɩ nʋ. Saa ma 'clalɩa 'lɛ na sɛɛ ɔ nyɩa 'lɛ maa. Daa, ma li 'lɛ 'nyɩ ma lo 'lɛ na, Zozii ya ɔla gɩlɩnyaa 'cla lebhe: «A 'wlalɩ 'klia ‑ɩ ‑to 'lɛ na 'wlu ɩya ‑ylɛylɛ 'la 'ka nyumo.»

Ma ya gɔlʋa 'lu, ma ya mʋ ‑aan ‑kiloo ‑ngbi 'bhisa 'kʋ, 'nyɩ ma ya 'lɛ Zozii 'nyia 'kʋtaan namʋnʋda 'lɩ, ɔ cili gɔlʋa 'bɩɩn. Na, ŋanɔ ya maa pla. ‑Ma ɔ ya maa 'cla lebhe: «‑Amʋ ‑kʋ 'lɛ, ŋanɔ 'la 'bhlaa anyɩ.»